Daniela 8:24 - Jinghpaw Hanson Version Bible

²⁴ Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai.

Jinghpaw Common Language Bible 2009

²⁴ Shi gaw n-gun ja wa ti mung, shi a daru magam n-gun a majaw n rai nga ai. Hkrit hpa hten byak amu hpe shi shabyin dat ai majaw shi galaw ai lam shagu awng dang na rai wu ai. Shi gaw daru magam n-gun rawng ai masha ni hte Karai Kasang a amyu masha majing ni hpe jahten sharun kau na ra ai.

Daniela 8:24 ပူးပေါင်းရင်းမြစ်များ

SHAKAWN KUNGDAWN 37:35

Tara n lang ai wa gaw daru magam rai lu nna, Shi a shara e tu ai hpun zawn kaba wa ai gaw, Ngai mu lu nngai rai timung:

Daniela 11:23

Dai hkawhkam wa hte ga sadi tawn da ai hpang, shi gaw hkalem ai hku hkan na ra ai: shing rai shi gaw lung wa nna, masha n law timung, n-gun ja na ra ai.

Daniela 12:7

Shaloi, ‘Dai gaw aten mi, aten lahkawng hte aten chyen mi na na ra ai; dai chyoi pra ai amyu a n-gun atsam hpe agrawp daw kau ngut jang, ndai amu yawng ngut wa na ra ai,’ nga nna lachyit nba bu hpun let hka ntsa e tsap nga ai wa gaw, sumsing lamu de hkra lata pai lata sharawt nna, htani htana ahkrung nga ai wa a amying gang let, dagam nga ai hpe, ngai na nngai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 8:10

Dai gaw sumsing lamu na zaw nawng zaw wa dep hkra kaba wa nna, dai zaw nawng zaw wa nkau mi hte, shagan ni nkau mi hpe, ga de jahkrat kau nna, kabye anin mu ai.

Daniela 8:11

Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

Daniela 8:12

Shing rai tara tawt lai ai lam majaw, dai zaw nawng zaw wa hte tutnawng nawng ya ai wan nat hkungga hpe, de a lata hta ap kau ya ai rai nna, dai nrung gaw tengman ai hpe ga de kabai jahkrat kau ai hte, tinang myit hkrai hkan nna, awng wa ai.

Daniela 8:23

Dai mungdan ni a jahtum ai aten hta, tara tawt lai ai ni a yubak hpring wa yang, n hkru ai myi man man nna, hkalem hkalau ai hku chye hkan ai hkawhkam langai mi paw pru na ra ai.

SHINGRAN 16:6

kaning rai nme law, chyoi pra ai ni a asai hte myihtoi ni a asai shanhte ru kau ma ai rai nna, nang shanhte hpe asai bai lu shangun mu ai; dai gaw shanhte hkrum ging ai hku rai nga ai,” nga nna tsun ai, ngai na nngai.

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.

SHINGRAN 17:6

Bai, dai numsha gaw chyoi pra ai ni a asai hte mung, Yesu a sakse ni a asai hte mung, nang nga ai hpe, ngai mu nngai. Shi hpe mu yang mau kaba hte ngai mau mahka mat nngai.

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.