Daniela 8:15 - Jinghpaw Hanson Version Bible

¹⁵ Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

Jinghpaw Common Language Bible 2009

¹⁵ Ngai gaw dai shingran a lachyum hpa rai nga ai hpe chye na hkawn hkrang wa hkra shakut nga yang, marai langai mi nye a man e akajawng sha sa tsap nga ai.

Daniela 8:15 ပူးပေါင်းရင်းမြစ်များ

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

Daniela 10:16

Shaloi yu u, masha kasha nsan ai wa langai mi gaw nye a n-gup hpe ahtawk ya ai; shing rai ngai n-gup hpaw nna, “Nye a madu e, ndai shingran majaw, nye a ntsa e yawn hkyen ai du nna, ngai gawng kya nga nngai.

Daniela 10:18

Shaloi masha nsan ai wa langai mi ngai hpe bai ahtawk nna, n-gun shaja nngai.

Daniela 10:5

ngai mada yu nna, yu u, Lachyit nba bu hpun nna, Uhpaza ja jet shingkyit kyit let, masha langai mi tsap nga ai hpe, ngai mu nngai:

Daniela 12:8

Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

Daniela 7:28

Da ndai gaw de a ga kanu rai nga ai: ngai Daniela gaw myit grai ung ang nna, myi man sum nga nngai; rai timung ngai gaw ndai lam hpe nye a kraw e matsing da nga nngai.”

Daniela 8:1

Ya hkawhkam Belashaza hkaw dung ai masum ning hta e, ngai Daniela gaw shawng na shingran hpe mu ai hpang shingran bai mu nngai.

Daniela 8:19

Shaloi shi gaw, “Yu u, pawt sindawng ai jahtum aten e byin na ra ai lam, ngai nang hpe chye shangun de ga: dai gaw madat da ai, hpang jahtum na aten hte seng nga ai.

ZEHKARIA 1:9

Shaloi ngai gaw, “Nye a madu e, ndai ni kadai rai mata?” ngu nna san we yang, ngai hte ga tsun ai lamu kasa gaw, “Dai ni kadai re ai, ngai nang hpe madun na nngai,” nga nna ngai hpe tsun ai.

MAHTE 13:36

Dai hpang shawa masha ni hte shi hka wa nna, dai nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing a ga shadawn lam, anhte hpe htai dan mi,” ngu mu ai.

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

MARKU 4:12

shinggan de nga ai ni chyawm gaw, Myit n kayin lu nna, raw dat kau ai n hkrum mu ga, Shanhte mu lamu n yu lu na hte, Na lana n chye na lu mu ga, hpa lam mung ga shadawn hku hte sha, shanhte hpe shapraw dan na nme ai,” ngu nna shanhte hpe tsun mu ai.

YAWSHU 5:14

Dai wa chyawm gaw, “N rai, Yehowa a hpyen laba up ai bu rai nna ya sa wa ring ngai,” ngu wu ai. Shaloi Yawshu gaw ga e dingnyawm nawku let, “nye a Madu e, na a mayam wa hpe hpa tsun mayu n ta?” ngu wu ai.

SHINGRAN 1:13

Shing rai kayin yu yang, ja pyengdin sanit hte dai pyengdin ni a ka-ang e masha Kasha zawn san ai wa langai mi ngai mu nngai: dai wa gaw lahkre du ai palawng galu bu hpun nna, sinda hta aja shingkyit kyit nga ai.

SHINGRAN 13:18

Nang e hpaji byeng-ya rawng nga ai; zai byeng-ya rawng ai wa gaw dai matse labye a nambat sawn chye u ga; dai nambat gaw masha langai mi a nambat rai nga ai; shi a nambat gaw kru tsa e kru shi kru rai nga ai.