EHPESU 2:13 - Jinghpaw Hanson Version Bible

¹³ Ya chyawm gaw, shawng e tsan gang nga ai ni nanhte gaw, Hkristu a asai hte Hkristu Yesu hta e ni wa manit dai.

Jinghpaw Common Language Bible 2009

¹³ Rai ti mung ya chyawm gaw, Hkristu Yesu hta e kahkyin gumdin rai nga manit dai rai nna shawng e Karai Kasang hte tsan gang nga ai ni nanhte gaw Hkristu a si hkam ai a marang e Karai Kasang hte ni wa lu manit dai.

EHPESU 2:13 ပူးပေါင်းရင်းမြစ်များ

SHAKAWN KUNGDAWN 22:7

Ngai hpe mu ai ni nlang ngai hpe asawng kau nna, N-gup nhkyeng let baw kanga nga ma ai.

SHAKAWN KUNGDAWN 73:27

Yu mu, nang hte tsan gang ai ni hten mat masai, Nang hte dingsa sa hka wa ai ni hpe, nang shaprai kau nga ndai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 43:6

ngai gaw, “Ap ya u,” ngu nna dingdung maga hpe mung, “Hkum ndang u,” ngu nna dingda maga hpe mung, tsun na nngai.

ESAIA 49:12

Yu u, ndai ni gaw sumtsan mung kaw nna wa na mara ai; bai yu u, ndai ni gaw dingdung maga hte sinna maga na mung, ndai ni gaw Sinim mung na mung, wa na mara ai,” nga ai.

ESAIA 57:19

N-gup a asi hpe ngai hpan da nngai; sumtsan mung na wa hta mung, ni nga ai wa hta mung, ngwipyaw lam, gaja wa, ngwipyaw lam, rai nga u ga; ngai shi hpe shamai shatsai na nngai,” nga nna Yehowa tsun ai.

ESAIA 60:4

Grup yin mada yu u; shanhte yawng zuphpawng nna, nang hpang de wa mara ai; na a shadang sha ni gaw sumtsan mung de na wa nna, na a shayi sha ni gaw ba kaye ai hkrum na mara ai.

ESAIA 60:9

Gaja wa, na a Karai Kasang Yehowa a amying nsang majaw mung, nang hpe hpung shingkang sharawng ya ai, Israela a Chyoi pra ai wa majaw mung, na a kashu kasha ni hte hpawn, shanhte a aja gumhpraw hpe sumtsan mung de na la wa na matu, zunlawng ni ngai hpe ala nga nna, Tarshi sanghpaw li ni shawng jin nga na mara ai.

ESAIA 66:19

“Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

YEREMIA 16:19

Nye a n-gun atsam, nye a hpyen dap, ru tsang ai shani e nye a shingbyi shara Yehowa e, lamu ga htum ai de na masha amyu ni nang hpang de du nna, Anhte a ji wa ni gaw, masu ai hte kaman lila, lam n la ai sali wunli hkrai hkam la masai, nga nna tsun na mara ai.

YAWHAN 10:16

Ndai ulawng hte n seng ai sagu kaga mung ngai naw lu nngai: dai sagu ni hpe mung ngai woi wa lu na rai nna, dai ni mung nye a nsen madat na mara ai; shaloi sagu hpung langai sha, sagu rem wa langai sha, rai na ra ai.

KASA 15:14

Karai Kasang gaw maigan amyu ni hta na, shi a amying ningsang a matu, masha amyu mi hpe shaw la na nga, kaning rai shawng nna shanhte kaw kawan katsan sa yu sai lam, Simun tsun dan ma ni ai.

KASA 2:39

Kaning rai nme law, ga ndat dai gaw, shi Madu anhte a Karai Kasang shaga la na ni mahkra hte ngu ai, nanhte hte nanhte a nshu nsha ni hte mung, sumtsan ga e nga ai ni nlang hte mung, seng nga ai,” ngu nna shanhte hpe tsun dan mu ai.

KASA 22:21

Shi chyawm gaw, ‘Pru wa su; ngai nang hpe maigan masha ni nga ai sumtsan ga de shangun na de ai,’ nga nna tsun ai,” ngu nna tsun mu ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

EHPESU 1:1

Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

EHPESU 1:7

Shi a n taw n tsang ai chyeju a majaw mung, tsawra htum ai Kasha a asai hta nan, htingrai htingrat na lam hte, yubak hpe raw dat kau na akyu, anhte lu la sagaw ai:

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

EHPESU 2:12

dai aten e Hkristu hta nanhte n lawm myit dai; Israela masha ni a mungdan a shinggan e nanhte nga ai hte, dai ga shaka hte seng ai ga ndat ni hta tsasam ni rai nga myit dai rai nna, mungkan ga hta myit mada shara mung, Karai Kasang mung, n lu ai sha pra nga myit dai hpe, dum nga mu.

EHPESU 2:2

ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

EHPESU 2:6

Hkristu Yesu hta e anhte hpe chyeju jaw let, shi a nachying galu kaba htum ai chyeju hpe htawm hpang prat ni hta e madun dan nga u ga,

HEBRE 9:18

Dai rai nna, shawng na ga shaka pyi, asai n lawm ai, tawn da ai, n rai nga ai,

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai:

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,