Daniela 9:11 - Jinghpaw Hanson Version Bible

¹¹ Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

Jinghpaw Common Language Bible 2009

¹¹ Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

Daniela 9:11 ပူးပေါင်းရင်းမြစ်များ

2 HKAWHKAM 18:12

kaning rai nme law, shanhte a Karai Kasang Yehowa a nsen hpe shanhte n madat mara ai sha, shi a ga shaka hte shi a shangun ma Mawshe htet da mada hpe, shanhte gang kau nna n hkan galaw ma ai.

2 HKAWHKAM 22:16

Yehowa ning nga ai: Yuda hkawhkam hti yu ai laika ga mahkra hte maren, ndai mare hte dai hta e nga ai ni mahkra a ntsa e, tsin-yam tsindam shapraw na we ai:

ESAIA 1:3

Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

ESAIA 43:28

Dai re ai majaw Chyoi pra ai shara na du ni hpe, ngai awu asin di kau se ai; Yaku hpe dagam dala, Israela hpe shatan nhkan shara, ngai shatai kau se ai.

YEREMIA 2:29

Yehowa ning nga ai: “Nanhte hpa majaw ngai hte dangrang hkat nga myit ta? nanhte yawng ngai hpe shut hpyit nga myit dai.

YEREMIA 30:14

Na a jinghku ni yawng, nang hpe malap kau ma ai; nang hpe tam ma ai, n rai: na a yubak kaba nga ai hte, na a shut hpyit ai law htam wa ai majaw, ngai gaw hpyen wa zawn nang hpe jahpye nna, gumshem wa zawn ari jaw de ai.

YEREMIA 40:3

Yehowa tsun da ai hte maren shi galaw nna shabyin nu ai; nanhte gaw Yehowa hpe shut hpyit nna, shi a nsen n madat ai majaw, ndai tsin-yam nanhte a ntsa e du sai.

YEREMIA 44:22

Ndai nanhte galaw ai n hkru la ai matsat shabat amu ni hpe, Yehowa naw n sharang lu ai majaw, nanhte mungdan gaw dai ni rai nga ai hte maren, masha kata ai, shingran katsi ai, mauhpa shara hte dagam dala shara tai wa sahka.

YEREMIA 44:23

Nanhte gaw manam pyaw ai baw nat nawng nna, Yehowa hpe shut kau ai majaw mung, Yehowa ga n madat ai hte, shi hkang da ai tara, matsun maroi ga hte sakse ga n hkan nang ai majaw mung, dai ni rai nga ai hte maren, ndai tsin-yam tsindam nanhte a ntsa e du nga ai, nga mu ai.

YEREMIA 6:19

Ginding aga e, na la u: yu u, ndai amyu gaw nye a ga n madat ai hte, nye a tara hpe n hkan hkraw ai majaw, shanhte myit mang ai lam hte maren, ngai shanhte a ntsa e tsin-yam tsindam shapraw na nngai.

YEREMIA 9:26

Egutu, Yuda, Edom, Ammon, Moba amyu ni hte, tinang a na labying kara doi ai, zaibru jang na amyu ni mahkra hte hpe ari jaw na aten du na ra ai: kaning rai nme law, amyu ni yawng nye a man e matu gadoi n hkam ai ni rai nga nna, Israela dap na ni yawng, tinang a myit masin matu n gadoi ai amyu rai nga ma ai.”

Daniela 9:13

Mawshe tara laika hta ka da ai hte maren, ndai tsin-yam tsindam yawng, anhte a ntsa e du sai: rai timung, anhte gaw, anhte a shut hpyit ai lam koi kau nna, na a tengman ai lam hpe chye na lu hkra, anhte a Karai Kasang Yehowa a chyeju hpe lu la na, tawngban saga ai n rai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

ZEHKARIA 1:6

Nye a shangun ma myihtoi ni hpe, ngai hkang da ai mungga hte matsun maroi ga chyawm gaw, nanhte a nji nwa ni hpe dep sai, n rai ni? Shing rai shanhte yin la nna, Anhte a lam hte, anhte a arawn alai hte maren, anhte hpe nhtang jaw na, ‘Zaw nawng zaw wa up ai Yehowa myit shatawng da ai hte maren, shi anhte hpe di mi ai,’ nga nna tsun ma ai,” nga ai.

ZEHKARIA 7:12

Gaja wa, jep ai tara a ga hpe mung, moi na myihtoi ni a n-gup hte, Zaw nawng zaw wa up ai Yehowa a Wenyi shangun dat ai mungga hpe mung, n na la lu hkra, shanhte gaw tinang a myit masin hpe, nhpai lung zawn shaja nga ma ai: dai re ai majaw, Zaw nawng zaw wa up ai Yehowa kaw na, sindawng kahtet ai tsin-yam kaba pru nga ai.

ZEHKARIA 8:13

Yuda dap e, nang mung Israela dap e, nanhte gaw maigan amyu ni hta dagam dala shara tai yu ai zawn, ngai nanhte hpe hkye hkrang la nna, nanhte gaw gumring gumrat shara tai na marin dai: hkum hkrit myit: nanhte a lata n-gun shaja mu.”

TARA JAHPRANG 8:20

Nanhte a Karai Kasang Yehowa a ga nanhte n madat myit dai majaw, nanhte a man na Yehowa jahten kau ai amyu ni zawn, nanhte mung hten bya ai kaw du na manit dai.