EHPESU 1:5 - Jinghpaw Hanson Version Bible

⁵ Tsawra htum ai Kasha a marang e, anhte hpe jaw dat mi ai hpung shingkang rawng ai chyeju a lam hpe shakawn kungdawn u ga,

Jinghpaw Common Language Bible 2009

⁵ Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 1:5 ပူးပေါင်းရင်းမြစ်များ

YEREMIA 3:19

Rai timung ngai gaw, Nang hpe kasha ni hta kaning di yin la nna, ngamu ngamai ai mungdan, maigan amyu baw ni a kaja htum ai sali wunli ga, nang hpe kaning di jaw na rai ta? ngu nna san yang, Nang gaw ngai hpe, Nye Wa, nga na rin dai; ngai kaw na mung, yit mat wa lu na n rai, nga nna ngai htan nngai.

YEREMIA 3:4

Ya kaw nna nang gaw, Nye wa e, brang ram prat na nye a manang rai nga nit dai, nga nna n tsun na n ni?

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

MAHTE 1:25

rai timung, shadang sha hpe garai n shangai lu yang, shi hte n hkrum ai sha nga nga ai: dai shadang sha hpe, shi Yesu ngu nna shamying wu ai.

MAHTE 11:26

rai sa, Wa e, nang tsaw ai hku, ndai rai nga lit dai.

LUKA 10:21

Dai ahkying hta Yesu gaw Chyoi pra ai Wenyi hta kabu nna, Sumsing lamu hte ginding aga a Madu, Wa e: hpaji byeng-ya rawng ai ni hte myit kunghpan ai ni kaw na, ndai lam ni hpe nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai: rai sa, Wa e, dai gaw nang tsaw ai hku rai nga lit dai.

LUKA 11:32

Tara dara ai nhtoi hta Ninewe masha ni gaw, ndai prat na amyu hte rau rawt wa nna, shanhte hpe dawdan na mara ai; kaning rai nme law, Yona hkaw tsun ai ga majaw, shanhte myit malai lu ma ai: yu mu, ndai yang e Yona hta grau kaba ai wa nga nga ai.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

YAWHAN 1:12

Shi a amying ningsang hpe kamsham ai ni ngu ai, shi e hkap la mala ni hpe, Karai Kasang a kashu kasha tai lu na ahkang shi jaw mu ai:

YAWHAN 11:52

dai amyu a matu sha n rai, shara shagu hkan e bra nga ai, Karai Kasang a kashu kasha ni hpe langai sha di nna, shinggyin jahpawng da na matu si hkam lu na re ai, nga nna mung, myihtoi ga hte tsun ai rai nga ai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

KASA 13:48

Maigan amyu ni dai na jang, kabu gara nga ai hte, Karai Kasang a mungga hpe shagrau sha-a ma ai: n htum n wai asak lu la na san da ai ni nlang hte mung, kamsham mat ma ai.

ROMA 8:23

Dai hta n-ga, Wenyi a chyeju nloi hpe hkam la sai ni anhte mung, anhte a kraw lawang hta e, anhte nan madai nga nna, anhte a hkumhkrang a htingrai htingrat ai lam ngu ai, kasha yin la na chyeju hpe, a la nga ga ai.

1 KORINHTU 1:1

Karai Kasang myit ra ai hte maren, Yesu Hkristu a kasa aya hta dang da ai, ngai Pawlu hte hpunau Sosteni gaw, Hkristu Yesu hta e shachyoi shapra ai hkrum nna, chyoi pra ai ni ngu na shaga la ai,

1 KORINHTU 1:21

Kaning rai nme law, Karai Kasang hpaji daw ai hte maren, mungkan ga gaw tinang a hpaji byeng-ya hte Karai Kasang hpe n chye lu ai majaw, angawk angak ngu ai hkaw dan ai ga hte kamsham ai ni hpe hkye hkrang la na, Karai Kasang ra ai hku rai nga ai.

2 KORINHTU 6:18

Nanhte a Kawa ngai tai na nngai rai nna, Nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun rawng ai Madu gaw a tsun nga ai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 1:11

Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

EHPESU 1:9

dai chyeju gaw hpaji byeng-ya hte kunghpan ai lam nlang hte hte, anhte hta e law htam wa sai:

HPILIPI 2:13

kaning rai nme law, galaw mayu ai myit rai timung, galaw lu ai lam rai timung, Karai Kasang gaw shi a sharawng awng ai a marang e, nanhte hta shachyen da myit dai.

KOLOSE 1:19

Kaning rai nme law, shi hta e hkum dinghkum rawng nga u ga, Kawa gaw sharawng awng nga ai rai nna,

2 HTESALONI 1:11

Dai re ai majaw, anhte a Karai Kasang hte Madu Yesu Hkristu a chyeju marang e, anhte a Madu Yesu a mying nsang gaw nanhte hta e shagrau ai hkrum lu na hte, nanhte mung shi hta e shagrau ai hkrum lu hkra,

HEBRE 2:4

Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

1 YAWHAN 3:1

Yu mu, Karai Kasang a kashu kasha ni anhte hpe ngu shamying mi ai majaw, dai Kawa gaw anhte hpe kade wa tsawra da mi hka: shi a kashu kasha ni mung anhte rai nga ga ai. Dai rai nna, mungkan ga gaw shi hpe n chye wu ai majaw, anhte hpe mung n chye mi ai.

SHINGRAN 21:7

Dang lu ai wa gaw ndai hte a Sali wunli hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.