EHPESU 3:9 - Jinghpaw Hanson Version Bible

⁹ maigan amyu ni hpe Hkristu a nachying galu kaba htum ai sutgan a kabu gara shiga hkaw dan nna,

Jinghpaw Common Language Bible 2009

⁹ Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

EHPESU 3:9 ပူးပေါင်းရင်းမြစ်များ

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

MAHTE 10:27

Ngai nanhte hpe nsin kata e tsun dan ai lam hpe, nhtoi hta e tsun dan mu: nanhte na hta e na la ai lam hpe, nta ntsa nna hkaw dan mu.

MAHTE 13:35

“Nye a n-gup, ga shadawn hte ngai hpaw nna, Ginding aga nnan lat kaw nna, makoi da ai ga hpe ngai htai dan na nngai,” nga nna myihtoi tsun ai ga dik wa u ga, ga shadawn hte n rai yang gaw, shi shanhte hpe hpa mung n tsun dan yu ai.

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

YAWHAN 10:30

Ngai hte nye Wa gaw langai sha rai nga ai,” ngu nna shanhte hpe htan mu ai.

YAWHAN 5:17

Shaloi Yesu gaw, “Nye Wa gaw ya du hkra pyi amu a galaw nga ai rai nna, ngai mung galaw nngai,” ngu nna shanhte hpe htan mu ai.

YAWHAN 5:19

Dai re ai majaw Yesu gaw, “Ngai nanhte hpe gaja wa teng teng tsun made ga, Kasha gaw tinang a myit hte hpa mung n galaw lu ai; Kawa galaw ai lam mu mamu hpe sha hkan galaw lu ai: Kawa galaw ai lam shagu, Kasha mung hkan galaw lu na rai nga ai.

KASA 15:18

Ndai lam hpe chyi nma kaw nna shachye shachyang ai Madu tsun nga ai,” nga ai.

ROMA 11:25

Dai rai nna, hpunau ni e, nanhte tinang a hpaji n machyu myit ga, ndai sung htum ai lam hpe nanhte n chye nga na, ngai n ra nngai; dai gaw, maigan amyu ni garai n shang hkum ai du hkra, Israela masha nkau mi myit shanuk kau ai hkrum ma ai, nga ai:

1 KORINHTU 2:7

makoi magap da ai hte, ginding aga garai n lat kaw nna, anhte a hpung shingkang a matu mara Karai Kasang san tawn da ai, Karai Kasang a hpaji byeng-ya hpe, sung htum ai ga hte anhte tsun dan ga ai.

EHPESU 1:4

anhte gaw tsawra ai myit hte, shi a man e chyoi pra ai ni hte mara n rawng ai ni tai wa u ga, ginding aga garai n lat yang nna, shi anhte hpe Hkristu hta e lata la ma ni ai.

EHPESU 3:2

shawng e nanhte hpe loi mi ka dat ni ai hte maren, dai sung htum ai lam, shingran ga hte ngai hpe shana dat nngai gaw,

EHPESU 6:19

Dai kabu gara shiga a jaw e, hkang hkyihkyang hte hkang da ai kasa ngai rai nga timung, dai kabu gara shiga a sung htum ai lam hpe nden ja ai myit hte shana ya lu nna,

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

KOLOSE 1:26

Karai Kasang gaw nanhte a matu mara ngai hpe jaw da ai aya hte maren, dai Hpung a amu gun hpai ai wa, ngai tai nga nngai.

KOLOSE 3:3

Kaning rai nme law, nanhte si mat ai ni rai nga myit dai rai nna, nanhte a asak gaw Hkristu hte rau, Karai Kasang hta, kyem da nga ai.

KOLOSE 4:3

Hkristu a sung htum ai ga a majaw ngai gyit hkang da ai hkrum rai timung, dai sung htum ai ga tsun dan lu u ga, Karai Kasang gaw mungga a lam anhte a matu mara chyinghka hpaw malang nga na hte,

2 HTESALONI 2:13

Rai timung, dai Madu e tsawra nga ai hpunau ni e, nanhte a lam Karai Kasang hpe tutnawng e shakawn kungdawn na anhte ra nga ga ai: kaning rai nme law, Wenyi a shachyoi shapra na hte, tengman ai ga hpe kamsham na hta, hkye hkrang la ai hkrum na matu, Karai Kasang gaw shawng npawt kaw nna nanhte hpe lata la manit dai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

TITU 1:2

Karai Kasang a mayam hte, Yesu Hkristu a kasa tai nga ai, ngai Pawlu gaw, makam masham lam rau sha hkan ga ai majaw, ngai Sha majing re ai, Titu hpe, ga shana dat nngai.

1 PETRU 1:20

ginding aga garai n lat kaw nna, shi hpe chye tau wu timung, si ai ni kaw na shi hpe hkrung sharawt la wu ai hte, shi hpe hpung shingkang jaw ai Karai Kasang hpe,

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

SHINGRAN 17:8

Nang mu ai matse labye gaw, shawng de nga yu sai, ya gaw n nga ai, rai timung sung htum ai shara kaw na lung wa magang ra ai rai nna, hten byak ai de sa wa na ra ai. Ginding aga nnan lat kaw nna tinang a amying asak laika hta n ka lawm ai, ga ntsa e nga ai masha ni gaw, dai matse labye a nga yu sai hte ya n nga ai, bai nga na ra ai lam ni hpe mu lu ai shaloi, mau mahka na mara ai.

SHINGRAN 4:11

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung shingkang lu la na ging dan nga ndai law, nga nna shakawn na ma ai.