EHPESU 3:10 - Jinghpaw Hanson Version Bible

¹⁰ nga manga hte hpe hpan da sai Karai Kasang hta e moi chyaloi nhkoi kaw nna makoi magap da ai sung htum ai ga a aya a lam, hpa rai nga ai gaw, madun dan na,

Jinghpaw Common Language Bible 2009

¹⁰ Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

EHPESU 3:10 ပူးပေါင်းရင်းမြစ်များ

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

SHAKAWN KUNGDAWN 104:24

Yehowa e, na a amu gade law la nga a hka! Nang mahkra hte hpe, hpaji hte galaw nu ai; Aga gaw, nang hpan da ai arai hte hpring nga ai.

EZEKELA 3:12

Shaloi Wenyi gaw ngai hpe pawn nna, nye a shingdu de, “Yehowa a hpung shingkang, shi a shara hta e a nga u ga law,” nga nna wu kadu ai nsen kaba, ngai na nngai.

ROMA 11:33

Karai Kasang a n taw n tsang ai hpaji byeng-ya hte chye chyang ai myit gaw, gade wa sung nga a hka! kadai n sawk ya lu ai shi a jeyang ai hku, kadai n gawn ya lu ai shi a ningsang magam lam ni gaw, mau n ma rai nga ai.

ROMA 8:38

Kaning rai nme law, si timung prawn timung, lamu kasa rai timung, tawa magam rai timung; ya e nga ai arai htawm hpang e du na arai hte, hpung atsam rai timung;

1 KORINHTU 1:24

rai timung, shaga la hkrum ai Yuda ni hte Heleni masha ni a matu mara, shi gaw Karai Kasang a atsam hte, Karai Kasang a hpaji byeng-ya ngu ai, Hkristu nan, rai nga ai.

1 KORINHTU 2:7

makoi magap da ai hte, ginding aga garai n lat kaw nna, anhte a hpung shingkang a matu mara Karai Kasang san tawn da ai, Karai Kasang a hpaji byeng-ya hpe, sung htum ai ga hte anhte tsun dan ga ai.

EHPESU 1:21

du magam, hkang ai ahkang, hpung shingkang hte up ai aya lu ai ni nlang hte a ntsa e mung, ndai aprat hte htawm hpang na aprat e mying lu ai shingteng amying nlang hte a ntsa e mung, shi hpe shatsaw nna, sumsing lamu lahta tang hta, shi a hkra maga e dung nga shagun da wu ai.

EHPESU 1:23

dai Hpung gaw, yawng mayawng hpe jahpring shatsup lu ai wa a hkum tsup ngu ai Hkristu a hkumhkrang rai nga ai.

EHPESU 1:3

Anhte a Madu Yesu Hkristu a Kawa rai nga ai Karai Kasang gaw, a nga u ga law: shi gaw sumsing lamu lahta tang hta e, Wenyi hte seng ai shaman ya ai lam amyu myu hte, Hkristu hta e anhte hpe shaman ya mi ai:

EHPESU 1:8

shi a shawang myit na sung htum ai lam anhte hpe shadan dan yang,

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

KOLOSE 1:16

Kaning rai nme law, sumsing lamu hte ginding aga hta yawng mayawng hte gaw, mu lu ai hte n mu lu ai hte hpe rai timung, hpa hkawhkam tingnyang, munggyi aya, du aya hte ahkang aya hte hpe rai timung, shi hta e hpan tawn da nga sai; arai yawng mayawng gaw, shi a jaw e mung, shi a matu mara mung, hpan tawn da nga sai.

KOLOSE 2:10

Shi hta e mung nanhte hkum tsup nga myit dai; shi gaw du aya lu ai hte ahkang aya lu ai ni yawng mayawng a baw rai nga ai.

KOLOSE 2:15

Du aya hte ahkang aya lu ai hte hpe htawk jahkrat kau nhtawm, shi dai ni hpe leng leng mahtan tawn nna, dai wudang hta shanhte a ntsa e padang nlaw da mu ai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.