Daniela 7:24 - Jinghpaw Hanson Version Bible

²⁴ Ndai nrung shi gaw, dai mungdan hta paw pru na ra ai hkawhkam shi rai nga ai: shanhte a hpang e kaga hkawhkam paw pru na ra ai; shi gaw shawng na ni hte shai nna, hkawhkam masum hpe dang kau na ra ai.

Jinghpaw Common Language Bible 2009

²⁴ Dai nrung shi gaw dai hkawseng mungdan hpe up hkang na hkawhkam shi rai na ra ai. Dai hpang kaga hkawhkam paw pru wa na ra ai; shi gaw shawng na ni hte grai shai ai hte hkawhkam masum hte hpe dang kau na ra ai.

Daniela 7:24 ပူးပေါင်းရင်းမြစ်များ

Daniela 11:36

“Dai hkawhkam wa gaw shi myit ra ai hte maren galaw nna, hpara ni mahkra ntsa e tinang hkum hpe shagrau shatsaw ai hte, hpara ni a Karai Kasang hpe shinggan kau nna, mauhpa ga tsun na ra ai; pawt sindawng hpring ai aten du hkra, shi awng wa na ra ai; kaning rai nme law ndat da ai lam gaw dik wa na ra ai.

Daniela 2:41

Lagaw hte latsa ni gaw daw mi dibu sama a ga kagam, daw mi hpri rai nga ai hpe, nang mu ai hte maren, dai mungdan gaw karan mat ai mungdan tai na ra ai; rai timung, hpri gaw madi ai ga kagam hte kayau nga ai hpe, nang mu ai majaw, dai mungdan hta hpri atsam mung lawm na ra ai.

Daniela 7:20

de a baw hta tu ai nrung shi hpe mung, hpang e tu nna, shawng na hta nrung masum hpe jahkrat kau ai hte, masha myi tu nna, ga kaba chye tsun ai n-gup tu ai hte, manang ni hta grau nna hkrit na nsan ai, nrung kaji tu ai lam hpe mung, ngai chye mayu nngai.

Daniela 7:23

“Shing rai dai wa gaw, Mali ngu na dusat gaw, ga ntsa e paw pru na ra ai, mali ngu na mungdan rai nga ai: dai mungdan gaw kaga mungdan mahkra hte shai nna, mungkan ting hpe kawa sha kau na hte, kabye anin nna, agrawp daw kau na ra ai.

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 13:1

Shaloi nammukdara hta na dawng pru ai matse labye langai mi ngai mu nngai; dai gaw nrung shi hte baw sanit tu nga ai; de a nrung ni hta ja lagup shi gup nna, shi a baw ni hta arawng jahpoi ai amying kap nga ai.

SHINGRAN 17:3

Shaloi shi ngai hpe wenyi hte nam mali de woi nawng mat wa ai rai nna, baw sanit hte nrung shi tu nna, matsa shatan ai amying hkrai pri re ai hkyeng kabrim ai matse labye a ntsa e dung nga ai numsha hpe, ngai mu nngai.