Daniela 8:19 - Jinghpaw Hanson Version Bible

¹⁹ Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

Jinghpaw Common Language Bible 2009

¹⁹ “Karai Kasang a pawt sindawng ai akyu hpa rai na ra ai gaw ngai nang hpe madun dan nga nngai. Dai shingran gaw jahtum na aten hpe lakap nna tsun da nga ai.

Daniela 8:19 ပူးပေါင်းရင်းမြစ်များ

SHAKAWN KUNGDAWN 102:13

Nang rawt wa nna Ziun hpe matsan dum na ndai: Rai sa, shi hpe yu lahku na aten du ra ai rai nna, Shi a ladaw langa da ai, ya e rai sai.

Daniela 11:27

Ndai hkawhkam yan gaw myit magaw ai hku maw nna, sha ku langai hta sha shada masu ai ga tsun timung, dai hku byin lu na n rai; kaning rai nme law, ndat da ai aten hta, de a jahtum rai na ra ai.”

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 8:23

Dai mungdan ni a jahtum ai aten hta, tara tawt lai ai ni a yubak hpring wa yang, n hkru ai myi man man nna, hkalem hkalau ai hku chye hkan ai hkawhkam langai mi paw pru na ra ai.

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

LUKA 21:23

Dai nhtoi hte hta na-um na sin re ai ni hte ma chyu naw chyu ai ni gaw nachying yak na mara ai; kaning rai nme law, ndai mung a ntsa e kyin dut kaba, ndai amyu a ntsa e pawt bu ai ari, du na ra ai.

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 10:7

sanit ngu na lamu kasa a pahtau dum shangoi ai nhtoi hte hta, Karai Kasang gaw shi a shangun ma ni ngu ai myihtoi ni hpe tsun da ai kabu gara shiga hte maren, shi a sung htum ai lam dik wa na sai, nga ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

SHINGRAN 15:1

Bai, sumsing lamu hta e galu kaba nna mau ging ai mauhpa amu kaga hpe ngai mu nngai; ari zinli sanit lang ai lamu kasa sanit rai nga ma ai: dai ari zinli ni gaw jahtum na ari rai nga ai; kaning rai nme law, Karai Kasang a pawt bu ai gaw dai hte hte ngut wa na ra ai.

SHINGRAN 17:17

Kaning rai nme law, Karai Kasang a myit hku shadik na hte, shanhte myit langai sha rawng lu na, Karai Kasang a mungga dik wa ai nhtoi du hkra, tinang a mungdan dai matse labye hpe ap ya mu ga nga, Karai Kasang gaw shanhte a kraw lawang hta hpaji daw bang ya mu ai.