EHPESU 1:11 - Jinghpaw Hanson Version Bible

¹¹ Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

Jinghpaw Common Language Bible 2009

¹¹ Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 1:11 ပူးပေါင်းရင်းမြစ်များ

YOBA 12:13

Karai Kasang chyawm gaw, hpaji byeng-ya hte daru magam rawng nga ai; shi hta hpaji daw ai hte, myit tsup ai nyan, hpring nga ai.

YOBA 33:29

Yu u, masha wa a myit masin hpe nsung hku de na dawm la nna, ahkrung nga ai ni a nhtoi hte shi hpe jahtoi ya lu hkra,

SHAKAWN KUNGDAWN 37:18

Mara n rawng ai ni a nhtoi hpe Yehowa chye nga ai; shanhte a sali wunli mung htani htana anga nga ai:

GA SHAGAWP 8:14

Hpaji daw lu ai hte lam madung ngai rai nga nngai; Chye chyang ai npawt ngai rai nga nngai; Ngai gaw n-gun atsam hte hpring nga nngai.

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 28:29

Dai amu gaw, Zaw nawng zaw wa up ai Yehowa kaw na rai nga ai: shi gaw hpaji daw ai lam hta mauhpa wa, hpaji hparat hta galu kaba htum ai wa, rai nga ai.

ESAIA 5:19

Yehowa lawan ru ga; shi a amu anhte mu lu hkra, tin shapun shabyin u ga; anhte chye na lu hkra, Israela a Chyoi pra ai Wa a hpaji daw ai gaw ni wa ai hte dik wa ru ga, nga nna tsun ai ni gaw dingnye lu ma ai.

YEREMIA 23:18

Yehowa mungga matsing lu nna chye na lu hkra, shi hte kadai bawng yu a ta? shi a ga hpe dum nna chye na lu ai wa gaw, kadai wa rai ta?

YEREMIA 32:19

hpaji daw ai hta mauhpa, amu shachyen ai hta kaba ai wa, nang rai nga ndai; langai hte langai tinang hkan ai lam, tinang galaw ai arawn alai hte maren, nhtang jaw na matu, na a myi gaw shinggyim masha ni hkawm sa ai lam mahkra hpe azi yu nga ai;

ZEHKARIA 6:13

gaja wa shi nan, Yehowa a nawku Htingnu hpe gaw da nna, daru magam dan hkung let, shi a tingnyang hta dung nna up na ra ai; shi gaw shi a tingnyang ntsa e, hkinjawng mung tai nna, dai aya lahkawng a majaw, ngwipyaw na lam hpaji daw na ra ai.

KASA 13:48

Maigan amyu ni dai na jang, kabu gara nga ai hte, Karai Kasang a mungga hpe shagrau sha-a ma ai: n htum n wai asak lu la na san da ai ni nlang hte mung, kamsham mat ma ai.

KASA 2:23

ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 20:27

Kaning rai nme law, Karai Kasang a ra ai hku hte tup, nanhte hpe hkaw dan na, ngai ginhtim yu nngai n rai.

KASA 20:32

Ya gaw ngai nanhte hpe Karai Kasang kaw mung, shadaw shangang ya lu ai hte, shachyoi shapra lu la ai ni nlang hte rau, nanhte hpe Sali wunli jaw ya lu ai, shi a chyeju mungga hta mung, ap da masade ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

KASA 4:28

ndai mare hta e Herod yan Pontu Pilat, maigan amyu ni hte Israela amyu masha ni du hkra jawm hpawng nga ma ai.

ROMA 11:34

Kaning rai nme law, dai Madu Du a myit hpe kadai dang chye a ta? shi hte bawng ai bawmung kadai wa rai nga a ta?

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

ROMA 8:29

Kaning rai nme law, shi a Kasha gaw kahpu kanau lanlak hta e alat ningshawng tai u ga, shawng nna chye tawn da ai ni hpe, shi a Kasha a gawng shing-yan hte bung na matu, shi shanhte hpe shawng nna san tawn da mu ai:

ROMA 8:30

shawng nna san tawn da sai ni hpe mung shi shaga la mu ai; shaga la manu ai ni hpe mung, shi dinghpring shangun mu ai; dinghpring shangun manu ai ni hpe mung, hpung shingkang lu shangun mu ai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

GALATI 3:18

Kaning rai nme law, dai sali wunli gaw jep ai tara hte seng a yang gaw, ga ndat hte seng nga ai n rai; Karai Kasang chyawm gaw, dai hpe ga ndat hte Abraham hpe jaw da nu ai.

EHPESU 1:14

Wenyi chyawm gaw, Karai Kasang a hpung shingkang shakawn kungdawn na lam a matu, shi mari da sai ni gaw htingrai htingrat ai chyeju lu la hkra, anhte a sali wunli a masat dingsat rai nga ai.

EHPESU 1:18

shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 1:5

Tsawra htum ai Kasha a marang e, anhte hpe jaw dat mi ai hpung shingkang rawng ai chyeju a lam hpe shakawn kungdawn u ga,

EHPESU 1:8

shi a shawang myit na sung htum ai lam anhte hpe shadan dan yang,

EHPESU 1:9

dai chyeju gaw hpaji byeng-ya hte kunghpan ai lam nlang hte hte, anhte hta e law htam wa sai:

EHPESU 3:11

chyoi pra ai ni yawng hta kaji htum ai wa rai nga ai, ngai hpe, dai chyeju jaw da ni ai.

TARA JAHPRANG 4:20

Nanhte hta, dai ni rai nga ai hte maren, Yehowa a matu Sali wunli amyu tai myit ga nga, Egutu mung a hpri wan mang na shi nanhte hpe gare la manit dai.

KOLOSE 1:12

nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

KOLOSE 3:24

dai Madu a matu zawn galaw nga nna, myit masin yawng hte a shaja nga mu: dai Madu Hkristu kaw nanhte yamnga myit dai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 3:7

dai rai nna, shi a chyeju hte dinghpring ai hkrum lu ga ai majaw, htani htana asak lu la na lam myit mada nga ai hte maren, anhte sali wunli hkam la ai ni rai na ga ai.

HEBRE 6:17

Karai Kasang mung, shi atut agrin nga ai bawng hkut da ai lam hpe, ga ndat ni a sali wunli hkam la ai ni kaw grau nna madun dan mayu ai shaloi e, dagam ai ga hte pahkam hkam da wu ai;

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 1:4

n run n hten ai, awu asin n re ai, n wai n mat ai sali wunli hpe hkam la lu na matu, shi a galu kaba ai chyeju majaw, shi anhte hpe bai shangai mi ai:

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.