Daniela 9:3 - Jinghpaw Hanson Version Bible

³ Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

Jinghpaw Common Language Bible 2009

³ Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

Daniela 9:3 ပူးပေါင်းရင်းမြစ်များ

2 SAMUELA 12:16

Dawi mung dai ma a matu Karai Kasang kaw hpyi nem nga ai rai nna, lusha gam let, shana tup nhku kata e, ga hta kaleng taw nga ai.

EZRA 10:6

Dai hpang Ezra gaw, Karai Kasang nta ndaw na rawt nhtawm, Eliashiba kasha Yehohana gawk hta shang wa ai; dai de du jang muk mung n sha, ntsin mung n lu ai nga nga ai; kaning rai nme law, bawng lawt ai ni a shut hpyit ai a majaw shi yawn madai nga ai.

EZRA 8:21

Shaloi e, anhte a Karai Kasang man e anhte myit nem lu nna, anhte a matu mung, anhte a ma kaji ni hte anhte lu ai arung arai mahkra a matu mung, malang pyaw ai lam shi hpe akyu hpyi na matu, Ahawa hka kau e lusha gam na aten, ngai hkang da nngai,

EZRA 9:5

Ya shana na dumhpung hkungga jaw na aten du jang, nye a myit yawn ai kaw na ngai rawt nna, palawng hte lawai ai nba shaje hte lahput hput di let, nye a Karai Kasang Yehowa man e nye a lata ladawn nna,

NEHEMIA 9:1

Ya, dai shata a hkun mali ya hta e Israela kashu kasha ni gaw lusha gam let, lachyit nba bu hpun ai hte ga nhpu hte bun nna zuphpawng nga ma ai.

ESHTA 4:16

“Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 35:13

Ngai chyawm gaw, shanhte machyi nga ma yang, lachyit nba bu hpun nna, Lusha gam ai hte myit gawng run nga nngai. Ngai akyu hpyi ai ga nye a sinda e a htu nga li ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

YEREMIA 33:3

Ngai hpe shaga e, ngai nang hpe htan na de ai; nang n chye na ai, galu kaba ai hte yak la ai amu, ngai nang hpe madun na de ai.

EZEKELA 36:37

“Madu Yehowa ning nga ai: Israela masha ni a tawngban ai ga hpe, ngai lang mi naw madat na nngai; ngai shanhte a masha ni hpe sagu zawn shalaw jahtam na nngai.

Daniela 6:10

Dai laika hta amying dazik shakap nga ai hpe, Daniela chye jang, shi gaw shi a nta de shang wa sai; ya, shi a gawk hkuwawt chyinghka ni gaw, Yerusalem mare de ang nna hpaw nga ai: shing rai shi gaw shawoi galaw ai hte maren, lani mi hta masum lang lang, lahput hput di let akyu hpyi nna, shi a Karai Kasang hpe shakawn kungdawn nga ai.

Daniela 9:2

ngai Daniela gaw laika ni hpe sawn yu yang, Yerusalem mare hten byak nna, sanit shi ning lai wa u ga, nga nna myihtoi Yeremia kaw du ai Yehowa a mungga majaw, ndai shaning ni a nambat hpe, ngai chye na lu nngai.

Daniela 9:20

Ya ngai ga tsun nga nna, akyu hpyi nga let, nye a yubak hpe mung, nye amyu Israela masha ni a yubak hpe mung, yin la nna, nye a Karai Kasang a chyoi pra ai bum a matu, nye a Karai Kasang Yehowa man e akyu hpyi nga yang,

Daniela 9:4

Ngai gaw nye a Karai Kasang Yehowa hpe akyu hpyi nna tawngban let, “Madu e, nang hpe tsawra nna, na a hkang da ai ga hkan shatup ai ni hpe, ga shaka shagrin da nna, n-gaw nwai ai myit madun ai, galu kaba ai hte hkrit mai ai Karai Kasang e,

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 2:12

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

YONA 3:5

Ya Ninewe masha ni gaw, “Karai Kasang hpe kamsham ma ai rai nna, lusha gam na ladaw tawn da ma ai hte, kaji ai ni kaw nna kaba ai ni du hkra, lachyit nba bu hpun ma ai.

LUKA 2:37

dai num gaw nawku Htingnu kaw na n pru ai sha, lusha gam nna akyu hpyi ai hte shani shana daw jau let anga nga ai.

KASA 10:30

Shaloi Korneli gaw, “Dai ni mali ya rai sai, akyu hpyi ai ahkying jahku hta, nye a nta e ngai akyu hpyi nga yang, yu u, tu kabrim ai hpun palawng bu hpun ai wa langai mi nye a man e tsap pru nna,