Daniela 8:13 - Jinghpaw Hanson Version Bible

¹³ Shaloi chyoi pra ai wa langai mi a ga tsun ai nsen ngai na nngai: bai, chyoi pra ai wa kaga gaw, ga tsun ai chyoi pra ai wa hpe shaga nna, “Dai chyoi pra ai shara hte, zaw nawng zaw wa hpe kabye anin kau ai hkrum hkra, tutnawng nawng ya ai wan nat hkungga hte, jahten shabyak chye ai tara tawt lai ai lam pru ai shingran gaw, gaten du hkra ri na rai ta?” ngu nna san wu ai.

Jinghpaw Common Language Bible 2009

¹³ Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

Daniela 8:13 ပူးပေါင်းရင်းမြစ်များ

SHAKAWN KUNGDAWN 74:10

Karai Kasang e, gaten du hkra, hpyen ni shatan lu na rai nga ma ta? Gumlau ni gaw na a amying nsang hpe, tut tut asawng nga lu na rai ma ni?

SHAKAWN KUNGDAWN 74:9

Anhte a kumla ni hpe anhte n mu lu gaw ai: Ya aten e myihtoi n pru n nga ai; Anhte hta ladaw langa chye ai masha n nga ai.

SHAKAWN KUNGDAWN 79:5

Yehowa e, nang gaten du hkra masin a pawt nga na n ta? Na a supbun bun ai myit, wan zawn a hkru nga na rai ta?

ESAIA 28:18

Si hkrung si htan hte nanhte tawn da ai ga shaka mung hten mat na ra ai; katsan ga hte myit hkrum ai lam mung grin nga na n rai; lim kau ai ari ahpri lwi wa yang, nanhte kabye kau ai hkrum na myit dai.

ESAIA 6:11

Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

ESAIA 63:18

Na a chyoi pra ai amyu gaw dai hpe chyahkring mi sha up lu ai hpang, anhte hpe hpyen ai ni, na a chyoi pra ai nawku nta hpe, kabye lai kau ma ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

YEREMIA 12:10

Law la ai sagu rem ni gaw, nye a tsabyi sun hpe jahten kau manu ai; shanhte gaw nye a sali wunli hpe kabye kau manu ai; nye a pyaw la ai kumhtaw hpe, shingran katsi ai zaibru jang shatai kau manu ai.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 12:8

Dai ga hpe ngai na timung, n chye na nngai: dai rai nna ngai gaw, “Madu e, ndai amu ni kaning rai htum lu na rai ta?” ngu nna san we ai.

Daniela 4:10

Nye yup ku ntsa e ngai mu ai shingran ning rai nga ai; ngai mada nga yang, yu u, mungkan ga ka-ang e, tsaw la ai hpun langai mi tu nga ai.

Daniela 4:13

“Bai, nye a yup ku ntsa e ngai mu ai shingran hta, yu u, sin langa ngu ai chyoi pra ai wa langai mi sumsing lamu de na yu wa nna, shi gaw,

Daniela 4:23

Sin langa ngu ai chyoi pra ai wa langai mi sumsing lamu de na yu wa nna, shi gaw, ‘Dai hpun hpe kran daw jahten kau u; rai timung, ga hta jung ai aru hte hpawn, pa ga na tsit lali ai tsingdu hta hpri hte magri sumri hte gyit hkang let, hpun du hpe ngam da nna, dai gaw sumsing lamu na mari hte madi mat u ga; aten sanit shi a ntsa e lai wa hkra, shi a kamhtaw pa ga na ashu ashan ni hte rau rai nga u ga,’ nga nna hkawhkam wa mu ai hte maren,

Daniela 7:16

Shing rai makau e tsap nga ai ni hta na langai mi hpang de ngai sit sa nna, ‘Ndai lam yawng mayawng hpa nga ai rai ta?’ ngu nna san we yang, dai wa gaw,

Daniela 7:23

“Shing rai dai wa gaw, Mali ngu na dusat gaw, ga ntsa e paw pru na ra ai, mali ngu na mungdan rai nga ai: dai mungdan gaw kaga mungdan mahkra hte shai nna, mungkan ting hpe kawa sha kau na hte, kabye anin nna, agrawp daw kau na ra ai.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

ZEHKARIA 1:19

Shing rai, ngai hte ga tsun ai lamu kasa hpe, “Ndai ni gaw kaning re ai rai ta?” ngu nna san we yang, shi gaw, “Ndai nrung ni gaw, Yuda mung, Israela mung hte Yerusalem mare hpe shabra kau ai nrung ni rai nga ma ai,” nga nna ngai hpe htan ai.

ZEHKARIA 14:5

Shing rai nanhte gaw, nye a bum yan a lapran kadit lam hku hprawng wa na marin dai; kaning rai nme law, dai bum lapran a kadit gaw, Azela shara du hkra dam na ra ai: gaja wa, Yuda hkawhkam Uzia lakhtak e, dai nnang nawn majaw, nanhte hprawng gat ai hte maren, bai hprawng gat na marin dai; nye a Karai Kasang Yehowa gaw sa du nna, chyoi pra ai ni yawng shi hte rau lawm na mara ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai kasha hpe kadai mung n chye lu ai: dai Kasha hte, dai Kasha jahtoi ya mayu ai masha hta kaga, Wa hpe mung, kadai n chye lu ai.

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

LUKA 10:22

Nye wa gaw arai yawng mayawng ngai hpe ap ya ni ai: Kasha kadai re ai gaw, Wa hta kaga kadai mung n chye ai; Wa kadai re ai mung, Kasha wa hte dai Kasha e jahtoi ya mayu ai wa hta kaga, kadai mung n chye nga ai.

LUKA 21:20

Yerusalem mare hpe hpyen luksuk ni hte wang kawan da ai hpe, nanhte mu myit yang chyawm gaw, dai mare hten bya na, ni wa ra ai gaw, dum chye mu.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

YAWHAN 1:18

Karai Kasang hpe gade e muk galoi mung n mu yu ai; Kawa a lahpyen e rawng nga ai Kasha shingtai gaw, Karai Wa a hkum shadan dan nu ai.

TARA JAHPRANG 33:2

Shi gaw “Yehowa, Sina bum nna yu wa ra ai, Seira bum shagawng kaw nna, shanhte a matu tu pru nga ai; Hparan bum ntsa e shi dan hkung nga ai; Chyoi pra ai ni mun sen kaw na du sa ra ai: Shi a hkra lata nna shanhte a matu tara wan tu pra nga ai.

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

YUDA 1:14

Adam kaw na prat sanit hta du ai Enuk mung, shanhte hpe myihtoi ga tsun mu ai rai nna, Yu mu, yawng mayawng hte hpe tara dara na mara ai rai nna,

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 6:10

Shanhte gaw, Chyoi pra ai hte tengman ai Madu e, dinghta ga e nga ai ni a ntsa e anhte a asai matai htang na, nang gaten du hkra tara n dara ai nga nga na n ta? nga nna nsen kaba hte a jahtau nga ma ai.

TARA AGYI 13:18

Shaloi Yehowa a kasa gaw, Nye a mauhpa amying hpa rai san n ta? ngu wu ai.