Daniela 9:22 - Jinghpaw Hanson Version Bible

²² Dai wa gaw ngai hpe sharin ya ai hte, ngai hpe ga tsun nna, “Daniela e, nang hpe hpaji byeng-ya hte chye chyang ai myit jaw de ga, ngai ya pru sa wa nngai.

Jinghpaw Common Language Bible 2009

²² Shi gaw, “Daniela e, ngai nang e sa du ai gaw dai myihtoi ga chye na na matu nang hpe sa karum la nga nngai.

Daniela 9:22 ပူးပေါင်းရင်းမြစ်များ

Daniela 10:11

Bai shi gaw, “Grai tsawra hkam ai Daniela e, nye a ga chye na nna, jan rai tsap u: nang nga ai de, ngai hpe ya shangun dat nngai,” nga nna tsun yang, ngai gaw gari let jan rai tsap nga nngai.

Daniela 10:12

Shaloi shi gaw, “Daniela e, hkum hkrit et; chye na lu na matu mung, na a Karai Kasang man e na a myit shanem na matu mung, nang myit shada da ai shawng shani kaw nna, na a ga hpe na la lu ai: na a ga majaw mung, ngai du ni ai.

Daniela 10:14

Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

Daniela 10:21

Rai timung, tengman ai laika hta tawk ka ai ga ngai nang hpe naw madun na nngai: ndai du lahkawng hpe gasat na nga, nanhte a du Mihkaela hta kaga, ngai hpe shingdep shingtau ai wa n nga ai.”

Daniela 7:16

Shing rai makau e tsap nga ai ni hta na langai mi hpang de ngai sit sa nna, ‘Ndai lam yawng mayawng hpa nga ai rai ta?’ ngu nna san we yang, dai wa gaw,

Daniela 8:16

Bai Ulai hka hkin-gau lapran na masha nsen ngai na nngai: dai nsen gaw, “Gabriela e, ndai wa hpe ya mu ai shingran chye na shangun u,” ngu nna shaga wu ai.

AMO LAIKA (AMOS) 3:7

Gaja wa, Madu Yehowa gaw, shi myit maw ai lam, shi a shangun ma myihtoi ni hpe garai n shapraw dan yang, hpa mung galaw na n rai.

ZEHKARIA 1:14

Shing rai, ngai hte ga tsun ai lamu kasa gaw, “Tsun jahtau u; Zaw nawng zaw wa up ai Yehowa ning nga ai: Ngai gaw Yerusalem mare hte Ziun bum hpe, grai wa nja nhpra nga nngai;

ZEHKARIA 1:9

Shaloi ngai gaw, “Nye a madu e, ndai ni kadai rai mata?” ngu nna san we yang, ngai hte ga tsun ai lamu kasa gaw, “Dai ni kadai re ai, ngai nang hpe madun na nngai,” nga nna ngai hpe tsun ai.

SHINGRAN 4:1

Dai hte byin ngut jang ngai mu nngai, gaw, yu u, sumsing lamu e chyinghka hpaw malang nga ai rai nna, ngai na hkrup ai shawng na nsen gaw, hpahtau zawn ngoi nga ai hte, Nang de lung rit, htawm hpang e byin na ra ai lam hte hpe ngai nang hpe madun dan de ga, nga nna ngai hte ga tsun nga ai.