Daniela 9:27 - Jinghpaw Hanson Version Bible

²⁷ Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

Jinghpaw Common Language Bible 2009

²⁷ Dai up hkang du wa gaw masha law law hte ngang ai myit hkrum ga shaka hpe sanit ning tawn da na ra ai, dai aten ka-ang hkup lai mat wa jang, shi gaw shagu hkungga ni hte shadung hkungga ni hpe jahtum kau na ra ai. Dai Hkrit Si na zawn re ai wa gaw Nawku Htingnu a tsaw htum ai nchyun hta sa nga nga nna, Karai Kasang shi a matu ngu nna hkyen da ya hkrum ai wa hte dai yang e hpang jahtum wa hkrum hkat ai aten du hkra nga nga na ra ai,” ngu nna sanglang dan wu ai.

Daniela 9:27 ပူးပေါင်းရင်းမြစ်များ

ESAIA 28:15

Anhte gaw si hkrung si htan hte ga shaka tawn da saga ai; katsan ga hte anhte myit hkrum ga ai: lim kau ai ari ahpri lwi wa timung, anhte kaw du lu na n rai; anhte gaw masu matsa ga hta shingbyi nna, hkalem ai ga npu e makoi nga ga ai, nga nna tsun myit dai majaw,

ESAIA 28:22

Ya chyawm gaw nanhte gyit hkang ai grau nna n hkrum myit ga, jahpoi ai ga hkum tsun myit: kaning rai nme law, lamu ga ting hpe dawdan shamyit kau na nga ai ga, Zaw nawng zaw wa up ai Madu Yehowa kaw na, ngai na se ai.

ESAIA 42:6

“Nang gaw myi kyaw ai ni a myi hpe hpaw ya na hte, htawng hta bawng dung ai ni hpe shapraw nna, nsin htawng hta dung nga ai ni hpe shalawt dat na matu,

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 55:3

Na la nna ngai hpang de sa marit; madat mara mu, shing rai yang nanhte a myit masin hkrung nga na ra ai: ngai mung nanhte hte htani htana ga shaka tawn da nna, Dawi hta grin nga ai chyeju hpe nanhte hta shagrin da na nngai.

YEREMIA 7:30

Yehowa ning nga ai: “Yuda kashu kasha ni gaw, nye a man e n hkru ai amu galaw masai; nye a amying mying ai nta hpe awu asin di na nga, matsat shabat re ai arai ni hpe, jashawn da manu ai.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 8:13

Shaloi chyoi pra ai wa langai mi a ga tsun ai nsen ngai na nngai: bai, chyoi pra ai wa kaga gaw, ga tsun ai chyoi pra ai wa hpe shaga nna, “Dai chyoi pra ai shara hte, zaw nawng zaw wa hpe kabye anin kau ai hkrum hkra, tutnawng nawng ya ai wan nat hkungga hte, jahten shabyak chye ai tara tawt lai ai lam pru ai shingran gaw, gaten du hkra ri na rai ta?” ngu nna san wu ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

BU HKAWM 7:62

shekela shi li ai ja chyaw langai mi hte, dai hta jahpring dat ai manam pyaw ai baw;

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MAHTE 26:28

dai gaw, yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai:

MAHTE 27:51

Shaloi, yu mu, nawku Htingnu na nba grang ntsa de nna hkren, ka-ang brang ga mat ai; ginding aga mung ashun awam wa nna, lunghkrung ni ga mat wa ma ai;

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

LUKA 21:20

Yerusalem mare hpe hpyen luksuk ni hte wang kawan da ai hpe, nanhte mu myit yang chyawm gaw, dai mare hten bya na, ni wa ra ai gaw, dum chye mu.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

ROMA 11:26

shing rai Israela masha ni nlang hte gaw hkye hkrang la ai hkrum na ma ai: dai hte maren, “Ziun kaw na Mawai la ai wa paw pru nhtawm, Tara n hkungga ai hpe Yaku hta na lat kau na ru ai;

ROMA 5:15

Rai timung, tawt lai ai lam zawn, chyeju kumhpa lam rai nga ai n rai; kaning rai nme law, marai langai mi a shut hpyit ai jaw e ga daga si mat ma sayang gaw, Karai Kasang a chyeju hte, Yesu Hkristu ngu ai masha langai mi a chyeju hte jaw ai kumhpaw kumhpa gaw, lanlak a matu grau nna law htam wa na rai nga sai.

ROMA 5:19

Kaning rai nme law, masha langai mi a n madat mara ai a majaw, ga daga hpe yubak kap ai ni ngu shatai mu ai hte maren, marai langai mi a madat mara ai lam majaw, lanlak hpe dinghpring ai ni ngu shatai na maru ai.

HEBRE 9:28

Hkristu mung, law law ni a yubak gun hpai kau na, lang mi sha nawng ya kau hkrum sai rai nna, hkye hkrang la ai hkrum lu hkra, shi hpe ala nga ai ni a matu, yubak gun lam hte n seng ai sha, lahkawng lang ngu na hta, dan pru na ra ai.