Daniela 9:5 - Jinghpaw Hanson Version Bible

⁵ anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

Jinghpaw Common Language Bible 2009

⁵ “Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

Daniela 9:5 ပူးပေါင်းရင်းမြစ်များ

2 HKAWHKAM 18:12

kaning rai nme law, shanhte a Karai Kasang Yehowa a nsen hpe shanhte n madat mara ai sha, shi a ga shaka hte shi a shangun ma Mawshe htet da mada hpe, shanhte gang kau nna n hkan galaw ma ai.

2 HKAWHKAM 21:15

Kaning rai nme law, shanhte a kaji kawa ni gaw Egutu mung na pru wa ai shani kaw nna dai ni du hkra, shanhte nan nye a man e n hkru ai amu galaw nna, ngai hpe pawt sindawng shangun mi ai,” ngu nna tsun mu ai.

EZRA 9:6

“Nye a Karai Kasang e, anhte a yubak gaw baw lim hkra law nga nna, anhte a mara gaw sumsing lamu dep nga ai majaw, nye a Karai Kasang a man e nye a myi man sharawt mada yu na, ngai hkrit kaya ai hte myi man sum nga nngai.

SHAKAWN KUNGDAWN 106:6

Anhte gaw ji woi ni hte rau yubak galaw ga ai, Anhte shut hpyit nna, tara tawt lai saga ai.

SHAKAWN KUNGDAWN 119:102

Nang ngai hpe sharin ya ndai majaw, Na a tara dara ai lam na ngai n lai nga nngai.

SHAKAWN KUNGDAWN 119:176

Ngai lam dam mat wa yang, Mat ai sagu kasha hpe zawn, na a mayam wa hpe hkan tam u; Kaning rai nme law, nang htet da ai ga hpe ngai n malap kau nngai law.

SHAKAWN KUNGDAWN 18:21

Kaning rai nme law, Yehowa a lam ngai hkan nang nna, Nye a Karai Kasang hpe shut kau nngai n rai.

ESAIA 53:6

Anhte yawng sagu zawn lam dam mat saga ai; langai hte langai tinang lam hkan mat ga ai: Yehowa chyawm gaw anhte mahkra a yubak mara hpe, shi a ntsa e mara da nu ai.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 64:4

Kaning rai nme law, nang hpe myit mada ai wa a matu, nang zawn chyeju madun ai Karai Kasang shaje, kadai wa mung, moi chyaloi nhkoi kaw nna n na, n chye ai hte, myi hte mung, mu yu ai n rai.

YEREMIA 14:20

Yehowa e, anhte tara tawt lai ai hte, ji wa ni a shut hpyit ai hpe, anhte yin la ga ai: anhte nang hpe shut kau saga ai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 3:25

Anhte gaw kaya la let kaleng taw nna, anhte a mak mat ai gaw, anhte hpe ka-up u ga; kaning rai nme law anhte gaw, ram prat kaw nna dai ni du hkra, ji wa ni hte rau, anhte a Karai Kasang hpe yubak galaw saga ai: anhte gaw, anhte a Karai Kasang Yehowa a nsen hpe n madat ga ai, nga ma ai.

YEREMIA 30:14

Na a jinghku ni yawng, nang hpe malap kau ma ai; nang hpe tam ma ai, n rai: na a yubak kaba nga ai hte, na a shut hpyit ai law htam wa ai majaw, ngai gaw hpyen wa zawn nang hpe jahpye nna, gumshem wa zawn ari jaw de ai.

YEREMIA 44:3

Yu mu, shawng de nga ai ni gaw, tinang mung n chye, nanhte mung, nanhte a nji nwa ni mung, n chye ai hpara kaga ni hpe daw jau let, ngai hpe pawt sindawng shangun hkra, manam pyaw ai baw nat nawng ai yubak a majaw, ndai mare ni gaw, dai ni, masha kata ai shingran katsi ai shara tai nga ai.

SHARUNG SHAYAWT 1:18

Yehowa gaw dinghpring nga ai; ngai mahtang shi a ga tawt lai nngai: Amyu baw ni e, madat nna, nye a yawn hpa hpe sumru yu mu: Nye a mahkawn ni hte shabrang ni hpe, bawng rim mat wa manu ai.

SHARUNG SHAYAWT 1:20

Yehowa e, mada yu u; ngai ruyak hkrum nngai; ngai myit law nngai; Ngai grai wa gumlau nngai majaw, nye a kraw hta nye myit gale galau nga ai: Shinggan e nhtu kawa sha nga ai; nhku de si du nga ai zawn rai nga ai.

SHARUNG SHAYAWT 3:42

Anhte tara tawt lai nna, gumlau saga ai; nang yubak raw dat kau ai, n rai.

EZEKELA 5:6

Shi chyawm gaw, maigan amyu ni hta, grau shut hpyit nna, ngai dawdan ai ga hpe gumlau ai hte, nye a matsun maroi ga hpe, grup yin na mungdan ni hta, grau nna lale kau nga ai: mare masha ni gaw, nye a dawdan ai ga hpe nyet kau nna, nye a matsun maroi ga hpe n hkan hkraw ma ai.

EZEKELA 6:9

Shing rai, ngai hpe kau da nna, n se ai myit masin hpe mung, hpara sumla ni hte shut mayu nna, hkan yu ai myi ni hpe mung, ngai kaning rai agrawp kau ai hpe, nhtu lawt lu ai ni gaw, bawng dung ai mung hta matsing nga ma yang, shanhte ngai hpe maigan amyu ni hta dum lu nna, tinang galaw hkrup ai matsat shabat amu mahkra a majaw, tinang myi man hpe pyi, matsat kau na mara ai.

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

Daniela 9:15

Ya chyawm gaw, na a amyu hpe n-gun ja ai lata hte, Egutu mung na shapraw nna, dai ni rai nga ai hte maren, arawng sadang dan hkung ai, anhte a Karai Kasang Madu e, anhte yubak galaw saga ai, tara n lang ai hku hkan nang saga ai.

Daniela 9:9

Matsan dum ai hte yubak raw dat kau ai lam, anhte a Madu Karai Kasang hte seng nga ai: anhte mahtang shi hpe gumlau saga ai.

HOSEA 1:2

Yehowa gaw Hosea hpe ga tsun hpang yang, “Nang sa su; shawa num hte hpawn, shi shaprat ai liknga ma ni hpe woi la u; kaning rai nme law, dai mungdan gaw Yehowa kaw na yit mat wa nna, grai shut hpyit nga ai,” ngu nna shi hpe tsun wu ai.

MALAHKI 3:7

Nanhte gaw, nji nwa ni a prat kaw nna, nye a matsun maroi ga n hkan ai, kau da manu ai. Ngai hpang de nhtang wa marit, shaloi ngai nanhte hpang de nhtang wa na nngai, nga nna Zaw nawng zaw wa up ai Yehowa tsun ai. Nanhte mahtang, Anhte kaning rai nhtang wa na rai ta? nga nna tsun myit dai.

HEBRE 3:12

Hpunau ni e, ahkrung nga ai Karai Kasang kaw na htak mat wa hkra, n hkru n shawp ai kam shut ai myit gaw, nanhte hta na langai mi hta muk n rawng malit ga, sadi nga mu;