EHPESU 3:18 - Jinghpaw Hanson Version Bible

¹⁸ tsawra ai hta ru jung nna, pawt gaw da let, de a nda de, dingdung de, tsaw de, sung de, kaning rai rai nga ai gaw, chyoi pra ai ni yawng hte rau atsawm sha myit shakup lu nna,

Jinghpaw Common Language Bible 2009

¹⁸ Nanhte gaw Hkristu a tsaw ra myit kade dam nna galu ai, kade tsaw nna sung nga ai hpe Karai Kasang a amyu masha ni rau chye na lu na matu, ngai akyu hpyi ya nngai.

EHPESU 3:18 ပူးပေါင်းရင်းမြစ်များ

2 HKAWHKAM LABAU 6:41

Dai re ai majaw Yehowa Karai Kasang e, rawt u, nang hte na a sumpu a daru magam na a shanu ai shara hta anga nga u ga: Yehowa Karai Kasang e, na a hkinjawng ni hkye hkrang la ai hpe bu hpun nna, na a chyoi pra ai ni chyeju hta kabu gara nga mu ga.

SHAKAWN KUNGDAWN 103:17

Yehowa hpe hkrit kamyin ai ni a ntsa e, Shi a chyeju gaw chyaloi nhkoi kaw nna prat dingsa du hkra, anga nga ai rai nna;

SHAKAWN KUNGDAWN 116:15

Chyoi pra ai ni a si mat wa ai gaw, Yehowa a man e hpu la nga ai.

SHAKAWN KUNGDAWN 132:9

Na a hkinjawng ni dinghpring ai hpe bu hpun nna, Na a chyoi pra ai ni kabu gara let jahtau nga mu ga.

SHAKAWN KUNGDAWN 139:6

Dai hte wa chye chyang ai lam, nye a matu mauhpa kaba rai nga ai; Dai gaw nau tsaw la nga ai rai nna, ngai n dang myit lu we ai.

SHAKAWN KUNGDAWN 145:10

Yehowa e, na a bungli nlang hte gaw, Nang hpe shakawn kungdawn nga ma ai; Na a chyoi pra ai ni mung, nang hpe sha-a let nga nga ma ai.

ESAIA 55:9

Sumsing lamu gaw ginding aga hta tsaw nga ai hte maren, nye a lam ni nanhte a lam ni hta, ngai myit mang ai hku, nanhte myit mang ai hta, grau tsaw nga ai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

YAWHAN 15:13

Jinghku wa a matu tinang a asak nawng kau hkra tsawra ai myit hta, grau kaba ai tsawra ai myit gaw kadai hta mung n rawng nga ai.

ROMA 10:3

Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

2 KORINHTU 13:13

Madu Yesu Hkristu a akyu ara, Karai Kasang a tsawra n-gaw nwai ai hte, Chyoi pra ai Wenyi a kanawn mazum ai gaw, nanhte mahkra hte rau anga nga u ga law.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

EHPESU 1:15

Dai re ai majaw, Madu Yesu hta e mung, chyoi pra ai ni yawng hte hta e mung, nanhte lu nga ai makam masham lam hpe ngai na yu nngai majaw,

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

KOLOSE 1:4

nanhte a matu tutnawng e akyu hpyi nga yang, anhte a Madu Yesu Hkristu a Kawa Karai Kasang hpe, anhte shakawn kungdawn ga ai:

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.