Daniela 9:13 - Jinghpaw Hanson Version Bible

¹³ Mawshe tara laika hta ka da ai hte maren, ndai tsin-yam tsindam yawng, anhte a ntsa e du sai: rai timung, anhte gaw, anhte a shut hpyit ai lam koi kau nna, na a tengman ai lam hpe chye na lu hkra, anhte a Karai Kasang Yehowa a chyeju hpe lu la na, tawngban saga ai n rai.

Jinghpaw Common Language Bible 2009

¹³ Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

Daniela 9:13 ပူးပေါင်းရင်းမြစ်များ

2 HKAWHKAM 22:16

Yehowa ning nga ai: Yuda hkawhkam hti yu ai laika ga mahkra hte maren, ndai mare hte dai hta e nga ai ni mahkra a ntsa e, tsin-yam tsindam shapraw na we ai:

YOBA 36:13

N shawp ai myit rawng ai ni gaw, pawt sindawng ai mahkawng da ma ai; gyit hkang ai hkrum timung, hpyi jahtau ma ai n rai.

SHAKAWN KUNGDAWN 119:18

Na a tara hta mauhpa lam mu lu n ga, Nye a myi hpe jahpaw ya e.

SHAKAWN KUNGDAWN 119:27

Na a ga matsun ngai hpe chye na shangun e, Shaloi, na a mauhpa amu hpe ngai myit yu nga na nngai.

SHAKAWN KUNGDAWN 119:73

Na a lata ngai hpe hpan da nna hkrang shabyin nu ai; Nang htet da ai ga hpe, ngai sharin la lu hkra, Ngai hpe chye chyang ai myit jaw ya e.

SHAKAWN KUNGDAWN 85:4

Anhte hpe hkye hkrang la ai Karai Kasang e, Anhte hpe bai wa shangun nna, Anhte hpe n dawng n yawt ai myit jasim kau u.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 42:9

Yu mu, shawng hkaw ai lam ni byin wa sai; lam ningnan ni hpe ya ngai tsun nngai; garai n byin pru yang, ngai nanhte hpe tsun shana ya ni ai.

ESAIA 43:22

Rai timung, Yaku e, nang ngai hpe n shaga; Israela e, nang nye a lam jin mat nit hka.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

ESAIA 64:7

Nang gaw na a myi man hpe makoi kau nna, anhte a shut hpyit ai hte anhte hpe shamyit kau mani ai majaw, na a amying nsang hpe shaga ai wa mung, nang hta manoi manat na nga, tinang hkum hpe shadut ai wa mung, n nga ai.

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 30:14

Na a jinghku ni yawng, nang hpe malap kau ma ai; nang hpe tam ma ai, n rai: na a yubak kaba nga ai hte, na a shut hpyit ai law htam wa ai majaw, ngai gaw hpyen wa zawn nang hpe jahpye nna, gumshem wa zawn ari jaw de ai.

YEREMIA 31:18

Ehprim mahtang, Nang ngai hpe gaja wa sharin nit dai; ngai gaw, garai n bik ai usu zawn, sharin ai hkrum ni ai; ngai hpe lau la e; shing rai yang, ngai nhtang wa na nngai: nang gaw nye a Karai Kasang Yehowa rai nga ndai.

YEREMIA 44:23

Nanhte gaw manam pyaw ai baw nat nawng nna, Yehowa hpe shut kau ai majaw mung, Yehowa ga n madat ai hte, shi hkang da ai tara, matsun maroi ga hte sakse ga n hkan nang ai majaw mung, dai ni rai nga ai hte maren, ndai tsin-yam tsindam nanhte a ntsa e du nga ai, nga mu ai.

YEREMIA 44:27

Yu mu, chyeju myit madun na n rai, yubak jahkrum na she, ngai shanhte hpe ala nga nna, Egutu mung hta sa shingbyi nga ai Yuda masha ni yawng, htum mat ai du hkra, ri nhtu kawsi hpang gara ai hkrum na mara ai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

SHARUNG SHAYAWT 5:21

Yehowa e, anhte hpe nang hpang de kayin shangun mi; shing rai anhte nhtang wa na ga ai. Moi na zawn anhte a aten hpe bai nhtang ya mi.

EZEKELA 16:43

Kaning rai nme law, nang gaw na a hkawn ram prat hpe n dum ndai; ndai lam shagu hta ngai hpe gumlau ndai: dai re ai majaw, yu u, na a yubak hpe na a baw ntsa de ngai shapraw na nngai; na matsat shabat amu mahkra a ntsa e, ndai n san n seng ai hpe galaw kahtap lu sa na n rai,” nga nna Madu Yehowa tsun ai.

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

HOSEA 7:10

Israela a gumrawng gumtawng ai gaw, tinang a man e dawdan ai sakse tai timung, shanhte gaw dai daram hkrum ninglen, tinang a Karai Kasang Yehowa hpang de n wa ai hte, shi hpe n tam ma ai.

HOSEA 7:14

Shanhte gaw tinang yup ku ntsa e hpyi jahtau timung, tinang myit masin hte ngai hpe n shaga ma ai: nai mam hte tsabyi jahku lu la na matu, shanhte zuphpawng nna, ngai hpe gumlau ma ai.

HOSEA 7:7

Shanhte nlang hte gaw, wan htung zawn kahtet nga nna, tinang a tara agyi ni hpe hkru kau manu ai; shanhte a hkawhkam ni yawng, kadawng mat masai: shanhte hta na, ngai hpe shaga ai wa langai mi n nga ai.

LUKA 24:45

Shaloi Chyum laika ga ni hpe chye na lu na matu, shi shanhte a myit hpaw ya nna,

YAWHAN 10:35

Chyum laika hta na ga hpe n kau mai ai rai nna, Karai Kasang a mungga dep la lu ai ni hpe, Karai daw ni ngu lu ai rai yang gaw,

YAWHAN 6:45

‘Masha yawng mayawng gaw Karai Kasang a sharin achyin ai lu la ai ni rai na mara ai,’ nga nna myihtoi laika ni hta ka da ai hte maren, nye Wa kaw na madat la nna, sharin achyin la ai ni yawng hte gaw, ngai hpang de du sa ma ai.

YAWHAN 8:32

tengman ai lam mung nanhte chye lu na marin dai rai nna, dai tengman ai gaw, nanhte hpe shalawt dat na ra ai,” ngu nna tsun mu ai.

EHPESU 4:21

nanhte shi a ga na yu nna, dai tengman ai ga Yesu hta e nga nga ai hte maren, shi hta e sharin achyin hkam myit taw gaw,

TARA JAHPRANG 29:4

Ngai gaw nanhte hpe mali shi ning tup dai nam mali lam hku woi wa made yang, ngai nanhte a Karai Kasang Yehowa rai nga nngai gaw nanhte chye lu hkra, nanhte a hpun palawng n tsam mat, nanhte din ai kyepdin mung n htum;

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai: