EHPESU 4:22 - Jinghpaw Hanson Version Bible

²² shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

Jinghpaw Common Language Bible 2009

²² Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

EHPESU 4:22 ပူးပေါင်းရင်းမြစ်များ

ROMA 6:6

Si mat ai wa gaw yubak hta na lawt pru nga ai majaw,

HEBRE 12:1

Ya ndai hte wa law la ai sakse ni gaw, anhte hpe sumwi zawn wang kawan da mi ai majaw, anhte mung, numdaw numdan re ai lit nlang hte hte, kap loi la ai yubak hpe kau da nna, makam masham a npawt nhpang hte jahkum shatsup ya ai wa Yesu hpe azi yu let, anhte gat na matu san da ai lam hpe shakut sharang rai, gat shadu wa ga:

YAKU 1:21

Dai re ai majaw matsat shabat yawng hte hte, ladu lai ai n hkru n hkra hte hpe yeng kau nna, nanhte a myit masin hpe hkye hkrang la lu na, kraw lawang e hkai da ai mungga hpe, sumnung ai myit hte hkam la nga mu.

HEBRE 3:13

yubak e hkalem hkalau kau ai hte nanhte hta na langai mi muk myit n shaja malit ga, Dai ni, ngu nna, naw tsun lu ai laman hte made hta, shani shagu shada da shadum jahprang nga mu;

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

1 PETRU 4:3

Kaning rai nme law, tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla nawku na lam hta hkawm sa ai gaw, ya lai wa ai aprat hte ram la sai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

2 PETRU 2:13

Shanhte gaw shani gangwan e pyi, shut lai ai amu hpe, tangpyaw dum nga ma ai; nanhte hte rau poi galaw sha nga ma yang, tinang a hkalem ai hta e shanhte tawt lai nga ma ai rai nna, agang chyalang hte matsat shabat re ai ni rai nga ma ai.

1 PETRU 1:18

Kaning rai nme law, ji wa ni kaw nna hkan dagraw nga ai nanhte a n se ai arawn alai hta na, hten mat chye ai aja gumhpraw hte nanhte hpe galai hkrang la lu na n rai;

KOLOSE 2:11

Hkristu a matu gadoi hkam ai ngu ai, hkumhkrang na ashan hpe sharun kau ai, lata hte n re ai matu gadoi hkam ai hte, nanhte shi hta e hkam manit dai:

GA SHAGAWP 11:18

Tara n lang ai wa gaw, maw sha map sha ai shabrai lu la nga ai; Dinghpring ai nli gat ai wa chyawm gaw, grin nga ai shabrai lu la na ra ai.

YOBA 22:23

N-gun chyalai rawng ai wa hpang de bai wa yang, grin nga na ndai; shut hpyit ai gaw na a sum hte tsan nga nna,

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

OBEDIA 1:3

Lungpu hta rawng nna, tsaw ai shara e shanu nga let, “Ngai hpe ga de kadai jahkrat lu na i?” nga nna kraw lawang e tsun ai wa e, na a gumrawng ai myit nang hpe hkalem kau nit dai.

2 PETRU 2:7

rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

YEREMIA 49:16

Lungpu hta rawng nna, bum pungding e machyu ai wa e, nang hkrit mai ai wa rai nga timung, na a gumrawng ai myit nang hpe hkalem kau nit dai: langda zawn tsaw ai shara e nang tsip tsip timung, dai kaw nna ngai nang hpe shayu kau na de ai,” nga nna Yehowa tsun ai.

GALATI 1:13

Yuda htung hta naw nga ai shaloi e, nye a arawn alai a lam nanhte na yu manit dai; Karai Kasang a Hpung hpe nachying ladu lai hkra ngai zingri zingrat nga nna, dai hpe akrin atsai di kau mawe ai.

1 SAMUELA 1:14

Dai rai nna Eli gaw, “Nang gaten du hkra naw nang nga na n ta? Na tsabyi jahku gam kau u,” ngu nna shi hpe tsun wu ai.

ROMA 7:11

kaning rai nme law, yubak gaw ginshan yaw nna, dai ga matsun hte ngai hpe hkalem kau nhtawm, dai hte ngai hpe sat kau ni ai.

YAKU 1:26

Ngai gaw nawku htung shadik ai wa rai nga nngai, nga nna marai langai ngai myit nawn dam timung, tinang a shinglet hpe n chye hkang ai hte, tinang a myit hpe hkalem kau yang, dai wa a nawku htung, kaman lila sha rai nga lu ai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

EHPESU 4:31

Myit gadun ai, sindawng katawt ai, masin pawt ai, ga law ga la ai, shatan nhkan ai amyu myu hte, n hkru n hkra ai yawng hte nawng, nanhte hte tsan gang nga u ga.