Daniela 7:4 - Jinghpaw Hanson Version Bible

⁴ Shawng na dusat gaw, hkanghkyi hte bung nna, langda singkaw tu nga ai: ngai mada yu nga yang, shi a singkaw hpe baw kau nna, ga de na shalun la hkrum ai hte, masha zawn lagaw lahkawng hte tsap shangun nna, masha myit mung dai wa hpe bang ya nga ai.

Jinghpaw Common Language Bible 2009

⁴ Shawng na langai mi gaw hkanghkyi hte bung nna galang zawn singkaw tu nga ai. Ngai yu nga yang, singkaw ni baw kau ai hkrum nga ai. Dai matse labye dusat gaw sharawt la ai hkrum nna masha zawn ading jan tsap shangun nga ai. Dai hpang shinggyim myit shi hpe jaw ya ai hkrum nga ai.

Daniela 7:4 ပူးပေါင်းရင်းမြစ်များ

2 SAMUELA 1:23

Shawlu yan Yonahtan, hkrung nga dingsa tsawra nja, Si wa sai mung n daw n hka; Shan gaw, wa hpai kalang hta grau laram, Hkanghkyi hta n-gun grau ningtsam rai ma ai.

YOBA 25:6

Dai hta n-ga, abyet rai nga ai shinggyim masha hte shingtai rai nga ai masha kasha gaw, grau nna n san seng nga a hka!” nga ai.

SHAKAWN KUNGDAWN 9:20

O, Yehowa e, shanhte hpe jahkrit mu; Masha amyu ni, si ging ai masha hkrai rai nga ma ai gaw, shanhte hpe shadum mu. [Selah.]

YEREMIA 25:38

Shi gaw hkanghkyi zawn shi a wuyup kau da nu ai; shanhte a mungdan gaw, adip arip re ai nhtu hte, shi a pawt sindawng ai majaw, mauhpa shara tai mat sai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

YEREMIA 4:7

Amyu baw ni hpe jahten shabyak na, hkanghkyi ngu ai wa gaw, tinang a wuyup na lung wa sai; shi gaw du magang ra ai; na a mungdan hpe katsi katsang shatai na hte, na a mare ni hpe kadai n nga lu hkra marawng marang di kau na matu, shi gaw tinang shara kaw na pru wa sai.

YEREMIA 48:40

Kaning rai nme law, Yehowa ning nga ai: Yu u, hpyen wa gaw langda zawn pyen sa nna, shi a singkaw Moba mung ntsa e ka-up na ra ai.

YEREMIA 49:19

Yu mu, Yawdan hka tung wa yang, hkanghkyi lung wa ai zawn, hpyen wa gaw Edom mung a ngang ai share de du na ra ai; ngai gaw shanhte hpe akajawng sha hprawng shangun na nngai; san da ai wa kadai hpe mung, dai mung ntsa e up shangun na nngai: kaning rai nme law, ngai hte bung ai wa kadai rai ta? nye a aten hpe kadai madat da a ni? nye a man e tsap nga lu ai sagu rem wa gaw, kadai wa rai ta?

SHARUNG SHAYAWT 4:19

Anhte hpe hkan shachyut ai ni gaw, ntsa malen na langda ni hta grau lawan ma ai; Shanhte gaw bum lang hkan e, anhte hpe hkan shachyut ma ai; nam mali hkan e anhte hpe gyam ma ai.

EZEKELA 17:3

‘Madu Yehowa ning nga ai: Lak lai ai ahpraw asam hte, mun law law tu nna, singkaw galu kaba ai langda kaba gaw, Lebanon bum de du nna, arit hpun ndung makrang let,

EZEKELA 28:2

“Masha kasha e, turu hkawhkam hpe htawn tsun u; ‘Madu Yehowa ning nga ai: Nang gaw myit kaba nna, Ngai Karai Wa rai nga nngai; nammukdara ka-ang e Karai Wa zawn nawn nga timung, Karai wa n rai, masha chyu sha rai nga ndai majaw,

EZEKELA 28:9

‘Ngai Karai Wa rai nga nngai,’ nga nna nang hpe sat kau ai wa a man e, nang naw tsun lu na n ni? Gaja wa, nang hpe hkala kau ai wa a lata hta, nang gaw Karai Wa n rai, masha chyu sha rai nga ndai.

Daniela 2:38

shinggyim masha rawng ai, shara shagu bra nga ai pa ga na ashu ashan ni hte, ntsa malen u ni hpe, na a lata hta shi ap ya nna, dai ni mahkra a ntsa e up shangun ndai: nang gaw aja baw rai nga ndai.

Daniela 4:36

Dai aten e nye a myit, myi na ta bai rai wa nna, nye a mungdan a arawng sadang matu, nye a hpung shingkang hte dan hkung ai gaw, myi na zawn rai nga ai: nye a baw mung ni hte agyi ni gaw ngai hpe tam ma ai; nye a mungdan hta ngai grin wa nna, daru magam kaba ngai hpe kahtap jaw nga ai.

Daniela 7:12

Kaga dusat ni chyawm gaw, up ai ahkang aya sum mat timung, shanhte gaw tawng marang mi hte aten ladaw mi hkrung nga na ahkang naw lu ma ai.”

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

MAHTE 24:28

Mang taw ai shara hkan e, lang da ni mung hpawng nga na mara ai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw tsap lagaw zawn, shi a n-gup hkanghkyi n-gup zawn rai nga ai: baren numraw gaw, shi a hpung shingkang hte shi a tingnyang mung, kaba la ai ahkang aya mung, dai matse labye hpe ap ya wu ai.