Daniela 8:17 - Jinghpaw Hanson Version Bible

¹⁷ Shing rai dai wa gaw ngai tsap nga ai shara de sit wa ai; shi sit wa yang, ngai hkrit gari nna, gum dagup nga nngai: shi chyawm gaw, “Masha kasha e, chye na u; ndai shingran gaw hpang jahtum na aten hte seng nga ai,” nga nna ngai hpe tsun ai.

Jinghpaw Common Language Bible 2009

¹⁷ Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

Daniela 8:17 ပူးပေါင်းရင်းမြစ်များ

NINGPAWT NINGHPANG 17:3

Dai majaw Abram gaw shi a man e dingnyawm dagup nga ai rai nna, Karai Kasang shi hpe bai tsun wu ai gaw, “Yu u, ngai nan nye a ga shaka hpe nang hte shagrin da se ai rai nna, nang gaw masha amyu baw law law a kawa rai na nit dai.

EZEKELA 1:28

Shing rai grup yin htoi kabrim ai gaw, marang htu ai shani e sumwi ni hta dan ai n-goilatum hte bung nga ai. Da ndai gaw, Yehowa a hpung shingkang dan hkung ai ahpraw nsam rai nga ai. Dai shingran hpe mu yang, ngai gum dagup nngai; shaloi ngai hpe shaga ai nsen ngai na nngai.

EZEKELA 2:1

Ngai hpe shaga ai wa gaw, “Masha kasha e, jan rai tsap u; ngai nang hpe ga tsun na de ai,” nga ai.

EZEKELA 44:4

shaloi shi gaw, nta ndaw, dingdung chyinghka hku, ngai hpe woi jashawn nna, ngai mada yu yang, yu u, Yehowa a hpung shingkang gaw, Yehowa nta hta hpring nga nna, ngai gum dagup nga nngai.

Daniela 10:11

Bai shi gaw, “Grai tsawra hkam ai Daniela e, nye a ga chye na nna, jan rai tsap u: nang nga ai de, ngai hpe ya shangun dat nngai,” nga nna tsun yang, ngai gaw gari let jan rai tsap nga nngai.

Daniela 10:16

Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 11:27

Ndai hkawhkam yan gaw myit magaw ai hku maw nna, sha ku langai hta sha shada masu ai ga tsun timung, dai hku byin lu na n rai; kaning rai nme law, ndat da ai aten hta, de a jahtum rai na ra ai.”

Daniela 11:40

“Ya de a ladaw htum wa mahka e, dingda hkawhkam wa gaw, shi hpe htim gasat na ra ai: dingdung hkawhkam wa chyawm gaw, hpyen leng, hpyen gumra, sanghpaw li law law hte hpawn, bungsha zawn ru lung wa let, dai mung ni hta shang nna, lim kabye ga lai kau na ra ai.

Daniela 12:13

Nang chyawm gaw dai aten gu hkra sa wa su: nang aban asa nga lu nna, aten ladaw jahtum e na a kamhtaw hta tsap nga lu na rin dai,” nga nna tsun ai.

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

Daniela 2:46

Shaloi hkawhkam Nebuhkadneza gaw myi man gum dagup let Daniela hpe nawku nna, shi hpe kumhpa hte manam pyaw hkungga nawng ya na lam hkang da wu ai.

Daniela 7:16

Shing rai makau e tsap nga ai ni hta na langai mi hpang de ngai sit sa nna, ‘Ndai lam yawng mayawng hpa nga ai rai ta?’ ngu nna san we yang, dai wa gaw,

Daniela 8:15

Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

Daniela 8:19

Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

Daniela 8:27

Ngai Daniela gaw ma mat nna, tawng marang mi machyi nga nngai: dai hpang ngai rawt nna, hkawhkam a amu hpe gun hpai nngai: dai shingran lam ngai mau nga timung, dai hpe kadai n chye na ma ai.

Daniela 9:23

Nang akyu hpyi hpang yang, htet da ai ga pru nna, nang hpe tsun shana ya na ngai du nngai: nang gaw grai tsawra hkam ai wa rai nga ndai: dai majaw, dai lam sumru yu nna, shingran a lachyum chye na u.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

HABAKU 2:3

Kaning rai nme law, ndai shingran gaw, ndat da ai aten hte seng nna. dik wa na matu, lawan nga ai hte, masu na n rai: ganung nga yang rai timung, ala nga u; dai gaw teng teng du na ra ai; hpang hkrat na, n rai.

MAHTE 17:8

Shanhte dawng yu mu yang, Yesu hta kaga, kadai hpe mung n mu manu ai.

SHINGRAN 1:17

Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

SHINGRAN 22:8

Ngai, Yawhan gaw, ndai lam ni hpe na lu ai hte mu lu ai wa, rai nga nngai. Ndai hte hpe na lu ai hte mu lu ngut jang, ndai lam ni ngai hpe madun dan ai lamu Kasa a lagaw nhpang e nawku na, ngai dingyawm dagup nngai.