Daniela 9:15 - Jinghpaw Hanson Version Bible

¹⁵ Ya chyawm gaw, na a amyu hpe n-gun ja ai lata hte, Egutu mung na shapraw nna, dai ni rai nga ai hte maren, arawng sadang dan hkung ai, anhte a Karai Kasang Madu e, anhte yubak galaw saga ai, tara n lang ai hku hkan nang saga ai.

Jinghpaw Common Language Bible 2009

¹⁵ “O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

Daniela 9:15 ပူးပေါင်းရင်းမြစ်များ

1 HKAWHKAM 8:51

kaning rai nme law, shanhte gaw Egutu mung a hpri wan mang na gare la ai, na amyu hte sali wunli rai nga ma ai.

2 HKAWHKAM 21:15

Kaning rai nme law, shanhte a kaji kawa ni gaw Egutu mung na pru wa ai shani kaw nna dai ni du hkra, shanhte nan nye a man e n hkru ai amu galaw nna, ngai hpe pawt sindawng shangun mi ai,” ngu nna tsun mu ai.

2 HKAWHKAM LABAU 6:37

shanhte bawng wa dung nga ai ga hta myit dum myit hprang nna, myit kayin wa let, Anhte yubak galaw saga ai; anhte nhtan shai ai hte shut hpyit nga ga ai, nga nna bawng wa dung nga ai madu ni a ga hta myit nem nna tawngban nga ma ai hte

NEHEMIA 1:10

Ya, da ndai ni gaw, na a galu kaba ai atsam, na a n-gun ja ai lata hte nang hkye mawai la ai, na a mayam ni hte na a amyu masha ni rai nga ma ai.

NEHEMIA 1:6

na a mayam wa, Israela kashu kasha ni a matu, na a man e shani shana akyu hpyi nga nna, Israela kashu kasha ni rai nga ai anhte gaw, nang hpe shut kau ai yubak mara madun tawngban nga yang, na a mayam wa a ga hpe madat mara na matu, ya na a na hpe hpaw nna, na a myi azi yu mi. Rai sa, ngai mung nye wa nta dap ni mung, yubak galaw saga ai.

NEHEMIA 9:10

Hpara-u mung, shi a ali ama ni hte mung masha ni gaw, anhte a ji wa ni hpe gumrawng gumtawng hku galaw nga ai hpe, nang chye nga ndai majaw, Egutu masha ni yawng a man e mauhpa amu hte lamik kumla, nang madun dan mu ai rai nna, na amying gaw dai ni du hkra dan hkung nga ai.

SHAKAWN KUNGDAWN 106:8

Rai timung, shi a daru magam dan hkung wa u ga, Shi mying nsang a matu, shi shanhte hpe hkye hkrang la mu ai.

PRU MAT 13:14

“Hpang prat e, Ndai hpa rai ta? nga nna na nsha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai:

PRU MAT 13:16

“Dai lam mung na a lata hta kumla, na a myi lapran e masat dingsat laika tai nga na rai lit dai: kaning rai nme law, n-gun rawng ai lata hte Yehowa anhte hpe Egutu mung na shaw la mani ai,” ngu nna tsun wu ai.

PRU MAT 13:3

Mawshe mung dai amyu masha ni hpe tsun wu ai gaw, “Nanhte yamnga ai nta, Egutu mung na nanhte pru wa lu ai dai ni nhtoi hpe dum nga mu: Yehowa nanhte hpe ningsam rawng ai lata hte dai yang na shaw la manit dai; matsi rawng ai muk nanhte sha lu na n rai.

PRU MAT 13:9

Yehowa a tara na a n-gup hta nga nga u ga, da ndai gaw na a lata hta kumla, na a myi lapran e masat dingsat tai nga na rai nga ai: kaning rai nme law, Yehowa gaw n-gun rawng ai lata hte nang hpe Egutu mung na shaw la nit dai.

PRU MAT 14:18

Shing rai Hpara-u hte shi a hpyen leng ni, shi a gumra jawn ai ni hta nye a hpung shingkang dan hkung nga ai shaloi, ngai Yehowa rai nga nngai gaw, Egutu masha ni chye na mara ai, ngu wu ai.”

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

PRU MAT 6:1

Shaloi Yehowa gaw, “Hpara-u hpe ngai kaning di na gaw, nang ya mu na rin dai: kaning rai nme law, n-gun ja ai lata hte shi shanhte hpe dat dat nna, n-gun ja ai lata hte shi a mung na shanhte hpe gawt dau dat na ru ai,” ngu nna Mawshe hpe tsun wu ai.

PRU MAT 6:6

Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

PRU MAT 9:16

rai timung nye a ningsam nang hta dan lu na hte, nye a amying ningsang ga ntsa ting hta kajai gumhkawng nga u ga, ngu nna sha ngai nang hpe sharawt da sade ai:

ESAIA 55:13

Ju hpun a malai marau hpun, ju singwum a malai jangnai hpun tu na ra ai: dai gaw Yehowa man e n hten n run ai, htani htana amying shingteng hte sakse kumla tai na ra ai.

ESAIA 64:4

Kaning rai nme law, nang hpe myit mada ai wa a matu, nang zawn chyeju madun ai Karai Kasang shaje, kadai wa mung, moi chyaloi nhkoi kaw nna n na, n chye ai hte, myi hte mung, mu yu ai n rai.

YEREMIA 14:20

Yehowa e, anhte tara tawt lai ai hte, ji wa ni a shut hpyit ai hpe, anhte yin la ga ai: anhte nang hpe shut kau saga ai.

YEREMIA 32:10

Ga sadi laika hpe mung, ngai mying shakap nna, dazik dawk nhtawm, sakse ni hpe shaga la nna, gumhpraw hpe joi hte shen ya we ai.

SHARUNG SHAYAWT 3:42

Anhte tara tawt lai nna, gumlau saga ai; nang yubak raw dat kau ai, n rai.

EZEKELA 5:6

Shi chyawm gaw, maigan amyu ni hta, grau shut hpyit nna, ngai dawdan ai ga hpe gumlau ai hte, nye a matsun maroi ga hpe, grup yin na mungdan ni hta, grau nna lale kau nga ai: mare masha ni gaw, nye a dawdan ai ga hpe nyet kau nna, nye a matsun maroi ga hpe n hkan hkraw ma ai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

LUKA 15:21

Shaloi kasha gaw, ‘Wa e, sumsing lamu a man e mung, na a man e mung, ngai shut ni ai: ya kaw nna na nsha ngu na ngai n ging n dan nngai: (na a shabrai sha ai masha langai mi zawn, ngai hpe tawn da e law)’ ngu nna kawa hpe tsun nem wu ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

TARA JAHPRANG 5:15

Nang Egutu mung e mayam tai nga rawng nit dai mung, na a Karai Kasang Yehowa n-gun ja ai lata, shada ngai ai lahpum hte dai kaw na nang hpe shapraw la nit dai mung, nang dum nga lu na rai ndai; de a majaw, laban nhtoi matsing nga lu na, na a Karai Kasang Yehowa nang hpe hkang da nit dai.