Daniela 9:16 - Jinghpaw Hanson Version Bible

¹⁶ Ya Madu e, na a dinghpring ai myit ting hkan nna, na a pawt sindawng ai hte myit kahtet ai hpe, chyoi pra ai bum ngu ai, na a mare Yerusalem hta na dawm la kau u, ngu nna ngai tawngban nngai: kaning rai nme law, anhte a yubak hte anhte a ji wa ni a shut hpyit ai a majaw, Yerusalem mare hte, na a amyu masha ni gaw, grup yin e de nga ai nlang hte a man e, shatan nhkan shara tai wa sai.

Jinghpaw Common Language Bible 2009

¹⁶ Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

Daniela 9:16 ပူးပေါင်းရင်းမြစ်များ

NEHEMIA 9:8

Shi gaw na a man e kangka nga ai hpe, nang mu nna, shi a aru arat ni hpe Hkanani, Hiti, Amori, Perizi, Yebusi hte Girgasi masha ni a mung ni hpe jaw na nga, nang shi hte ga shaka tawn da nna, nang dinghpring rai nga ai majaw, na a ndat ga hpe nang shadik ya nu ai.”

SHAKAWN KUNGDAWN 143:1

Yehowa e, ngai akyu hpyi ai ga na la ya e; Ngai tawngban ai ga madat ya e; Na a sadi sahka hte dingman ai hte maren ngai hpe htan ya e.

SHAKAWN KUNGDAWN 31:1

Yehowa e, nang hta ngai shingbyi nga nngai; Ngai galoi mung kaya kahpa n hkrum n ga: Na a dinghpring ai hte ngai hpe mawai la e.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 71:2

Na a dinghpring ai hte ngai hpe mawai la nna raw dat e, Na a na ngai hpang de kayin nna ngai hpe hkye hkrang la e.

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

SHAKAWN KUNGDAWN 85:4

Anhte hpe hkye hkrang la ai Karai Kasang e, Anhte hpe bai wa shangun nna, Anhte hpe n dawng n yawt ai myit jasim kau u.

SHAKAWN KUNGDAWN 89:51

Yehowa e, gumlau ni nang hpe shatan ma ai rai nna, Na a namman chya hkam ai wa a lagaw hkang hpe shatan nhkan di mu ai.

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 29:18

Ri nhtu, kawsi hpang gara ai, ana zinli hte ngai shanhte hpe hkan shachyut nna, ga ntsa e mungdan ni mahkra hta dumbru dumbra hkrum ai du hkra, ap kau na nngai; ngai shanhte hpe shaden kau ai shara shagu hta, shanhte gaw dagam dala shara, mauhpa shara, asawng asang shara hte shatan nhkan shara tai na mara ai;

YEREMIA 32:31

Kaning rai nme law, ndai mare gaw, dè hpang ai shani kaw nna dai ni du hkra, ngai hpe pawt bu shangun ai hte myit kahtet shara tai wa sai;

YEREMIA 32:32

dai re ai majaw, Israela hte Yuda kashu kasha ni hte hpawn, shanhte a hkawhkam ni, du salang ni, hkinjawng ni, myihtoi ni, Yuda mung masha ni hte Yerusalem na ni gaw, tinang a n hkru ai amu mahkra hte ngai hpe pawt sindawng shangun ai majaw, ndai mare hpe nye a man na ngai htawm kau na we ai.

EZEKELA 22:4

Nang gaw sai jahkaw kau ai hte mara kap nga ndai; nang galaw ai hpara sumla ni hte awu asin hkrum nga ndai; na a nhtoi ni hpe nang du shangun nna, na shaning ni hpe pyi, nang nan jahtum nu ai: dai re ai majaw ngai nang hpe maigan amyu ni hta, shatan nhkan shara, mungdan shagu hta asawng asang shara, shatai de ai.

EZEKELA 5:14

Dai hta n-ga, na a grup yin e dè nga ai amyu baw ni hte, makau hku lai wa ai ni mahkra a man e, ngai nang hpe shingran katsi ai shara hte shatan nhkan shara shatai na nngai.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 9:20

Ya ngai ga tsun nga nna, akyu hpyi nga let, nye a yubak hpe mung, nye amyu Israela masha ni a yubak hpe mung, yin la nna, nye a Karai Kasang a chyoi pra ai bum a matu, nye a Karai Kasang Yehowa man e akyu hpyi nga yang,

YOELA 3:17

Shing rai, nye a chyoi pra ai Ziun bum ntsa e shanu nga ai, nanhte a Karai Kasang Yehowa, ngai rai nga ai hpe, nanhte chye lu na marin dai: dai shaloi e Yerusalem mare chyoi pra ai shara tai nna, tsasam masha ni dai mare hpe htawm hpang de kabye lu na, n rai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

2 HTESALONI 1:6

Kaning rai nme law, dai Madu Yesu gaw sumsing lamu de nna, shi a n-gun rawng ai lamu kasa ni hte rau wan shinglet hte paw pru nna,

1 YAWHAN 1:9

Anhte a yubak hpe anhte madun nem ga yang gaw, anhte a yubak hpe raw dat kau na hte n ding n man ai nlang hte hta na, anhte hpe jasan jaseng mi ga, shi kangka nga ai hte dinghpring ai wa rai nga ai.

1 SAMUELA 2:7

Yehowa gaw, matsan shangun ai hte lu su shangun ai, Shagrit ai hte shagrau ai wa rai nga ai.