Daniela 9:18 - Jinghpaw Hanson Version Bible

¹⁸ Nye a Karai Kasang e, na a na kayin nna, madat mara ya e; na a myi hpaw nna, anhte katsi katsang rai nga ai hpe mung, na a mying gang ai mare hpe mung, mada yu u; anhte gaw tinang dinghpring ai hpe hpa nna tawngban ga ai, n rai; na a chyeju myit kaba hpa nna she, tawngban nga ga ai.

Jinghpaw Common Language Bible 2009

¹⁸ O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

Daniela 9:18 ပူးပေါင်းရင်းမြစ်များ

1 HKAWHKAM 8:29

Nye a amying ningsang dai yang e anga nga na ra ai, nga nna nang tsun da ai shara de yawng let, na a mayam wa dai shara a man e akyu hpyi ai ga na lu hkra, na a myi gaw dai shara hpe shani shana a mada nga lit ga law.

2 HKAWHKAM 19:16

Yehowa e, na la nna madat mara ya e; Yehowa e, na a myi hpaw nna mada yu u; ahkrung nga ai Karai Kasang hpe shatan nhkan ai Senahkereb shagun ai ga mahkra hpe matsing nga u law.

SHAKAWN KUNGDAWN 116:1

Yehowa gaw nye a akyu hpyi ai nsen, Madat ya nga ai majaw, ngai awng nga nngai.

SHAKAWN KUNGDAWN 25:6

Yehowa e, na a n-gaw nwai ai hte na a chyeju hpe dum u. Dai hte gaw moi chyaloi nhkoi kaw nna rai nga ai.

PRU MAT 3:7

Bai Yehowa gaw, “Egutu mung e nye a amyu hkrum ai ru tsang lam hpe ngai azin ayang mu se ai rai nna, shanhte a hpareng ni a majaw hkrap sharung ai nsen hpe ngai na ya mase ai: shanhte hkrum ai nni nkri hpe ngai chye nga nngai:

ESAIA 37:17

Yehowa e, na la nna madat mara ya e; Yehowa e, na a myi hpaw nna mada yu u; ahkrung nga ai Karai Kasang hpe shatan nhkan ai Senahkerib shagun ai ga mahkra hpe matsing nga u law.

ESAIA 43:7

Sumtsan mung de na nye a shadang sha ni, lamu ga jahtum de na nye a shayi sha ni ngu ai, nye a amying mying ai wa, nye a arawng sadang matu ngai hpan da ai hte, ngai hpajang nna galaw da ai ni langai hte langai hpe woi wa marit.

ESAIA 64:12

Yehowa e, ndai lam ni hpe nang naw sharang nna, atsin sha nga nga let, anhte hpe htum hkra matsan mayan jahkrum na rai ni?

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 14:9

Mak mat ai wa hte, n mawai la lu ai share wa zawn, hpa majaw tai nga n ta? gaja wa, Yehowa e, nang gaw anhte a ka-ang e shanu nga ndai; anhte gaw na a mying hte shamying ai ni tai saga ai; anhte hpe hkum kau da mi law.

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

YEREMIA 25:29

nye a amying mying ai mare hpe ngai ari jaw hpang yang, nanhte gaja wa lawt lu na myit ni? nanhte lawt lu na n rai; ga ntsa ting hta nga ai ni mahkra ntsa e, ngai nhtu shapraw na nngai, nga nna Zaw nawng zaw wa up ai Yehowa tsun ai, ngu nna shanhte hpe htawn tsun mu.

YEREMIA 36:7

shanhte langai hte langai tinang hkan ai n hkru ai lam hpe koi kau let, Yehowa hpe hpyi tawngban dam ma nhten; ndai amyu hpe Yehowa tsun ai myit kahtet ai hte pawt sindawng ai gaw, grai ja la nga ai, ngu nna htet da wu ai.

YEREMIA 37:20

Dai re ai majaw, nye madu hkawhkam wa e, madat mara u; ngai hpyi nem tawngban ai ga na la ya e; ngai gaw chyare wa Yonahtan a nta hta n si u ga, dai de ngai hpe hkum nhtang wa shangun et, ngu nna tsun wu ai.

EZEKELA 36:22

“Dai rai nna Israela dap hpe htawn tsun u, ‘Madu Yehowa ning nga ai: Israela dap e, nanhte hpe tau nna ndai amu hpe ngai galaw nngai, n rai; nanhte bra wa ai maigan amyu ni a man e nanhte a jaw e awu asin hkrum ai nye a chyoi pra ai amying ningsang hpe tau nna, ngai galaw nngai.

EZEKELA 36:32

Madu Yehowa ning nga ai: Nanhte hpe tau nna, ndai amu ngai galaw nngai, n rai, ngu nna dum chye mu: Israela dap e, nanhte a arawn alai majaw, kaya dum nna mak mat mu.”

Daniela 9:7

Madu e, dinghpring ai gaw nang hte seng nga ai: nang hpe shut hpyit ai yubak majaw, shapraw kau ai hkrum nna, ni ai, tsan ai, mung shagu hta bra nga ai, Yuda mung na ni, Yerusalem mare na ni hte, Israela masha ni yawng ngu ai, anhte hte, dai ni rai nga ai hte maren, myi man sum ai hkrai seng nga ai.

BU HKAWM 6:27

Shing rai shanhte gaw Israela kashu kasha ni a ntsa e nye a mying ningsang gang nna mara ya yang, ngai shanhte hpe shaman ai chyeju jaw na we ai,” ngu wu ai.

1 KORINHTU 1:2

Korinhtu mare na Karai Kasang a Hpung hta lawm ai ni hte, shara shagu hkan na, shanhte a shara hta mung, an a shara hta mung, anhte a Madu Yesu Hkristu a amying ningsang hpe shaga nga ai ni yawng hte hpe, ga shana dat ga ai.