Daniela 6:7 - Jinghpaw Hanson Version Bible

⁷ Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

Jinghpaw Common Language Bible 2009

⁷ Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

Daniela 6:7 ပူးပေါင်းရင်းမြစ်များ

SHAKAWN KUNGDAWN 10:9

Hkanghkyi gaw shi a lungpu hta zawn, makoi ai shara hta e shi gyem nga ai: Matsan mayan ni hpe kamu la na shi gyem nga ai; Shi a sumgawn gang karawt yang, matsan mayan wa mung lawm nga ai.

SHAKAWN KUNGDAWN 2:2

Yehowa hte shi a Namman chya ai wa hpe, Ga ntsa hkawhkam ni rau hpawng nga nna, Du salang ni jawm bawng nga ma ai gaw:

SHAKAWN KUNGDAWN 59:3

Yu mu, nye a asak la na shanhte gyam nga ma ai, Ngai hpe jahten na, n-gun ja ai ni zuphpawng nga ma ai: Rai timung, Yehowa e, ngai mara n kap nngai, Ngai yubak mung n galaw nngai.

SHAKAWN KUNGDAWN 59:5

Gaja wa, Israela Karai Kasang, Zaw nawng zaw wa up ai Karai Kasang Yehowa e, Amyu baw nlang hte hpe kawan yu na, rawt u: N shawp ai hku hkan ai ni hpe matsan hkum dum nga et. [Selah.]

SHAKAWN KUNGDAWN 62:4

Gaja wa, shi a arawng hpe jahten na shanhte bawng nga ma ai; Shanhte masu matsa ai ga hpe sharawng nga ma ai; Tinang a n-gup hte shaman ya timung, Kraw lawang e, dagam dala ga tsun nga ma ai. [Selah.]

SHAKAWN KUNGDAWN 83:5

Shanhte myit langai sha hte bawng nna, nang hpe gumlau ai ni a maga e ga shaka tawn da mu ai.

SHAKAWN KUNGDAWN 94:20

Tara a malai, n hkru ai hku tawn da ai, kashun kashe re ai tingnyang gaw, Nang hte hku lu na rai ni?

Daniela 2:4

Shing rai Hkalde sara ni gaw, Suri ga hte, hkawhkam wa hpe, “Hkawhkam wa e, nang tutnawng ahkrung nga n ga: na a mayam ni hpe dai yup mang hkai dan mi; anhte ga lachyum htai dan na ga ai,” ngu mu ai.

Daniela 3:11

n naw n ku ai wa kadai mung, grung nga ai wan htung hta kabai bang kau ai hkrum na ra ai, nga nna hkang da nit dai.

Daniela 3:2

Shaloi hkawhkam Nebuhkadneza gaw, shi shadun da ai sumla hpe hkap hkalum la na matu, munggyi ni, du ni, hpyen du ni, tara agyi ni, sutdek up ai ni, mung bawng ni, pya da du ni hte mungdaw up ai ni mahkra hpe shaga jahpawng mu ai.

Daniela 3:27

Shing rai, munggyi ni, du ni, hpyen du ni hte hkawhkam a mung bawng salang ni gaw zuphpawng nna, dai marai masum hpe jawm yu ma ai: wan gaw shanhte a hkum hpe n hkru ai hte, shanhte a kara singgawng langai mi pyi hkru magyi ai n rai; shanhte a hpun palawng mung n shai ai hte, wan sama pyi n manam ai hpe, mu mu ai.

Daniela 3:6

n naw n ku ai wa kadai mung, dai ahkying hta pyi, grung nga ai wan htung hta kabai bang kau ai hkrum na ra ai,” nga nna jahtau tsun ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

MIHKA 6:5

Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

NAHUM 2:12

Hkanghkyi la gaw, hkalung ni a matu amya sat kau nna hkanghkyi yi a matu magra sat let, shi a lungpu ni hpe shan hte, shi a nhkun ni hpe si mang ni hte, jahpring da wu ai.

MAHTE 12:14

Hparishe ni chyawm gaw pru wa nna, shi hpe kaning di jahten kau lu na lam bawng nga ma ai.

MAHTE 26:4

Yesu hpe hkalem rim la lu na hte sat kau lu na lam, bawng nga ma ai:

MARKU 15:1

Dai jahpawt manap e pyi, hkinjawng agyi ni, agyi salang ni, laika ka ai sara ni hte dai salang hpawng ting gaw bawng hkut masai rai nna, Yesu hpe gyit nhtawm, shi hpe dun wa nna, Pilat kaw ap ya mu ai.

YAWHAN 12:10

Dai majaw hkinjawng agyi ni gaw Lazaru hpe mung sat kau na, nga nna bawng nga ma ai: