EHPESU 4:23 - Jinghpaw Hanson Version Bible

²³ nanhte a myit mang na wenyi hta ningnan wa tai nna,

Jinghpaw Common Language Bible 2009

²³ Nanhte a kraw lawang myit masin ni hpe tsep kawp ningnan shabyin lu na rai myit dai.

EHPESU 4:23 ပူးပေါင်းရင်းမြစ်များ

SHAKAWN KUNGDAWN 51:10

Karai Kasang e, ngai hta san seng ai myit hpan tawn da nna, Agrin nga na Wenyi, nye a kata e shabai bang ya e.

EZEKELA 11:19

Ngai shanhte hpe myit masin langai sha hte, nanhte a kraw e wenyi ningnan bang ya na nngai:

EZEKELA 18:31

Nanhte galaw yu ai tawt lai ai amu mahkra hpe kau da nna, myit ningnan hte wenyi ningnan hkam la mu: Israela dap e, hpa majaw si mayu myit ta?

EZEKELA 36:26

Myit masin ningnan ngai nanhte hpe jaw nna, nanhte a kraw lawang hta, wenyi ningnan bang ya na nngai: nanhte a hkumhkrang na nlung salum hpe ngai shaw kau nna, shan salum bang ya na nngai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 6:4

Dai re ai majaw, Hkristu gaw Kawa a hpung shingkang hte si mat ai ni kaw na hkrung sharawt la ai hkrum wu ai hte maren, anhte mung asak sumdam ningnan hta e rawt hkawm wa lu hkra, dai baptisma hkam ai hta e, anhte si hkam nna shi hte rau lup makoi ai hkrum saga ai.

ROMA 8:6

Hkum shan myit gaw si mat ai lam rai nga ai; Wenyi a myit chyawm gaw, hkrung ai lam hte ngwipyaw ai lam rai nga ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

TITU 3:5

anhte hkum nan galaw ai dinghpring ai magam bungli a majaw n re ai sha, shi a matsan dum ai chyeju majaw she, bai shangai lam hte seng ai kashin kamun kau ya ai hte, anhte a hkye hkrang la ai Madu Yesu Hkristu a marang e,

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.