EHPESU 2:8 - Jinghpaw Hanson Version Bible

⁸ Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

Jinghpaw Common Language Bible 2009

⁸ Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

EHPESU 2:8 ပူးပေါင်းရင်းမြစ်များ

MAHTE 16:17

Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

MAHTE 20:9

Shaloi ahkying shi langai e shang ai ni sa nna, gumhpraw lap lap gu hkra lu la ma ai.

MARKU 16:16

Kamsham nna baptisma hkam la ai wa gaw, hkye hkrang la ai hkrum na ra ai. n kam n sham ai wa chyawm gaw, dawdan ai hkrum na ra ai.

LUKA 7:50

Shi gaw, Na a kamsham ai gaw nang hpe hkye la nit dai; a pyaw sha wa nu, ngu nna dai numsha hpe tsun dat wu ai.

YAWHAN 3:36

Kasha wa hpe kamsham ai wa gaw, htani htana asak lu la wu ai: Kasha wa a ga hpe n madat ai wa chyawm gaw, asak hkrung lam mu na wu ai n rai: Karai Kasang a sindawng kahtet ai gaw, dai wa a ntsa e anga nga ai,” ngu nna htan mu ai.

YAWHAN 4:10

Shaloi Yesu gaw, Karai Kasang a kumhpa hte, “Ngai hpe ntsin jaw lu e, nga nna nang kaw hpyi ai wa hpe, nang chye wu taw gaw, nang shi kaw hpyi nna, shi gaw nang hpe hkrung ai ntsin jaw na nit dai,” ngu nna shi hpe htan wu ai.

YAWHAN 5:24

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kamsham ai wa mung, galoi mung hpang kara hkrum na n rai.

YAWHAN 6:37

Wa e ngai hpe ap ya ai yawng mayawng hte gaw, ngai hpang de du na mara ai; ngai hpang de du sa ai wa hpe mung, gaja wa ngai n kanawng kau na nngai.

YAWHAN 6:40

Hpa rai nga yang, Kasha wa hpe mu nna, kamsham ai wa kadai mung htani htana asak lu la na gaw, nye Wa a myit ra ai hku rai nga ai: ngai mung hpang jahtum na nhtoi hta, dai wa hpe sharawt na we ai,” ngu nna shanhte hpe tsun mu ai.

YAWHAN 6:44

ngai hpe shangun dat ai nye Wa e lau la ai wa n rai yang gaw, kadai mung ngai hpang de du sa lu na n rai; du sa ai wa hpe mung, hpang jahtum na nhtoi hta ngai sharawt la na we ai.

YAWHAN 6:65

Dai rai nna shi gaw, “Dai lam majaw she, nye Wa a ahkang hte n rai yang gaw, kadai mung ngai hpang de n du n sa lu ai, ngu nna ngai nanhte hpe tsun masade ai,” ngu mu ai.

KASA 13:39

dai hta n-ga, Mawshe a tara hte dingman ai kaw n du lu ai, dai wa hpe kamsham ai ni nlang hte lam shagu hta dingman ai kaw du lu na rai nga ai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

KASA 15:11

Anhte mung shanhte zawn, Madu Yesu a chyeju hte sha hkye hkrang la ai kaw du na, anhte kamsham nga ga ai,” ngu nna tsun mu ai.

KASA 16:14

Shaloi, Karai Kasang hpe nawku ai, Htuatira mare na, sumpan hkyeng dut ai num, Ludi ngu ai jan anhte a ga na la nna, Pawlu tsun dan ai lam hpe madat mara u ga nga, Madu gaw shi a myit hpaw ya wu ai.

KASA 16:31

Shaloi shan gaw, Madu Yesu hpe kamsham u; shaloi nang hte na nta masha ni nlang, hkye hkrang la ai kaw du na marin dai,” nga nna tsun ai lata,

ROMA 10:14

Dai rai nna, garai n chye kam ai Madu hpe, kaning rai shaga lu na ma ta? garai n na yu ai wa hpe, kaning rai kamsham lu na ma ta? hkaw tsun dan ai wa n nga yang gaw, kaning rai na la lu na ma ta?

ROMA 10:17

Dai rai nna, kamsham ai gaw na la lu ai kaw nna, na la lu ai mahtang gaw Hkristu a mungga a majaw pru wa ai.

ROMA 4:16

Dai re ai majaw, sali wunli hpe chyeju hku hte sha lu la lu hkra, dai ga ndat gaw jep ai tara hta lawm ai ni hta sha n rai, yawng mayawng a kawa Abraham a kamsham ai hta lawm ai amyu mahkra hta e grin dik wa u ga she, kamsham ai hte sha rai wa ai:

ROMA 4:5

Magam bungli n shachyen ai sha, tara tawt lai ai ni hpe dinghpring lu shangun ai madu hpe kamsham nga ai wa gaw, shi a kamsham ai hpe gaw, dinghpring ai, ngu ya wu ai.

ROMA 9:16

Dai rai nna, lu la mayu ai wa a myit e rai lu ai n rai, gat shakut ai majaw mung rai lu ai n rai, dai gaw chyeju rawng ai Karai Kasang a myit majaw sha rai nga ai.

GALATI 3:14

shing rai Yesu Hkristu a marang e, Abraham a gumring gumrat chyeju gaw maigan masha ni hta byin wa lu na hte, anhte mung dai Wenyi a ga ndat hpe makam masham hte lu la na rai nga ga ai.

GALATI 3:22

Ya chyawm gaw, Yesu Hkristu hta e rai nga ai makam masham hte seng ai ga ndat gaw, kamsham ai ni hpe jaw ya lu mu ga, Chyum laika gaw yawng mayawng hte hpe yubak a npu e rawng da nu ai.

EHPESU 1:19

nanhte chye na lu myit ga, nanhte a kraw lawang na myi gaw htoi san wa malit ga, ngai hpyi nga nngai. Dai atsam chyawm gaw, shi a n-gun lagaw hte atsam shapraw wu ai hte maren,

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 2:5

Hkristu hte hpawn jahkrung ma ni ai; chyeju hte sha nanhte hkye hkrang la ai hkrum manit dai;

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

KOLOSE 2:12

baptisma hkam ai lam hta nanhte shi hte rau lup wa nna, si mat ai ni kaw na shi hpe hkrung sharawt la ai Karai Kasang a shachyen ai hta, kamsham ai a marang e shi hte rau sharawt la ai mung hkrum manit dai.

2 HTESALONI 1:9

Yesu gaw shi a chyoi pra ai ni hta dan hkung nga ai hte, nanhte gaw anhte a sakse ga hpe kamsham nga myit dai majaw, dai shani hta e kamsham nga ai ni mahkra hta shi mau mahka hkrum ai shaloi e,

HEBRE 6:4

Kaning rai nme law, jahtoi ya ai lang mi hkrum yu nna, sumsing lamu na chyeju kumhpa hpe chyim yu ai hte, dai Chyoi pra ai Wenyi hpe jawm hkam la nna,

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.