EHPESU 2:2 - Jinghpaw Hanson Version Bible

² ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

Jinghpaw Common Language Bible 2009

² Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 2:2 ပူးပေါင်းရင်းမြစ်များ

YOBA 1:16

Dai wa gaw ga naw tsun nga yang, kasa kaga langai mi du kahtap nna, “Karai Kasang a wan gaw sumsing lamu de na di hkrat wa nna, sagu bainam ni hte nchyang ni hpe hkru kau ai hte shamyit kau manu ai; nang hpe wa tsun dan na matu, ngai chyu sha lawt ni ai,” ngu wu ai.

YOBA 1:19

nam mali de na nbung kaba bung wa nna, dai nta jut mali hpe wa ahpawt jang, dai nta gaw shabrang ni a ntsa e daw kamyet nna, shanhte si mat masai; nang hpe sa tsun dan na matu, ngai chyu sha lawt ni ai,” ngu wu ai.

YOBA 1:7

Shaloi Yehowa gaw Satan hpe, “nang gade nna du pru n ta?” Ngu nna san wu ai. Satan gaw, “ga ntsa e htinglet hkawm nna, le nang wonang jawt du ai kaw na pru nngai,” ngu nna Yehowa hpe htan wu ai.

YOBA 31:7

Nye a lagaw lam yit nga nna, nye a myit masin nye a myit ra ai hku hkan nga ai hte, nye a lata hta kashun kashe lawm nga yang,

SHAKAWN KUNGDAWN 17:14

Yehowa e, mungkan ga masha ni hte Ndai aprat hta sha matu mara lu ai ni kaw na, na a lata hte ngai hpe shalawt la e. Shanhte a kan hpe nang sutgan hte jahpring ya mu ai: Shanhte kashu kasha law law mayat maya nga ma ai rai nna, Shadang sha ni kaw sutgan htawng da lu ma ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 57:4

nanhte kadai hpe hkap daw myit ta? nanhte kadai hpe n-gup mahka nna, shinglet shaw dan myit ta? nanhte gaw tara tawt lai ai wa a kashu kasha ni, hkalem hkalau ai wa a matu mara ni, n rai nga myit ni?

YEREMIA 23:10

Kaning rai nme law, mungdan ting num shaw la shaw ai ni hpring chyat nga ma ai; matsa mawa ga majaw, mungdan yawn nga ai; nam mali na udat shara ni, ahkun ahkraw rai nga ai: mung masha ni hkan shachyut ai lam gaw n shawp ai rai nga ai; shanhte a n-gun atsam gaw tara maga de nga ai n rai.

HOSEA 10:9

“Israela e, nang gaw Gibea aprat kaw nna, yubak galaw nit dai; dai yang e shanhte naw tsap nga ma ai: hpyen gasat ai gaw, n hkru n hkra ai kashu kasha ni hpe Gibea mare hta e naw dep na, n rai ni?

JAW JAU 11:16

u gawla-uk, nsin kalang, hka u,

MAHTE 11:19

Dai Masha Kasha du sa nna, lu nga sha nga ai rai timung, Ndai sha marim ai wa, tsabyi lu shalai ai hte, kang hta ai ni, yubak kap ai ni a jinghku hpe yu mu, nga nna bai tsun ma ai. Hpaji byeng-ya chyawm gaw, shi a amu bungli hta awlaw ai hkrum nga ai,” ngu mu ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 13:38

Kaja ai nli gaw, dai mungdan a kashu kasha ni rai nga ma ai; tsing gaw, dai n hkru ai wa a kashu kasha ni rai nga ma ai;

MARKU 4:19

ndai mungkan a myit tsang ai, sutgan a hkalem ai hte myit marin ai lam kaga ga shang wa nna, dai mungga hpe lim kau ai majaw, asi n si lu ai ni, rai nga ma ai.

LUKA 16:8

Dai n tara ai kunhting wa hpaji hte chye galaw ai majaw, madu gaw shi hpe shakawn wu ai: kaning rai nme law, ndai mungkan ga a kashu kasha ni gaw, tinang a amyu hta e, ahtoi a kashu kasha ni hta grau nna hpaji rawng ma ai.

LUKA 22:31

Simun, Simun e, yu u, hkaulan mam hpe hking ai zawn, nanhte hpe hking lu n ga nga, Satan gaw ahkang hpyi nga ai:

YAWHAN 12:31

Ndai mungkan ga gaw, ya jeyang ai hkrum nga ai, ndai mungkan Du wa gaw, ya shinggan de shaden kau ai, hkrum na rai wa sai.

YAWHAN 13:2

Shana shat sha nga yang, gumlau Nat gaw Simun a kasha Yuda Iskarut a kraw kata e shi hpe ap kau na, hpaji daw bang ya boi nu ai rai nna,

YAWHAN 13:27

Dai wa dai muk n-gup mi la sha ngut jang, Satan gaw shi hta shang nu ai. Dai re ai majaw, Yesu gaw, “Nang galaw ra ai amu lau lau galaw u,” ngu nna shi hpe tsun wu ai.

YAWHAN 14:30

Ya kaw nna ngai nanhte hte ga law law n tsun lu na ni ai: kaning rai nme law, mungkan ga a Du wa gaw, du magang ra ai: dai wa chyawm gaw nye a ntsa e hpa ahkang mung n lu na wu ai:

YAWHAN 15:19

Nanhte mungkan ga hte seng ai ni rai myit yang gaw, mungkan ga gaw tinang hte seng ai ni hpe tsawra nga masai: nanhte chyawm gaw mungkan ga hte seng ai ni n rai myit dai hte, ndai mungkan ga na ngai nanhte hpe lata la made ai majaw, mungkan ga gaw nanhte hpe n dawng n yawt ai rai nga ai.

YAWHAN 16:11

tara jeyang ai lam dawdan da na gaw, ndai mungkan ga a Du wa tara jeyang hkrum sai majaw, rai na rai nga ai.

YAWHAN 7:7

Mungkan ga gaw nanhte hpe n dawng n wawm rai lu ai n rai; ngai hpe n dawng n wawm nga ai: kaning rai nme law, de a arawn alai n shawp ai hpe, ngai sakse hkam nngai majaw rai nga ai.

YAWHAN 8:23

Shaloi shi gaw, “Nanhte lawu tsang na rai nga myit dai; ngai chyawm gaw lahta tang na rai nga nngai: nanhte gaw ndai mungkan ga na rai myit dai; ngai chyawm gaw ndai mungkan ga na n rai nngai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

KASA 19:35

Ya, mare chyare wa dai shawa hpawng hpe jasim kau ngut jang, shi shanhte hpe, “Ehpesu masha ni e, Ehpesu masha ni a mare ndai, galu kaba ai Artemi a nawku htingnu hte Zeu hpara kaw na hkrat ai sumla, bau sin ai mare rai nga ai hpe, n chye ai, kadai wa nga nga a ta?

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

1 KORINHTU 5:10

rai timung, ndai mungkan ga na hpye ai amu galaw ai ni hte, nammak lawhpa ai ni, dip lu dip sha ai ni hte gawngngu sumla nawku ai ni hte n kanawn lu na, ngai n myit nngai: dai lam rai yang gaw, nanhte mungkan ga na pru mat wa na sha rai nga ai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

EHPESU 1:21

du magam, hkang ai ahkang, hpung shingkang hte up ai aya lu ai ni nlang hte a ntsa e mung, ndai aprat hte htawm hpang na aprat e mying lu ai shingteng amying nlang hte a ntsa e mung, shi hpe shatsaw nna, sumsing lamu lahta tang hta, shi a hkra maga e dung nga shagun da wu ai.

EHPESU 2:11

Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

EHPESU 2:13

Ya chyawm gaw, shawng e tsan gang nga ai ni nanhte gaw, Hkristu a asai hte Hkristu Yesu hta e ni wa manit dai.

EHPESU 2:3

Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

EHPESU 5:6

Kadai rai timung, kaman lila ga hte nanhte hpe myit hkum shadam myit ga; kaning rai nme law, dai lam nhkan e Karai Kasang a pawt sindawng ai gaw, n madat mara ai ni a ntsa e du ra ai.

EHPESU 5:8

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

EHPESU 6:12

Kaning rai nme law, anhte a gasat gala ai gaw, asai yan ashan hpe n re ai sha, du agyi ni hpe mung, ahkang aya lu ai ni hpe mung, ndai sin mak nga ai mungkan a hpung shingkang rawng ai ni hpe mung, sumsing lamu lahta tang e nga ai. n hkru n hkra ai nat a luksuk ni hpe mung, gasat gala nga ga ai.

KOLOSE 1:21

Nanhte mung shawng e tsasam re ai hte, nanhte a n hkru n hkra ai bungli majaw, myit mang hte n dawng n yawt ai ni rai nga myit dai rai timung, sumsing lamu a npu e hpan da mada hte hpe hkaw tsun dan nna, nanhte na yu ai kabu gara shiga a myit mada ai hta n htak mat ai sha,

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

YAKU 1:7

Dai wa gaw, Madu kaw na lama ma lu la na zawn, hkum nawn nga u ga;

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

1 PETRU 1:14

Nanhte mung madat mara ai ma zawn rai nga let, nanhte garai n chye ai aten na shawng na myit marin kau ai hte hpe ya n hkan dagraw ai sha;

1 PETRU 4:3

Kaning rai nme law, tara maigan ni a bawng hkut ai lam hpe shadik lawm nna, myit mak ai, ngang kayut ai, tsabyi lu lai ai, tangpyaw shalai ai, lusha marin ai hte arawng n nga ai sumla nawku na lam hta hkawm sa ai gaw, ya lai wa ai aprat hte ram la sai.

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

1 YAWHAN 3:10

Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai rai timung, dinghpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.

1 YAWHAN 4:4

Shu sha ni e, nanhte gaw Karai Kasang kaw na rai nga myit dai rai nna, shanhte hpe dang kau manu ai: kaning rai nme law, nanhte hta e rawng nga ai wa gaw, mungkan ga e nga nga ai wa hta grau nna kaba nga ai.

1 YAWHAN 5:19

Anhte gaw Karai Kasang kaw na rai nga ga ai, rai nna, mungkan ting gaw dai n hkru ai wa hta e lup mat wa ai hpe, anhte chye nga ga ai.

1 YAWHAN 5:4

Karai Kasang kaw nna shaprat ai wa kadai rai timung, dai mungkan ga hpe dang kau nu ai: padang lam chyawm gaw, anhte a makam masham rai nga mali ai.

SHINGRAN 12:9

Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw, jahkrat kau ai hkrum wu ai: shi gaw, le ga de jahkrat kau hkrum ai rai nna, shi a ali ama ni mung shi hte rau jahkrat kau ai hkrum ma ai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 16:17

Bai, sanit ngu na wa shi a gawm nbung hta ru gat dat wu ai: shaloi, “Ngut mat sai,” nga nna nawku Htingnu kata tingnyang kaw na nsen kaba pru wa ai:

SHINGRAN 20:2

Shi gaw Nat hte Satan rai nga ai, moi na lapu ngu ai baren numraw hpe rim la nna, shaning hkying mi du hkra, sharen da na matu, gyit hkang da wu ai: