Daniela 8:5 - Jinghpaw Hanson Version Bible

⁵ Dai lam hpe ngai sumru yu nga yang, yu u, namla langai mi gaw sinna maga de na paw pru nna, aga n kabye ai, mungkan ting chyam hkra gat hkawm wu ai: dai namla gaw shi a myi lapran e nja rawng ai nrung langai mi tu nga ai.

Jinghpaw Common Language Bible 2009

⁵ Dai gaw hpa baw lachyum rai nga ai hpe ngai yu mau nga yang, bainam la langai gaw sinna maga kaw nna gat dumbri pru wa nhtawm, shi a lagaw ga de n hkra ai sha grai lawan ai hte hkawm mat wa nga ai. Shi a myi lapran hta laklai dan dawng ai nrung langai tu nga ai.

Daniela 8:5 ပူးပေါင်းရင်းမြစ်များ

Daniela 11:3

Shaloi, n-gun atsam rawng nna, up ai ahkang aya kaba lu ai hte, galaw mayu ai hte maren, galaw na ra ai hkawhkam langai mi, paw pru na ra ai.

Daniela 2:32

Dai sumla a baw gaw ja jet rai nga ai; sinda hte lata yan gaw, gumhpraw rai nga ai; akan hte magyi yan gaw, magri rai nga ai;

Daniela 2:39

Na a hpang e, nang hte lawu grit re ai mungdan langai mi pru na ra ai: dai hpang masum ngu na magri mungdan pru nna, dai gaw lamu ga ting hpe up na ra ai.

Daniela 7:6

Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

Daniela 8:21

Mun mazut tu ai namla gaw Heleni hkawhkam rai nga ai: shi a myi lapran e tu ai nrung kaba gaw, shawng na hkawhkam rai nga ai.

Daniela 8:6

Shi gaw nrung lahkawng tu ai hte, hka kau e tsap nga ai sagu la hpang de du nna, shi a n-gun shakun let, shi hpe gat htim wu ai.

Daniela 8:8

Dai rai nna dai namla gaw shi hkum hpe grai shagrau shatsaw wu ai; shi n-gun an yang, dai nrung kaba daw mat lu ai: de a malai, sumsing lamu man mali maga de ang wa ai, nja rawng ai nrung mali tu pru wa ai.