Daniela 9:24 - Jinghpaw Hanson Version Bible

²⁴ Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

Jinghpaw Common Language Bible 2009

²⁴ “Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

Daniela 9:24 ပူးပေါင်းရင်းမြစ်များ

2 HKAWHKAM LABAU 29:24

hkinjawng ni gaw dai hpe sat nna, Israela amyu ting a matu gawng malai hkungga nawng ya let, dai sai hte tawn hkungri ntsa e htingrai htingrat ya mu ai; kaning rai nme law, wan nat hkungga mung, mara raw hkungga mung, Israela amyu ting a matu tai wa u ga,” nga nna hkawhkam wa hkang da nu ai.

SHAKAWN KUNGDAWN 2:6

“Ngai gaw, nye a chyoi pra ai Ziun bum hta e Nye a hkawhkam wa hpe tawn da ni ai,” ngu na mu ai.

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

ESAIA 51:8

kaning rai nme law, hpun nba hpe manut e sha kau ai zawn, shanhte hpe sha kau nna, sagu mun hpe shingtai e sha kau ai zawn, shanhte hpe sha kau na mara ai: nye a dinghpring ai lam chyawm gaw, htani htana e, nye a hkye hkrang la ai lam gaw, prat mi hte prat mi, agrin nga na ra ai.

ESAIA 56:1

Yehowa ning nga ai: Nye a hkye hkrang la ai chyeju du na aten, nye a dinghpring ai lam shadan dan na aten, du magang ra ai majaw, tara hpe shatup nna, dinghpring ai amu galaw mu.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

SHARUNG SHAYAWT 4:22

Ziun shayi sha e, na yubak majaw nang hkrum ging ai ari ahpri htum sai; htawm hpang de shi nang hpe bawng dung shangun sa na, n rai. Edom shayi sha e, na a shut hpyit ai hpe shi sawk yu nna, na a yubak hpe shadawng dan na ra ai.

EZEKELA 28:12

“Masha kasha e, Turu hkawhkam a matu sharung shayawt ai ga htawn tsun u; Madu Yehowa ning nga ai: Hpaji hte hpring nna, tsawm htap htum ai hte, hkum sumhpa shangut lu ai dazik e,

EZEKELA 4:5

Kaning rai nme law, shanhte yubak hkrum sha ai shaning ni a nambat hpe ngai na a matu shani san da nna, dai gaw nhtoi masum tsa jahku shi rai nga ai: dai laman e nang gaw Israela amyu shut hpyit ai hpe gun hpai na ndai.

EZEKELA 4:6

Bai, dai nhtoi ni gu ai hpang, nang hkra maga nhkrem de hkrawn taw nna, mali shi ya tup, Yuda amyu a shut hpyit ai hpe gun hpai na ndai: laning mi a malai lani mi, ngai na a matu san da nngai.

JAW JAU 25:8

Bai, laban shaning sanit du hkra hti nhtawm, sanit ning sanit lang ngu na mali shi jahku ning hta,

JAW JAU 8:15

Usu dai hpe sat nhtawm, Mawshe gaw asai la nna, tawn hkungri a ntsa grup na nrung ni hpe shi a layung hte chya wu ai; shing rai dai tawn hkungri hpe jasan jaseng ngut jang ngam ai sai hpe gaw tawn hkungri a lagaw nhpang e ru hkaw nna, dai tawn hkungri hta htingrai htingrat na matu shachyoi shapra wu ai.

ZEHKARIA 4:14

Dai rai nna shi gaw, ‘Dai lakung yan gaw, mungkan ting a Madu man e tsap nga ai, namman chya hkam ai yan, rai nga ma ai,’ nga ai.”

BU HKAWM 14:34

Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'

MAHTE 1:21

Shi gaw shadang sha shangai na ru ai rai nna, nang shi a amying hpe, Yesu ngu nna shamying lu na rai nga ai: kaning rai nme law, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 11:13

Kaning rai nme law, myihtoi ni nlang hte hte dai jep ai tara gaw, Yawhan a aprat du hkra sharin shaga nga ai:

MAHTE 4:5

Shaloi Nat gaw dai chyoi pra ai mare de, shi hpe woi wa nna, nawku Htingnu a nchyun e shadun da nhtawm,

MARKU 1:24

shi jahtau nna, Nazaret wa Yesu e, anhte nang hte hpa seng ga ta? anhte hpe jahten na nang sa du nni? nang kadai re ai ngai chye nga nngai; Karai Kasang a Chyoi pra ai wa nang rai nga ndai, ngu wu ai.

LUKA 1:35

Dai lamu kasa gaw, “Chyoi pra ai Wenyi na ntsa de du nna, Tsaw htum ai wa a atsam nang hpe shingnip ka-up na ra ai; dai re ai majaw shangai na ra ai wa gaw, Chyoi pra ai wa, Karai Kasang a Kasha ngu ai hkam la na ra ai.

LUKA 21:22

kaning rai nme law, ka da mada yawng shadik na matu, dai nhtoi ni gaw, matai htang na nhtoi ni rai na ra ai.

YAWHAN 1:41

Dai wa gaw shi a kahpu Simun hpe shawng mu nna, “An gaw Meshia hpe mu saga ai,” ngu nna shi hpe tsun dan wu ai: (Meshia ngu ai ga lachyum gaw, Hkristu nga ai, rai nga ai.)

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 3:14

Dai chyoi pra ai hte dinghpring ai wa hpe nanhte ndang kau nna, masha sat ai wa hpe mahtang hpyi la nhtawm,

KASA 3:22

Mawshe nan tsun da ai mung, Dai Madu Karai Kasang gaw, ngai zawn re ai myihtoi, nanhte a nhpu nnau ni hta na, nanhte a matu paw pru shangun ya na ra ai: dai wa tsun matsun nanhte madat mara lu na rai myit dai.

KASA 4:26

Dai Madu hte shi a Hkristu hpe tai na, Ga ntsa hkawhkam ni rawt nna, Du salang ni rau hpawng nga ma ai,' nga ai.

ROMA 5:10

Kaning rai nme law, anhte hpyen ni naw rai nga ga yang, shi a Kasha a si hkam ai a majaw, anhte Karai Kasang hte htinglu htinglai ai hkrum lu saga ai rai yang gaw, htinglu htinglai hkam la ngut jang, shi a asak sumdam hta e, anhte hkye hkrang la ai grau nna hkrum na ga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

HPILIPI 3:9

Dai hta n-ga Hkristu hpe ngai lum la lu nna, shi hta grin nga lu na hte, jep ai tara na nye a dinghpring ai n rawng ai sha, Hkristu a makam masham a marang e kamsham ai hte lu la ai Karai Kasang a dinghpring ai rawng nga let,

KOLOSE 1:20

shi a wudang na hkaw ai asai hte mahku mara shatai let, shi a lata e yawng hte hpe shi hkum hte htinglu htinglai ya nga ai: rai sa, sumsing lamu e nga ai hte hpe rai timung, ginding aga e nga ai hte hpe rai timung, shi a lata hte htinglu htinglai ya nga ai.

KOLOSE 2:14

Anhte a shut hpyit ai yawng mayawng hte hpe shi raw dat kau ya nna, anhte hte nhtan shai ai htet da ai ga rawng ai, anhte hpe jeyang ai lata jahpan hpe katsut kau ya nu ai; wudang hta e dai hpe dit shakap let shi dai hpe yeng seng kau nu ai.

HEBRE 10:14

Kaning rai nme law, shi gaw nawng ya ai hkungga langai sha hte, shachyoi shapra hkrum ai ni hpe prat dingsa na matu jahkum shatsup ya wu ai.

HEBRE 2:17

Dai re ai majaw, shi gaw Karai Kasang hte seng ai lam hta, matsan dum chye ai hte kangka re ai hkinjawng agyi tai nna, shinggyim masha ni a matu mara gawng malai hkungga jaw lu u ga, lam shagu hta kahpu kanau ni hte bung lu na, sun ang nga ai.

HEBRE 7:26

Kaning rai nme law, shing rai chyoi pra ai, san seng ai, ra n rawng ai hte yubak kap ai ni hte ran ai wa rai nna, sumsing lamu hta shatsaw shagrau hkrum ai hkinjawng agyi wa gaw anhte a matu ram nga ai;

HEBRE 9:26

shing rai nawng ya ai rai yang gaw, ginding aga lat kaw nna law law lang si hkam hkam rai na nu ai; ya chyawm gaw, shi hkum dai nawng ya kau ai a marang e, yubak hpe yeng seng kau na matu, ndai prat a jahtum e, shi lang mi sha dan pru wu ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai:

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai: