Daniela 8:11 - Jinghpaw Hanson Version Bible

¹¹ Dai hta n-ga, dai nrung gaw, zaw nawng zaw wa ni a madu hpe du hkra, tinang hkum hpe shagrau shatsaw nna, tutnawng nawng ya ai wan nat hkungga hpe shi kaw na dawm la nna, shi a chyoi pra ai shara hpe run kau ya wu ai.

Jinghpaw Common Language Bible 2009

¹¹ Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

Daniela 8:11 ပူးပေါင်းရင်းမြစ်များ

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 37:29

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

YEREMIA 48:26

Moba gaw Yehowa hpe gumrawng gumtawng ai majaw, shi hpe shanang kau mu: shi gaw shi a nhpat hta galu nga nna, shatan nhkan hkrum na ra ai.

YEREMIA 48:42

Moba gaw Yehowa a man e gumrawng gumtawng nga ai majaw, htawm hpang e amyu n tai lu hkra, shaza kau ai hkrum na ra ai.

EZEKELA 46:14

Dai hte hpawn, jahpawt shagu shadung kumhpa, ehpa htam kru hta htammi, shadung hte kayau ai, namman hin htam masum hta htammi shapraw ya na ndai: da ndai gaw, htani htana hkang da ai ga hkan nna, Yehowa matu tutnawng na shadung kumhpa rai nga ai.

Daniela 11:22

Ga lim nga ai wunawng wuwa ni shi a man e lup mat nna, agrawp kau ai hkrum na mara ai: gaja wa, ga shaka hte tawn da ai du wa mung, agrawp kau ai hkrum na ra ai.

Daniela 11:31

Shi a hpyen luksuk ni sin nga nna, bunghku kum ai chyoi pra ai nta hpe awu asin di kau ai hte, tutnawng nawng ya ai wan nat hkungga hpe hkum kau nna, jahten shabyak chye ai matsat shabat kumla hpe shadun da na mara ai.

Daniela 12:11

Tutnawng nawng ya ai wan nat hkungga hpe dawm kau nna, jahten shabyak chye ai matsat shabat kumla shadun ai aten kaw nna, nhtoi hkying mi ni tsa jahku shi na na ra ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 8:12

Shing rai tara tawt lai ai lam majaw, dai zaw nawng zaw wa hte tutnawng nawng ya ai wan nat hkungga hpe, de a lata hta ap kau ya ai rai nna, dai nrung gaw tengman ai hpe ga de kabai jahkrat kau ai hte, tinang myit hkrai hkan nna, awng wa ai.

Daniela 8:24

Dai wa gaw daru magam rawng timung, shi a n-gun hte n rai; shi gaw jahten shabyak grai chye wa nna, awng wa ai hte shi a myit hkan na ra ai: hpung shingkang rawng ai ni hte, chyoi pra ai amyu hpe, jahten shabyak kau na ra ai.

Daniela 8:25

Shi a hpaji daw ai a marang e, shi a lata hta hkalem hkalau ai lam awng wa na ra ai: shi gaw shi hkum hpe shagrau shatsaw nna, ndum shami e masha law law hpe jahten shabyak kau na ra ai: dai hta n-ga, madu ni a Madu hpe shi hkap daw na ra ai; rai timung, masha lata hte n re ai, shi agrawp kau ai hkrum na ra ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

BU HKAWM 28:3

Bai, shanhte hpe ning ngu tsun u: ‘ndai gaw nanhte Yehowa hpe wan hte nat nawng na shagu hkungga rai nga ai: tutnawng na wan nat hkungga matu, shani shagu, ra n rawng ai hte ladu hkrum ai sagu la kasha lahkawng nawng na rai myit dai.

LUKA 21:24

Shanhte gaw ri nhtu e sat kau hkrum ai hte, amyu shagu ni e rim woi mat wa ai hkrum na mara ai: maigan amyu ni a nhtoi dik wa ai du hkra, Yerusalem gaw maigan amyu ni e kabye dip da ai hkrum na ra ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

HEBRE 2:10

Kaning rai nme law, kashu kasha law law hpe hpung shingkang hkam la ai de woi wa yang, shanhte a hkye hkrang la ai lam a agyi wa hpe nni nkri hte jahkum shatsup na yawng hpe up nna, yawng a npawt rai nga ai Karai Wa gaw, mai di nga ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.