EHPESU 4:1 - Jinghpaw Hanson Version Bible

¹ Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

Jinghpaw Common Language Bible 2009

¹ Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 4:1 ပူးပေါင်းရင်းမြစ်များ

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

NINGPAWT NINGHPANG 5:24

Enuk chyawm gaw Karai Kasang hte rau hkawm sa nga ai rai nna, shi n nga sai; kaning rai nme nga Yang, Karai Kasang gaw shi hpe Jahtawt la wu ai.

YEREMIA 38:20

Yeremia chyawm gaw, Shanhte nang hpe ap kau lu na n rai; ngai nang hpe htawn tsun ai Yehowa nsen hpe madat mara u: shing rai, nang lawt lu nna asak hkrung nga lu na ndai.

KASA 9:31

Dai hte yang, Yuda mung, Galile mung hte Samari mung shara magup hkan e nga ai Hpung gaw, shadaw shangang ai lu la nna, angwi apyaw rai nga ai; dai Madu hpe hkrit hkungga ai hte, Chyoi pra ai Wenyi a shalan shabran ai lam ni hta hkawm sa let, shanhte law htam wa ma ai.

ROMA 11:29

Karai Kasang a chyeju kumhpa ni hte shaga la ai lam chyawm gaw, myit dawm la shara n nga lu ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

1 KORINHTU 4:16

Dai rai nna, nye a samnang ai ni tai nga mu, ngu nna ngai nanhte hpe shadut jahkat made ai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 4:12

Hpunau ni e, nanhte zawn ngai rai nga nngai majaw, nanhte mung ngai zawn rai nga mu, ngu nna ngai nanhte hpe hpyi nem made ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

EHPESU 4:4

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 3:14

hpang maga na arai hte hpe malap kau nna, man ang ai arai ni hpe chyan la let, Hkristu Yesu hta e Karai Kasang a grau htum ai shaga la ai lam ngu ai kumhpa hpe lu la na, bandung shadaw du hkra ngai gat shachyut nngai.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

KOLOSE 2:6

Dai re ai majaw, nanhte gaw Madu Hkristu Yesu hpe hkap hkalum la ai hte maren, shi hta e a hkawm nga mu:

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

1 HTESALONI 2:12

kawa gaw tinang a kasha ni hpe di ai hte maren, langai hte langai hte hpe anhte shadum jahprang nna, shangwi shapyaw ai hte sakse hkam ya ai hpe, nanhte nan chye nga myit dai.

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

TITU 2:10

masun la ai hku n hkan ai sha, lam yawng mayawng hta kaja reng ai kangka re ai myit madun dan nga mu ga, shanhte hpe shadum jahprang nga u.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

HEBRE 3:1

Dai re ai majaw, sumsing lamu na shaga la ai chyeju hkam la ai, chyoi pra ai hpunau ni e, anhte a nawku htung hpang ai Kasa hte Hkinjawng agyi wa Yesu hpe, myit sumru yu mu;

1 PETRU 2:11

Ngai tsawra ai ni e, myit masin hte gasat hkat nga ai hkum shan kayut la ai baw hpe koi kau myit ga, ga ntsa e shingbyi nga ai ni hte, bu hkawn manam zawn rai nga ai ni nanhte hpe, ngai nem da made ai:

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

2 PETRU 1:3

Hpung shingkang hte arawng sadang e anhte hpe shaga la ai wa a chye chyang lu ai nyan a gawp e, shi a Karai Wa atsam gaw, asak hkrung nga ai hte tara hkungga ai lam hta seng maseng hte anhte hpe jaw da mi ai rai nna,

2 YAWHAN 1:5

Ya chyawm gaw, majan e, hkang da ai ga nnan hte n rai, shawng npawt kaw nna anhte lu la sagaw ai ga hte ngai nang hpe ka dat nna, anhte shada da tsawra nga u ga, nang hpe hpyi dat de ai.