Daniela 8:7 - Jinghpaw Hanson Version Bible

⁷ Shing rai shi gaw, dai sagu la hte ni wa nna, pawt bu ai hte shi hpe daru dang kau ai hte, de a nrung yan hpe agrawp daw kau ya ai, ngai mu nngai: dai sagu la gaw hkap daw lu ai n-gun n nga ai majaw, namla gaw shi hpe ga de kadawng kau nna, kabye kau wu ai: dai sagu la hpe, shi a lata na mawai la lu ai wa, kadai n nga ai.

Jinghpaw Common Language Bible 2009

⁷ Ngai gaw sagu la hpe htim gasat nga ai hpe yu nngai. Shi gaw masin grai pawt ai rai nna shi hpe daru anyawp kau ai hte nrung lahkawng daw agrawp mat nga ai. Sagu la mung shi hpe hkap daw na n-gun n rawng nga ai. Shi mung ga de kadawng mat ai hte kabye anut kau hkrum nga ai; dai yang e shi hpe kadai e mung n hkye la lu nga ai.

Daniela 8:7 ပူးပေါင်းရင်းမြစ်များ

Daniela 11:11

Shing rai dingda hkawhkam wa gaw grai myit kahtet nna, dingdung hkawhkam wa hpe hkap gasat na ra ai: shi gaw luksuk laba wunawng wuwa jahpawng tawn timung, dingda hkawhkam shanhte hpe dang kau na ra ai.

Daniela 7:12

Kaga dusat ni chyawm gaw, up ai ahkang aya sum mat timung, shanhte gaw tawng marang mi hte aten ladaw mi hkrung nga na ahkang naw lu ma ai.”

Daniela 7:7

Dai hpang shana na shingran hpe ngai mu nna, yu u, hkrit na nsan ai, n-gun ja ai hte atsam grai rawng ai, mali ngu na dusat paw pru nga ai; dai dusat gaw grai kaba ai hpri wa tu nga ai: shi kawa agrawp daw kau nna, ngam nga ai arai ni hpe lagaw hte kabye anin kau nga ai; dai gaw shawng na dusat ni mahkra hte shai nna, nrung shi tu nga ai.

Daniela 8:10

Dai gaw sumsing lamu na zaw nawng zaw wa dep hkra kaba wa nna, dai zaw nawng zaw wa nkau mi hte, shagan ni nkau mi hpe, ga de jahkrat kau nna, kabye anin mu ai.

Daniela 8:6

Shi gaw nrung lahkawng tu ai hte, hka kau e tsap nga ai sagu la hpang de du nna, shi a n-gun shakun let, shi hpe gat htim wu ai.

Daniela 8:8

Dai rai nna dai namla gaw shi hkum hpe grai shagrau shatsaw wu ai; shi n-gun an yang, dai nrung kaba daw mat lu ai: de a malai, sumsing lamu man mali maga de ang wa ai, nja rawng ai nrung mali tu pru wa ai.

JAW JAU 26:37

Shachyut ai masha kata kaw ri nhtu e hprawng ai zawn, langai a ntsa e langai kataw kahtap na mara ai; hpyen ni a man e dakan lu ai n-gun kaji mi muk rawng na n rai.

YAWSHU 8:20

Dai rai nna, Ai mare masha ni gaw kayin yu mu yang, yu mu, shanhte a mare hkru ai wan hkut lamu de dingdung rai nga ai; dai rai nna gara de mung, shanhte n chye hprawng mat ma ai: nam de hprawng masu ai ni mung shachyut nang ai ni hpe mahtang kayin gasat ma ai.