Daniela 7:13 - Jinghpaw Hanson Version Bible

¹³ “Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

Jinghpaw Common Language Bible 2009

¹³ Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:13 ပူးပေါင်းရင်းမြစ်များ

SHAKAWN KUNGDAWN 110:2

Yehowa gaw na a up hkang na sumdoi, Ziun kaw nna jaw dat na ndai: Nang gaw, nang hpe gumlau ai ni a ka-ang e a up nga u.

SHAKAWN KUNGDAWN 2:8

Ngai e hpyi nna, masha amyu myu na a sali wunli matu, Nang madu na arung arai, lamu ga htum hkra, ngai nang hpe jaw na de ai.

SHAKAWN KUNGDAWN 47:5

Karai Kasang gaw garu ai nsen hte, Yehowa gaw pahtau dum wu ai hte, lung wa sai.

YEREMIA 49:19

Yu mu, Yawdan hka tung wa yang, hkanghkyi lung wa ai zawn, hpyen wa gaw Edom mung a ngang ai share de du na ra ai; ngai gaw shanhte hpe akajawng sha hprawng shangun na nngai; san da ai wa kadai hpe mung, dai mung ntsa e up shangun na nngai: kaning rai nme law, ngai hte bung ai wa kadai rai ta? nye a aten hpe kadai madat da a ni? nye a man e tsap nga lu ai sagu rem wa gaw, kadai wa rai ta?

EZEKELA 1:26

Bai shanhte a baw lahta tsang, lamu madin ntsa e, nila lungseng nsan ai tingnyang hkrang dawng pru nga ai: dai tingnyang hkrang ntsa e mung, masha hkrang nsan ai wa langai mi dawng pru nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 7:12

Kaga dusat ni chyawm gaw, up ai ahkang aya sum mat timung, shanhte gaw tawng marang mi hte aten ladaw mi hkrung nga na ahkang naw lu ma ai.”

Daniela 7:2

Daniela gaw, “Shana aten e ngai shingran mu nna, yu u, sumsing lamu na nbung mali gaw, nammukdara kaba ntsa e bung ahpawt wa ai.

Daniela 7:22

shanhte gaw dai mungdan hpe madu lu ai aten du hkra, dai nrung kaji gaw, chyoi pra ai ni hpe hpyen gasat nna dang kau nga ai, ngai mu nngai.”

Daniela 7:9

Shaloi tingnyang ni hpe shadun da nna, moi chyaloi nhkoi na wa langai mi dung nga ai du hkra, ngai mu mada nngai; shi a hpun palawng hkyen zawn hpraw nna, shi a kara seng ai sagu mun hte bung nga ai; shi a tingnyang wan shinglet, de a dingsen ni grung ai wan rai nga ai.

Daniela 8:15

Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

MAHTE 13:41

Dai masha kasha gaw shi a lamu kasa ni hpe shangun dat na rai nna, shanhte gaw shi a mungdan hta na, myit kataw shangun ai baw hte tara hte n bung ai amu galaw ai ni nlang hte hpe, lata shaw la nhtawm, wan htung hta kabai bang da na maru ai:

MAHTE 24:30

Dai shaloi e Masha Kasha a kumla gaw, sumsing lamu hta e dan pru na ra ai; shaloi jang ga ntsa na amyu baw shagu ni sharung shayawt let dai Masha Kasha gaw daru magam hte hpung shingkang kaba hte nawng lamu a sumwi hta du sa ai hpe, mu lu na mara ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MARKU 13:26

Dai shaloi e Masha Kasha gaw daru magam hte hpung shingkang kaba hte nawng sumwi ni hta e du sa ai hpe, shanhte mu na mara ai.

LUKA 21:27

Dai shaloi e Masha Kasha gaw, daru magam hte hpung shingkang kaba hte nawng sumwi hta du sa ai hpe, shanhte mu na mara ai.

LUKA 21:36

Dai rai nna, dai byin wa na ra ai lam ni yawng hta na nanhte lawt lu nna, Masha Kasha a man e tsap lu ging ai ni tai lu myit ga, akyu hpyi let, ahkying aten shagu hta a maja nga mu,” ngu mu ai.

LUKA 24:27

Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.

YAWHAN 12:34

Dai nga ai majaw shawa masha ni gaw, “Hkristu gaw htani htana agrin nga na re ai, nga nna she tara laika hta rawng ai anhte na yu ga ai: dai re ai mi, nang gaw, Masha Kasha sharawt da ai hkrum lu na ra ai, nga ai gaw, hpa nga ai rai lit ta? Masha Kasha dai gaw, kadai wa mi rai ta?” ngu nna shi hpe htan mu ai.

YAWHAN 3:13

Sumsing lamu de na yu hkrat wa ai hte, sumsing lamu e nga nga yu ai Masha Kasha hta kaga, kadai mung sumsing lamu de lung wa yu ai n rai.

YAWHAN 5:27

shi gaw Masha Kasha rai nga ai majaw, tara dara na ahkang mung shi e ap ya nu ai.

KASA 7:56

“Yu u, sumsing lamu hpaw malang nga ai hte, Karai Kasang a hkra maga de Masha Kasha tsap nga ai gaw, ngai mu se ai,” nga ai.

1 HTESALONI 4:17

dai hpang, dai Madu hpe Ka-ang ganghkau e hkrum na matu, hkrung nga ai hte naw hti ngam nga ai ni anhte gaw, shanhte hte rau sumwi ntsa de shalun la ai hkrum na ra ga ai rai nna, anhte gaw dai Madu hte rau tutnawng e anga nga na ra ga ai.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

HEBRE 2:14

Dai re ai majaw, kashu kasha ni asai ashan hkan dagraw ai zawn, shi mung, si lam up ai wa ngu ai Nat wa hpe shabyak kau lu na hte,

HEBRE 9:24

Kaning rai nme law, Hkristu gaw, lamu na kasi a sumla sha rai nga nna, masha lata hte gap tawn ai chyoi pra ai shara kata de n shang ai sha, anhte a matu mara Karai Kasang a man e dan pru nga na nga, sumsing lamu kata de nan shang wa sai:

SHINGRAN 1:13

Shing rai kayin yu yang, ja pyengdin sanit hte dai pyengdin ni a ka-ang e masha Kasha zawn san ai wa langai mi ngai mu nngai: dai wa gaw lahkre du ai palawng galu bu hpun nna, sinda hta aja shingkyit kyit nga ai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.

SHINGRAN 14:14

Yu mu, sumwi ahpraw ngai mu nngai; dai sumwi ntsa e masha kasha hte bung ai wa dung nga ai; shi a baw hta aja janmau gup nna, shi a lata hta dai ai nhkyau lang da wu ai.