Daniela 9:7 - Jinghpaw Hanson Version Bible

⁷ Madu e, dinghpring ai gaw nang hte seng nga ai: nang hpe shut hpyit ai yubak majaw, shapraw kau ai hkrum nna, ni ai, tsan ai, mung shagu hta bra nga ai, Yuda mung na ni, Yerusalem mare na ni hte, Israela masha ni yawng ngu ai, anhte hte, dai ni rai nga ai hte maren, myi man sum ai hkrai seng nga ai.

Jinghpaw Common Language Bible 2009

⁷ Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.

Daniela 9:7 ပူးပေါင်းရင်းမြစ်များ

EZRA 9:13

Ya rai timung, anhte a n shawp ai amu hte kaba la ai yubak majaw, anhte hkrum sha ai ari hpe yu yang, anhte ram ging ai daram nang anhte hpe ari n jaw ninglen

EZRA 9:15

Israela Karai Kasang Yehowa e, nang gaw dingman rai nga ndai; anhte gaw, dai ni mu ai hte maren, asak lawt nna ngam nga ai ni rai nga ga ai: yu u, anhte hta yubak kap let, na a man e anhte rai nga ga ai: dai yubak majaw na a man e kadai mung tsap nga lu ai n rai,” ngu nna tawngban wu ai.

NEHEMIA 9:33

Nang chyawm gaw, anhte hkrum sha ai lam shagu hta, dinghpring nga ndai; nang gaw kangka re ai hku galaw nit dai; anhte mahtang tara tawt lai sagaw ai:

SHAKAWN KUNGDAWN 119:137

Yehowa e, nang dinghpring nga ndai rai nna, Na a tara dara ai lam ni malang nga ai.

SHAKAWN KUNGDAWN 44:15

Roi rip ai wa hte arawng jahpoi ai wa a ga majaw, Gumlau ai wa hte matai tai ai wa a man e,

SHAKAWN KUNGDAWN 51:14

Karai Kasang e, ngai hpe hkye hkrang la ai Karai Kasang e, Bunglat hka hta na ngai hpe shalawt dat e: Shaloi nye a shinglet, na a dinghpring ai lam hpe marawn shakawn na ra ai.

SHAKAWN KUNGDAWN 51:4

Nang tsun nga ai ga dinghpring nga u ga, Na a tara dara ai lam hta mara n kap u ga, Nang hpe chyu sha ngai yubak galaw nna, Na a man e n hkru ai amu galaw ni ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 45:16

Hpara sumla galaw ai ni gaw, kaya kahpa hkrum ai hte yawng hte gaw mau mat nna, rau mak mat na mara ai.

YEREMIA 12:1

Yehowa e, ngai nang hte dangrang htat yang, nang gaw dinghpring nga ndai; rai timung, tara dawdan ai lam nang hpe san yu na nngai: ataw, tara n lang ai ni gaw, hpa majaw awng lu ma ta? grai myit magaw ai ni yawng, hpa majaw ngwipyaw nga lu ma ta?

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 3:25

Anhte gaw kaya la let kaleng taw nna, anhte a mak mat ai gaw, anhte hpe ka-up u ga; kaning rai nme law anhte gaw, ram prat kaw nna dai ni du hkra, ji wa ni hte rau, anhte a Karai Kasang hpe yubak galaw saga ai: anhte gaw, anhte a Karai Kasang Yehowa a nsen hpe n madat ga ai, nga ma ai.

YEREMIA 32:32

dai re ai majaw, Israela hte Yuda kashu kasha ni hte hpawn, shanhte a hkawhkam ni, du salang ni, hkinjawng ni, myihtoi ni, Yuda mung masha ni hte Yerusalem na ni gaw, tinang a n hkru ai amu mahkra hte ngai hpe pawt sindawng shangun ai majaw, ndai mare hpe nye a man na ngai htawm kau na we ai.

YEREMIA 33:16

Ndai aprat e Yuda mung hkye hkrang la ai hkrum nna, Yerusalem mare gaw asim sha nga lu na ra ai; da ndai gaw, Anhte a dinghpring Madu Yehowa, nga nna ndai mare hpe shamying ai amying rai nga ai.

YEREMIA 4:17

Yuda mung ngai hpe gumlau ai majaw, shanhte gaw hkauna sin ai ni zawn, dai mung hpe wang tawn da mu ai.

YEREMIA 7:19

Ngai hpe pawt shangun ai sha, rai kun? Tinang myi man hpe jasum na, tinang hkum hpe zingri ai, n rai nga a ni?” nga nna Yehowa tsun ai.

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

EZEKELA 36:31

Shaloi nanhte gaw, nanhte a n hkru n hkra ai lam hte, n hpru n mai ai arawn alai hpe myit dum nna, tinang a n hkru n hkra ai lam hte matsat shabat amu majaw, tinang a myi man hpe pyi, matsat kau na marin dai.

EZEKELA 5:10

“Dai re ai majaw na a ka-ang e, kawa ni gaw kasha ni hpe, kasha ni gaw kawa ni hpe, sha na mara ai; ngai nang hpe dawdan nna, naw ngam nga ai ni mahkra hpe, nbung bung shagu de shapoi kau na nngai.

EZEKELA 6:12

Tsan tsan e nga ai wa, ana zinli hte si na ra ai; ani sha nga ai wa, ri nhtu hte kadawng si na ra ai; dai tsin-yam lawt nna, naw ngam nga ai wa, hku wa hte si na ra ai: shing rai ngai gaw, shanhte a ntsa e, nye a sindawng kahtet ai shadik na nngai.

Daniela 9:14

Dai majaw Yehowa gaw ndai tsin-yam tsindam hpe matsing da nna, anhte a ntsa e shapraw dat nu ai; kaning rai nme law, anhte a Karai Kasang Yehowa gaw, galaw ai amu mahkra hta dinghpring nga ai: anhte mahtang shi a nsen hpe n madat saga ai.

Daniela 9:18

Nye a Karai Kasang e, na a na kayin nna, madat mara ya e; na a myi hpaw nna, anhte katsi katsang rai nga ai hpe mung, na a mying gang ai mare hpe mung, mada yu u; anhte gaw tinang dinghpring ai hpe hpa nna tawngban ga ai, n rai; na a chyeju myit kaba hpa nna she, tawngban nga ga ai.

Daniela 9:8

Madu e, anhte nang hpe yubak galaw ga ai majaw, anhte a hkawhkam ni, du ni, ji wa ni hte myi man sum ai hkrai seng nga ai.

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

ROMA 6:21

Dai rai nna, dai aten e nanhte hpa akyu lu la nga myit ta? ya e nan kaya kahpa ai baw lu la nga myit dai: dai ni a chyahtum gaw si mat ai hkrai rai nga ai.

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

TARA JAHPRANG 4:27

Yehowa nanhte hpe tsasam amyu ni hta shabra kau dat nna, nanhte hpe woi mat wa ai amyu ni a hpawng kata e, nanhte gaw kachyi sha rai mat hkra kaji mat na myit dai.