Daniela 8:25 - Jinghpaw Hanson Version Bible

²⁵ Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

Jinghpaw Common Language Bible 2009

²⁵ Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

Daniela 8:25 ပူးပေါင်းရင်းမြစ်များ

YOBA 34:20

Hkring mi sha, yuptung e pyi shanhte si mat ma ai; masha amyu ni gari awam hkrum ai hte lai mat wa ma ai: daru magam rawng ai ni pyi, gade a lata n du ai, myit mat ai hkrum ma ai.

YEREMIA 48:26

Moba gaw Yehowa hpe gumrawng gumtawng ai majaw, shi hpe shanang kau mu: shi gaw shi a nhpat hta galu nga nna, shatan nhkan hkrum na ra ai.

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

Daniela 11:12

Dai wunawng wuwa ni bawng rim wa ai hkrum nna, dingda hkawhkam wa a myit masin kabu na ra ai; shi gaw hkying mun ni hpe dang kau timung, dai hta shi a matu akyu n pru nga ai.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 7:26

Rai timung, tara dawdan ai aten du na ra ai rai nna, dai wa a ahkang aya dawm la na hte, htum hkra jahten shamyit kau na mu ai.

Daniela 7:8

Dai nrung ni hpe ngai mada yu nga yang, yu u, dai nrung ni a ka-ang e, nrung kaji langai mi tu pru nga ai; dai nrung majaw, shawng na nrung ni hta na nrung masum hpe, pawt hte nawng baw kau wu ai: bai, yu u, ndai nrung kaji hta masha myi hte bung ai myi tu nna, ga kaba chye tsun ai n-gup tu nga ai.

Daniela 8:11

Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

KASA 12:23

Dai shaloi jang, Karai Kasang a hpung shingkang hpe n tau yu wu ai majaw, Madu a lamu kasa shi hpe ari jaw nna, byet e sha ai hte shi nsa hti mat ai.

2 HTESALONI 2:3

Kadai wa mung, nanhte hpe gara hku mung n hkalem kau myit ga. Kaning rai nme law, dai htak bra wa ai gaw shawng e n byin ai hte, n tara ai wa ngu ai hten byak wa ai a kasha garai n paw pru pru gaw, dai nhtoi du na n rai,

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.