Daniela 9:19 - Jinghpaw Hanson Version Bible

¹⁹ Madu e, madat mara ya e; Madu e, yubak raw dat kau ya e; Madu e, madat mara nna shabyin ya e; nye a Karai Kasang e, na a chyeju jaw e, hkum ganung et; kaning rai nme law, na a mare mung, na a amyu masha ni mung, na a amying mying nga ma ai,” ngu nna akyu hpyi nngai.

Jinghpaw Common Language Bible 2009

¹⁹ Madu e, anhte a ga na ya e. Madu e, anhte a mara dat ya mi. Madu e, anhte a ga madat ya ai hte shabyin ya mi! Nang Karai Kasang rai nga ndai hpe masha shagu chye na wa lu mu ga, hkum kanung nga et! Ndai mare hte ndai amyu masha ni gaw na a ni rai nga lit dai,” ngu nna tsun nngai.

Daniela 9:19 ပူးပေါင်းရင်းမြစ်များ

2 HKAWHKAM LABAU 6:21

Na a mayam wa, na a amyu Israela gaw dai shara de yawng let akyu hpyi nga ma yang, anhte a hpyi nem ai ga hpe madat mara ya mi; sumsing lamu e nga ai na a shanu shara hta madat mara ya mi; madat mara nga yang, yubak raw dat kau u law.

2 HKAWHKAM LABAU 6:39

shaloi jang nang gaw, sumsing lamu e nga ai, na a shanu shara hta shanhte a akyu hpyi tawngban ai ga madat mara ya nna, shanhte hpe ninglaw ya mu; nang hpe shut hpyit ai na a amyu hpe yubak dat dat ya mu.

ESAIA 43:7

Sumtsan mung de na nye a shadang sha ni, lamu ga jahtum de na nye a shayi sha ni ngu ai, nye a amying mying ai wa, nye a arawng sadang matu ngai hpan da ai hte, ngai hpajang nna galaw da ai ni langai hte langai hpe woi wa marit.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 14:9

Mak mat ai wa hte, n mawai la lu ai share wa zawn, hpa majaw tai nga n ta? gaja wa, Yehowa e, nang gaw anhte a ka-ang e shanu nga ndai; anhte gaw na a mying hte shamying ai ni tai saga ai; anhte hpe hkum kau da mi law.

YEREMIA 25:29

nye a amying mying ai mare hpe ngai ari jaw hpang yang, nanhte gaja wa lawt lu na myit ni? nanhte lawt lu na n rai; ga ntsa ting hta nga ai ni mahkra ntsa e, ngai nhtu shapraw na nngai, nga nna Zaw nawng zaw wa up ai Yehowa tsun ai, ngu nna shanhte hpe htawn tsun mu.

EZEKELA 20:14

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nngai.

EZEKELA 20:22

Rai timung, shanhte hpe shaw wa ai chyeju hpe mu ai maigan amyu ni a man e, nye a amying ningsang jahpoi kau ai n hkrum hkra, de a matu ngai shakut sharang nna, nye a lata dawm la nngai:

EZEKELA 20:9

Rai timung, shanhte nga ai maigan amyu ni a man e, nye mying ningsang jahpoi kau ai n hkrum hkra, de a matu ngai shakut sharang nna, maigan amyu ni a man e, shanhte hpe nye hkum shadan dan let, shanhte hpe Egutu mung na shaw woi wa nngai.”

EZEKELA 36:22

“Dai rai nna Israela dap hpe htawn tsun u, ‘Madu Yehowa ning nga ai: Israela dap e, nanhte hpe tau nna ndai amu hpe ngai galaw nngai, n rai; nanhte bra wa ai maigan amyu ni a man e nanhte a jaw e awu asin hkrum ai nye a chyoi pra ai amying ningsang hpe tau nna, ngai galaw nngai.

EZEKELA 39:25

“Dai re ai majaw Madu Yehowa ning nga ai: Bawng dung hkrum ai Yaku amyu hpe, ya ngai nhtang woi wa nna, Israela dap ting hpe matsan dum na nngai: nye chyoi pra ai mying ningsang hpe ngai maga na nngai.

Daniela 9:18

Nye a Karai Kasang e, na a na kayin nna, madat mara ya e; na a myi hpaw nna, anhte katsi katsang rai nga ai hpe mung, na a mying gang ai mare hpe mung, mada yu u; anhte gaw tinang dinghpring ai hpe hpa nna tawngban ga ai, n rai; na a chyeju myit kaba hpa nna she, tawngban nga ga ai.

AMO LAIKA (AMOS) 7:2

dai ni gaw, mung ting na tsit lali ai hpe sha kau ai majaw, ngai gaw, Madu Yehowa e, mara dat kau ya e; Yaku kaji nga ai majaw, kaning rai rawt lu na rai ta? ngu nna hpyi nngai.

BU HKAWM 14:19

na a galu kaba ai matsan dum myit hte mung, Egutu mung na ndai amyu hpe shapraw wa ai kaw nna ya du teng shanhte a mara raw dat kau ya nga ndai hte maren mung, ndai amyu a mara ya bai naw raw dat kau ya u,” ngu nna hpyi nem wu ai.

BU HKAWM 6:27

Shing rai shanhte gaw Israela kashu kasha ni a ntsa e nye a mying ningsang gang nna mara ya yang, ngai shanhte hpe shaman ai chyeju jaw na we ai,” ngu wu ai.

LUKA 11:8

Ngai nanhte hpe tsun made ga, jinghku re ai nga nna n rawt jaw hkraw rai timung, shi akroi anoi hpyi nga ai majaw, dai wa hpe ra mara rawt jaw na wu ai.

KASA 15:17

Shaloi she, hti nga ai masha ni hte, Nye amying hta shamying la ai maigan amyu danghta, ngai Madu hpe tam lu na mara ai,’ nga nna,

EHPESU 1:12

shi a shawang myit bawng hkut ai lam hte maren, yawng mayawng shabyin da ai wa a myit shatawng da nna, anhte hpe shawng nnan e san da ma ni ai majaw, shi hta e mung anhte sali wunli tai wa saga ai.

EHPESU 1:6

shi a shawang myit sharawng awng nga ai hte maren, Yesu Hkristu a jaw e, kasha yin la na chyeju hkam la lu u ga, shi anhte hpe shawng nnan e san da ma ni ai.

EHPESU 3:10

nga manga hte hpe hpan da sai Karai Kasang hta e moi chyaloi nhkoi kaw nna makoi magap da ai sung htum ai ga a aya a lam, hpa rai nga ai gaw, madun dan na,