Daniela 6:4 - Jinghpaw Hanson Version Bible

⁴ Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

Jinghpaw Common Language Bible 2009

⁴ Dai hpang kaga reng hkang ai yan hte munggyi ni gaw mungdan ting hpe up hkang nga ai Daniela hta shut ai mara lama mi mu tam lu hkra nga shakut ma ai, rai ti mung Daniela gaw kamhpa mai ai hte myit magaw let galaw shut kau ai amu hpa mung n nga nga ai majaw mara n mu tam ma ai.

Daniela 6:4 ပူးပေါင်းရင်းမြစ်များ

NINGPAWT NINGHPANG 41:38

Dai rai nna Hpara-u gaw, Karai Kasang a wenyi rawng ai ndai wa zawn re ai masha gaw, anhte kanang mu tam na ga ta? Ngu nna shi a agyi salang ni hpe tsun wu ai.

NINGPAWT NINGHPANG 43:18

Shing rai Yawsep a nta de shaga wa mu yang, shanhte gaw, Shawng e anhte a jan mahka hta bai bang dat a ai gumhpraw a majaw shaga shawn da mi ai: dai hta shi mara tam nna anhte hpe shagyeng nhtawm, mayam yam ai hte anhte a lawze ni mung la kau ya na ma ni ai, nga nna hkrit let tsun nga ma ai.

GA SHAGAWP 29:27

Dinghpring ai ni gaw n hkru ai wa hpe, Tara n lang ai ni gaw, malang ai hku hkan ai wa hpe, matsat nga ma ai.

HPAJI NINGLI 4:4

Bai ngai gaw, masha ni shada da manawn masham hkat ai hpaji byeng-ya amu hte maka kumla amyu myu hpe, sumru yu nngai: dai mung, kaman lila hte, nbung hpe shachyut ai hkrai rai nga ai.

YEREMIA 18:18

Shaloi shanhte gaw, Sa marit; Yeremia hpe hpaji daw ga; hkinjawng wa hte tara, hpaji rawng ai wa hte hpaji daw ai ga, myihtoi wa hte myihtoi ga, htum mat na n rai; sa marit; shinglet hte shi hpe kayat gaw; shi a ga langai mi muk n madat ga, nga nna tsun ma ai.

YEREMIA 18:23

Nang chyawm gaw Yehowa e, ngai hpe sat kau na nga, shanhte hpaji daw ai lam yawng, nang chye nga ndai; shanhte a shut hpyit ai hpe hkum dat kau et; shanhte a yubak hpe na a man na hkum arut kau et; na a man e shanhte htum mat mu ga; nang pawt bu ai aten e shanhte hpe dawdan mu.

YEREMIA 20:10

Masha ni a shatan nhkan ai hpe ngai na lu nngai; shoihpa shoirang shara magup rai nga ai: nye a makyin jinghku ni pyi, Mara shagun mu, anhte shi hpe mara shagun na ga ai; anhte shi hpe lau lu nna, dang kau lu na nhten; shi hpe matai dawp lu nhten, nga nna ngai hpe gyam yu ai ni tsun ma ai.

YEREMIA 29:7

Ngai nanhte hpe rim woi wa shangun ai mare a ngwipyaw lam tam nna, de a matu Yehowa hpe akyu hpyi mu: de a ngwipyaw ai hta nanhte mung ngwipyaw nga lu na myit dai:

Daniela 3:8

Shaloi jang Hkalde masha nkau mi gaw sit sa nna, hkawhkam Nebuhkadneza hpe,

Daniela 5:12

kaning rai nme law, Belteshaza ngu nna hkawhkam wa shamying ai ndai Daniela hta, nyan kaja, chye chyang ai myit, hpaji byeng-ya hte yup mang chye htai ai, makoi magap lam chye shapraw ai, gumwai ga chye malan ai nyan rawng nga ai. Ya, Daniela hpe shaga u; de a ga lachyum shi shapraw dan na ra ai,” ngu nna tsun wu ai.

Daniela 6:22

Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

MAHTE 26:4

Yesu hpe hkalem rim la lu na hte sat kau lu na lam, bawng nga ma ai:

MAHTE 27:18

Kaning rai nme law, manawn masham majaw, shanhte shi hpe ap kau mu ai hpe, shi chye nga ai.

LUKA 20:20

Dai rai nna shanhte gaw shi hpe gyam yu ai hte, mung up du hte ahkang aya lu ai munggyi wa kaw, shi hpe ap kau lu na matu, shi a ga hta mara shagun na lam mu hkra, dingman hpyi hpun ai kin-yu masha shangun dat ma ai.

LUKA 20:26

Shanhte gaw, mung masha ni a man e shi a ga hta mara n mu ma ai hte, shi htan ai ga a majaw mau nna, atsin sha nga ma ai.

LUKA 22:2

Shaloi hkinjawng agyi ni hte laika ka ai sara ni gaw, shi hpe kaning di sat kau lu na lam, tam nga ma ai: kaning rai nme law, shanhte mung masha ni hpe hkrit da mu ai.

YAWHAN 19:4

Shaloi Pilat gaw shinggan de bai pru nna, shanhte hpe, “Yu mu, ndai wa hta hpa mara mung ngai n mu nngai gaw, nanhte chye lu myit ga, ngu nna ngai shi hpe nanhte hpang de shapraw dan made ai,” ngu wu ai.

2 KORINHTU 11:12

Mara tam mayu ai ni mara n mu u ga hte, shanhte a gumrawng ai hta anhte hte maren sha shanhte tai u ga she, ngai galaw yu ai lam hpe naw a galaw nga na nngai.

HPILIPI 2:15

shing rai yang mara n rawng nna yubak n kap ai sha, ndai ja la nna myit magaw ai prat a ka-ang e agang chyalang n re ai Karai Kasang a kashu kasha ni nanhte tai wa ai hte,

1 TIMOHTI 5:14

Dai rai nna, aprat garai n kaba ai gaida jan ni gaw hkungran nna, kashu kasha shangai ai hte, kun dinghku hpe yu lajang let, nhtan shai ai ni a matu shatan nhkan ai lam n shapraw u ga, ngai ra nga nngai:

TITU 2:8

nhtan shai ai wa gaw kaya hkrum nna, anhte a lam hpa mara n shagun lu u ga, na a sharin shaga ai lam hta, n sun n ang ai ga n nang ai, si si re ai hte kadai ndang shara n rawng ai, san seng ai mungga madun dan u.

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.

TARA AGYI 14:4

Shi gaw, Hpilisti masha ni hte jahte tam ai rai nga ai hte dai lam Yehowa kaw na rai nga ai gaw, kanu yan kawa chyawm gaw n chye ma ai. Dai aten e Hpilisti masha ni gaw, Israela amyu hpe up nga ma ai.

1 SAMUELA 12:4

Shanhte mung, “nang chyawm gaw anhte hpe n maw sha, zingri zingrat n rai ya, gade a arai mung n kashun la yu ndai,” ngu nna htan mu ai.

1 SAMUELA 18:14

Dawi gaw lam shagu hta hpaji byeng-ya hte galaw wa ai rai nna, Yehowa shi hte rau rai nga ai.

1 SAMUELA 22:14

Ahimelek chyawm gaw, “Na a shangun ma ni yawng hta, Dawi zawn kangka ai, kadai nga a ta? Na a nhkri mung rai nga ai; na a mung bawng manang, na a hkaw hta arawng grau kaba ai wa shi rai nga ai.