Daniela 9:26 - Jinghpaw Hanson Version Bible

²⁶ Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

Jinghpaw Common Language Bible 2009

²⁶ Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

Daniela 9:26 ပူးပေါင်းရင်းမြစ်များ

2 SAMUELA 21:5

Dai rai nna shanhte gaw hkawhkam wa hpe, Anhte hpe zingri nna, Israela mungdan kata e n nga lu hkra, anhte hpe shamyit kau na maw ai wa a kashu kasha sanit hpe anhte a lata de ap ya mi:

SHAKAWN KUNGDAWN 22:15

Nye a n-gun di chyen zawn hkraw mat nga ai, Nye a shinglet nye a gumra hta kap mat sai: Si ai nhpu hta nang ngai hpe tawn da nit dai.

ESAIA 28:2

Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

ESAIA 28:22

Ya chyawm gaw nanhte gyit hkang ai grau nna n hkrum myit ga, jahpoi ai ga hkum tsun myit: kaning rai nme law, lamu ga ting hpe dawdan shamyit kau na nga ai ga, Zaw nawng zaw wa up ai Madu Yehowa kaw na, ngai na se ai.

ESAIA 53:8

N tara ai hku dawdan ai hte shi hpe shapraw kau ma ai: shi gaw, nye a amyu masha ni tara tawt lai ai majaw, hkrung nga ai ni a ga hta na htawm kau ai hkrum nna, shanhte a gawng malai hkungga tai wa ai gaw, shi a rau ram manang ni hta kadai wa mahtang chye gawn lu a ta?

ESAIA 8:7

yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

YEREMIA 46:7

Nila hka zawn tung rawt nna, hka nu hpungtun zawn lung wa ai wa gaw, kadai wa rai ta?

YEREMIA 51:42

Nammukdara gaw Babelon mare de lung wa nna, law la ai hka leng ni dai mung hpe lim ka-up nga ai.

Daniela 11:10

“Dai hpang shi a shadang sha yan hpyen sharawt nna, luksuk laba law law jahpawng tawn nhtawm, dai ni gaw mung hpe ga lim kabye kau nna, shi a hpyen dap du hkra gasat hpang na mara ai.

Daniela 11:17

Shi gaw, shi a mungdan a n-gun mahkra hte sa du nna, mye lu na lam shapraw na matu, shakut sharang nga ai hte, dai lam mung galaw nga ai: dai mung hpe jahten na matu, shi gaw dingda hkawhkam wa hpe shayi sha mung ya sha na ra ai: rai timung shi daw ai lam n byin nna, shi a matu akyu n pru nga ai.

Daniela 11:22

Ga lim nga ai wunawng wuwa ni shi a man e lup mat nna, agrawp kau ai hkrum na mara ai: gaja wa, ga shaka hte tawn da ai du wa mung, agrawp kau ai hkrum na ra ai.

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

HOSEA 1:9

Shaloi Yehowa gaw “Shi hpe Lo-ami, shamying u; kaning rai nme law, nanhte gaw nye a amyu n rai; ngai mung nanhte a Karai Kasang n rai na nngai,” ngu wu ai.

AMO LAIKA (AMOS) 8:8

Ndai ga majaw lamu ga gari awam nna, dai hta shanu nga ai ni yawng, yawn hkyen nga na, n rai ni? gaja wa dai gaw, hka nu zawn tung rawt nna, Egutu hka nu zawn lim wa ai hte bai hkyet mat na ra ai.

AMO LAIKA (AMOS) 9:5

Kaning rai nme law, Zaw nawng zaw wa up ai Madu Yehowa gaw, lamu ga hpe ahtawk yang, dai gaw byawng mat wa nna, dai hta shanu nga ai ni yawng, yawn hkyen nga na mara ai: dai gaw hka nu zawn tung rawt nna, Egutu hka nu zawn bai hkyet mat na ra ai:

NAHUM 1:8

shi gaw Ninewe mare hpe mawru ru ai hte, shamyit kau nna, hpyen ni hpe nsin sin ai shara de shachyut kau na ra ai.

MAHTE 22:2

“Sumsing lamu a mungdan gaw, kasha a matu hkungran ai poi shachyip ai hkawhkam hte bung nga ai:

MAHTE 22:7

Hkawhkam wa chyawm gaw masin pawt bu nga ai rai nna, shi a luksuk ni hpe shangun dat nhtawm, masha sat ai ni hpe jahten kau mu ai hte shanhte a mare hpe nat kau ya wu ai.

MAHTE 23:38

Yu mu, nanhte a nta gaw a katsi katsang kram nga ai.

MAHTE 24:2

Shi mahtang shanhte hpe, Ndai yawng hpe nanhte mada mu ai, n rai ni? Ngai nanhte hpe teng teng tsun made ga, Dai hpe e n run n hpya ai sha nlung langai mi a ntsa e langai mi muk n mara hkra rai mat na ra ai, ngu nna shanhte hpe tsun wu ai.

MARKU 13:2

Yesu gaw, “Ndai kaba ai wahpang ni hpe nang mada nu ni? nang e, n run n hpya ai sha, nlung langai mi a ntsa e langai mi muk n mara hkra, rai mat na ra ai,” ngu nna shi hpe tsun wu ai.

MARKU 13:7

Hpyen gasat ai hte, majan baw wa na shiga, nanhte na myit yang, myit hkum ru myit: dai lam ni gaw byin lu na ra ai, rai timung, dai jahtum ai gaw garai n rai nga ai.

MARKU 9:12

Shi gaw, “Gaja wa, Elia shawng du ra ai rai nna, yawng mayawng hte hpe shagrin da lu nu ai: dai hta kaga, dai Masha Kasha mung, nni nkri law law wa hkam nga nna, gang kau ai hpe hkrum na wu ai,” nga nna hpa rai ka da nga a ta?

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

LUKA 21:6

“Ndai nanhte mu nga ai arai ni gaw, n run n hpya kau ai, nlung langai mi a ntsa e langai mi n mara nga lu na nhtoi du na ra ai,” ngu mu ai.

LUKA 24:26

Hkristu gaw shing re ai nni nkri hkam nna, shi a hpung shingkang hta shang ningngai na re ai, n rai ni?” ngu nna shan hpe tsun mu ai.

LUKA 24:46

“Hkristu gaw nni nkri hkam nna, masum ya du ai nhtoi e si ai ni kaw na hkrung rawt wa na ra ai lam mung,

YAWHAN 14:30

Ya kaw nna ngai nanhte hte ga law law n tsun lu na ni ai: kaning rai nme law, mungkan ga a Du wa gaw, du magang ra ai: dai wa chyawm gaw nye a ntsa e hpa ahkang mung n lu na wu ai:

2 KORINHTU 5:21

Shi hta e Karai Kasang a dinghpring ai ni anhte tai wa u ga, shi yubak n chye ai wa hpe, anhte a matu mara yubak shatai wu ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

1 PETRU 2:21

Dai lam gaw nanhte hpe shaga da ai lam rai nga ai; Hkristu mung nanhte a matu mara nni nkri hkrum wu ai hte, nanhte shi ahkang hta hkan nang lu myit ga, nanhte a matu ningli tawn da nu ai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.

1 PETRU 3:18

Kaning rai nme law, Hkristu mung yubak a majaw kalang sha mi si hkam nu ai; Karai Kasang hpang de anhte hpe woi wa lu hkra, dinghpring ai wa gaw, n ding n hpring ai ni a matu mara si hkam ai hte, dai hkum tsawp nan si mat timung, dai wenyi hta ahkrung nga ai: