EHPESU 2:11 - Jinghpaw Hanson Version Bible

¹¹ Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

Jinghpaw Common Language Bible 2009

¹¹ Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

EHPESU 2:11 ပူးပေါင်းရင်းမြစ်များ

EZEKELA 20:43

Nanhte tinang hkum hpe awu asin di kau ai arawn alai mahkra hpe, dai mung hta nanhte myit dum nna, galaw hkrup ai yubak mahkra a majaw, tinang hkum hpe tinang nan matsat kau na marin dai.

EZEKELA 36:31

Shaloi nanhte gaw, nanhte a n hkru n hkra ai lam hte, n hpru n mai ai arawn alai hpe myit dum nna, tinang a n hkru n hkra ai lam hte matsat shabat amu majaw, tinang a myi man hpe pyi, matsat kau na marin dai.

MAHTE 20:7

Shanhte gaw, Kadai mung anhte hpe n saw mi ai, ngu mu ai. Shi gaw, Nanhte mung dai sun de sa wa ma su, ngu mu ai.

ROMA 11:17

Rai timung, lakung lakying nkau mi gyi kau ai hkrum nna, tsanlun chyalam ngu ai nang mahtang gaw, dai ni hta shachyaw ai hkrum ndai hte, tsanlun ru a asau hta bawk jaw lawm ai wa tai n yang gaw, lakung lakying ni a ntsa e gumrawng gumtawng hkum rai et.

ROMA 2:26

Matu gadoi n hkam ai wa, jep ai tara a dinghpring ai lam hpe hkan shatup a yang gaw, shi a n gadoi ai hpe gadoi ai zawn nawn ya na wu ai n rai ni?

ROMA 2:27

Hkum shan a gadoi n hkam timung, tara hpe hkan galaw ai wa gaw, laika hku hkan nna matu gadoi hkam ninglen, tara hpe tawt lai ai wa nang hpe, tara dara na rin dai.

1 KORINHTU 12:2

Nanhte gaw maigan ni naw rai nga ai shaloi e, shalen la hkrum kadup ai hte maren, n chye shaga ai sumla ni hpang de nanhte woi la hkrum nga myit dai gaw, nanhte nan chye nga myit dai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

GALATI 2:15

Anhte gaw Yuda amyu jet rai nga nna, maigan masha ni zawn yubak kap ai ni n rai nga ga timung,

GALATI 6:12

Hkum shan a ahpraw nsam hpe tau yu ai ni kadai mung, Hkristu Yesu a wudang a majaw zingri zingrat ai n hkrum mu ga, nanhte hpe matu gadoi hkam na, adip arip di myit dai.

EHPESU 2:2

ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai.

EHPESU 5:8

kaning rai nme law, nanhte shawng e nsin mak rai nga myit timung, ya gaw dai Madu hta e, nhtoi rai nga myit dai.

TARA JAHPRANG 15:15

Egutu mung e nang mayam tai yu nit dai mung, na a Karai Kasang Yehowa nang hpe hkrang la nit dai mung, nang dum lu na rai ndai: dai re ai majaw ndai lam, dai ni ngai nang hpe hkang da de ai.

TARA JAHPRANG 16:12

Nang Egutu mung e mayam tai nga rawng nit dai hpe nang dum nga nna, ndai matsun maroi ga hpe hkan shatup nga na rai ndai.

TARA JAHPRANG 5:15

Nang Egutu mung e mayam tai nga rawng nit dai mung, na a Karai Kasang Yehowa n-gun ja ai lata, shada ngai ai lahpum hte dai kaw na nang hpe shapraw la nit dai mung, nang dum nga lu na rai ndai; de a majaw, laban nhtoi matsing nga lu na, na a Karai Kasang Yehowa nang hpe hkang da nit dai.

TARA JAHPRANG 8:2

Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

TARA JAHPRANG 9:7

Nang na a Karai Kasang Yehowa hpe dai nam mali hkan e kaning rai shapawt pawt rai ndai gaw nang adum nga u, hkum malap kau et: Egutu mung na nang pru wa ai shani kaw nna ndai yang du ai du hkra, Yehowa hpe nang a gumlau nga nit dai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

KOLOSE 1:21

Nanhte mung shawng e tsasam re ai hte, nanhte a n hkru n hkra ai bungli majaw, myit mang hte n dawng n yawt ai ni rai nga myit dai rai timung, sumsing lamu a npu e hpan da mada hte hpe hkaw tsun dan nna, nanhte na yu ai kabu gara shiga a myit mada ai hta n htak mat ai sha,

KOLOSE 2:11

Hkristu a matu gadoi hkam ai ngu ai, hkumhkrang na ashan hpe sharun kau ai, lata hte n re ai matu gadoi hkam ai hte, nanhte shi hta e hkam manit dai:

KOLOSE 2:13

Nanhte gaw tara tawt lai nna, nanhte a hkum shan a matu gadoi n hkam ai hte chyasi ni rai nga myit timung, shi gaw nanhte hpe shi hte rau jahkrung ya manit dai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.

1 SAMUELA 17:36

Shing rai, na a mayam hkanghkyi hpe mung, tsap hpe mung sat kau lu ai: dai matu n gadoi ai Hpilisti wa mung, ahkrung nga ai Karai Kasang a hpyen laba ni hpe jahpoi ai majaw, dai zawn rai na ra ai,” ngu wu ai.