EHPESU 1:10 - Jinghpaw Hanson Version Bible

¹⁰ dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

Jinghpaw Common Language Bible 2009

¹⁰ Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

EHPESU 1:10 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

AMO LAIKA (AMOS) 9:11

Nye a amyu masha ni gaw, naw ngam nga ai Edom amyu masha ni hte, nye a amying mying ai maigan amyu ni mahkra hpe, madu lu na matu,

MALAHKI 3:1

Yu u, nye a Kasa hpe ngai shangun dat nngai; shi gaw nye a man e, lam lajang na ra ai: nanhte hkan tam ai Madu gaw, shi a nawku Htingnu de akajawng sha du na ra ai; nanhte marit nga ai ga shaka a Kasa gaw, yu u, shi du ra ai, nga nna Zaw nawng zaw wa up ai Yehowa tsun ai.

MAHTE 25:32

amyu baw shagu hpe shi a man e jahpawng tawn da nhtawm, sagu rem wa gaw sagu ni hte bainam ni hpe karan ginhka da ai zawn, shanhte hpe karan ginhka da nna,

MARKU 1:15

“Dai aten ladaw dik wa ai hte, Karai Kasang a mungdan gaw ni wa magang ra ai: myit malai lu nna, dai kabu gara shiga hpe kamsham nga mu,” ngu nna Karai Kasang a kabu gara shiga hpe hkaw dan mu ai.

1 KORINHTU 10:11

Dai lam hte gaw shari tai u ga, shanhte hta shabyin nga ai rai nna, hpang jahtum ai aprat dep lu ai ni anhte hpe shadum jahprang na matu, ka da nga ai.

1 KORINHTU 11:3

Rai timung, lasha nlang hte a baw gaw, Hkristu rai nga ai, numsha a baw gaw lasha rai nga ai, Hkristu a baw chyawm gaw, Karai Kasang rai nga ai hpe nanhte chye myit ga, ngai ra nga nngai.

GALATI 4:4

Rai timung, aten ladaw gu jang, dai jep ai tara npu e rai nga ai ni hpe hkrang shaw la nna, anhte kasha yin la ai chyeju hkam la lu u ga,

EHPESU 1:22

Arai baw sumhpa hpe shi a lagaw npu e shi tawn da nu ai rai nna, yawng mayawng a baw tai na, dai Hpung kaw shi hpe jaw da wu ai:

EHPESU 2:15

dai n dawng n yawt lam ngu ai matsun maroi ga hta rawng nga nna, htet da ai ga hte seng ai jep ai tara hpe, shi a hkum shan hta e shi htawm kau nu ai; shing rai, dai amyu lahkawng gaw shi hta e masha ningnan langai sha hpan tawn da u ga, shi gaw ngwipyaw ai lam shatai wu ai:

EHPESU 3:15

yawng hte a npawt daju Kawa a man e, ngai lahput hput di nga nngai;

EHPESU 3:2

shawng e nanhte hpe loi mi ka dat ni ai hte maren, dai sung htum ai lam, shingran ga hte ngai hpe shana dat nngai gaw,

KOLOSE 1:16

Kaning rai nme law, sumsing lamu hte ginding aga hta yawng mayawng hte gaw, mu lu ai hte n mu lu ai hte hpe rai timung, hpa hkawhkam tingnyang, munggyi aya, du aya hte ahkang aya hte hpe rai timung, shi hta e hpan tawn da nga sai; arai yawng mayawng gaw, shi a jaw e mung, shi a matu mara mung, hpan tawn da nga sai.

KOLOSE 1:20

shi a wudang na hkaw ai asai hte mahku mara shatai let, shi a lata e yawng hte hpe shi hkum hte htinglu htinglai ya nga ai: rai sa, sumsing lamu e nga ai hte hpe rai timung, ginding aga e nga ai hte hpe rai timung, shi a lata hte htinglu htinglai ya nga ai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

HEBRE 1:2

ndai nhtoi ladaw na hpang jahtum ai hta, Kasha a n-gup hte anhte hpe ga matsun jaw da mani ai; dai Kasha hpe yawng mayawng a sali wunli hkam la ai wa tai na shi san da nu ai rai nna, shi hte mung nga yawng nga pra galaw da nu ai;

HEBRE 11:40

Kaning rai nme law, anhte n lawm yang gaw, shanhte mung jahkum jatsup ai n dep lu mu ga nga, Karai Kasang gaw anhte a matu grau kaja ai lam hpang da ya sai.

HEBRE 9:10

dai lam ni gaw, shahpa, luhpa hte kashin kamun ai lam amyu myu hte nawng, htung nnan jashawn na aprat garai n du laman e, gan tawn da ai, hkum shan hte seng ai ahtung ahki sha rai nga ai.

1 PETRU 1:20

ginding aga garai n lat kaw nna, shi hpe chye tau wu timung, si ai ni kaw na shi hpe hkrung sharawt la wu ai hte, shi hpe hpung shingkang jaw ai Karai Kasang hpe,

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,