EHPESU 1:12 - Jinghpaw Hanson Version Bible

¹² shi a shawang myit bawng hkut ai lam hte maren, yawng mayawng shabyin da ai wa a myit shatawng da nna, anhte hpe shawng nnan e san da ma ni ai majaw, shi hta e mung anhte sali wunli tai wa saga ai.

Jinghpaw Common Language Bible 2009

¹² Dai rai yang gaw nanhte Hkristu hta shawng nnan myit mada ai lam lu la sai ni gaw Karai Kasang a hpung shingkang hpe shakawn kungdawn nga ga law.

EHPESU 1:12 ပူးပေါင်းရင်းမြစ်များ

SHAKAWN KUNGDAWN 2:12

Dai kasha hpe pup mu: shing n rai yang, shi masin pawt nna nanhte lam e hten bya ai hkrum na myit dai: Kaning rai nme law, shi masin alawan pawt bu na ra ai: Shi hta shingbyi ai ni nlang hte gaw, a lu ma ai.

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 45:23

Lahput shagu nye a man e hput di nna, shinglet shagu ngai hta hpa let dagam nga na gaw, nye hkum hpe ngai dagam da ai hte, ndai dinghpring ai ga gaw nye n-gup na pru wa sai rai nna, nhtang wa lu na n rai.

ESAIA 45:25

Israela kashu kasha ni yawng Yehowa a jaw e dinghpring ai hkrum nna, shakawn kungdawn nga na mara ai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YAWHAN 14:1

“Nanhte myit hkum ru myit: Karai Kasang hpe kam mu, ngai hpe mung kam mi.

EHPESU 1:6

shi a shawang myit sharawng awng nga ai hte maren, Yesu Hkristu a jaw e, kasha yin la na chyeju hkam la lu u ga, shi anhte hpe shawng nnan e san da ma ni ai.

EHPESU 2:7

Hkristu Yesu hte hpawn, shi anhte hpe sharawt la nna, sumsing lamu lahta tang e dung shangun ma ni ai.

EHPESU 3:21

dai Hpung hta e mung, Hkristu Yesu hta e mung, htani htana prat dingsa na shu mashi shu masha du hkra, hpung shingkang anga nga u ga law. Amen.

2 HTESALONI 2:13

Rai timung, dai Madu e tsawra nga ai hpunau ni e, nanhte a lam Karai Kasang hpe tutnawng e shakawn kungdawn na anhte ra nga ga ai: kaning rai nme law, Wenyi a shachyoi shapra na hte, tengman ai ga hpe kamsham na hta, hkye hkrang la ai hkrum na matu, Karai Kasang gaw shawng npawt kaw nna nanhte hpe lata la manit dai.

2 TIMOHTI 1:12

Dai rai nna, dai lam a majaw ndai hte ru tsang ai ngai hkrum timung, n hkrit n kaya nga nngai; kaning rai nme law, kadai wa hpe ngai kam manoi nga nngai gaw, ngai chye nga ai hte, ngai ap tawn da ai arai hpe, dai nhtoi du hkra, shi mahkyu da ya lu ai, ngu nna ngai myit mu nga nngai.

YAKU 1:18

Shi hpan tawn da ai amyu baw ni hta e, anhte alat amyu zawn tai wa u ga, shi myit ra ai hku hkan let dai dingman ai mungga hte shi anhte hpe shaprat dat mi ai.

1 PETRU 1:21

shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.