Daniela 6:27 - Jinghpaw Hanson Version Bible

²⁷ shi hkye hkrang la nna mawai la lu ai; sumsing lamu hte ginding aga hta lamik kumla hte mauhpa amu shi galaw nga ai; shi gaw Daniela hpe hkanghkyi ni a n-gup na mawai la lu ai,” ngu nna ka shabra dat wu ai.

Jinghpaw Common Language Bible 2009

²⁷ Shi gaw hkye hkrang la ai hte hkye mawai la nga ai; shi gaw sumsing lamu hte ginding aga ntsa e mauhpa amu hte lamik kumla ni hpe galaw nga ai. Shi gaw Daniela hpe hkanghkyi ni e kawa sat kau hkrum na kaw na hkye mawai la nga ai.”

Daniela 6:27 ပူးပေါင်းရင်းမြစ်များ

YOBA 36:15

Shi gaw nni nkri hkrum ai ni hpe, tinang hkrum ai nni nkri hte mawai la nna, adip arip re ai hte shanhte a na hpe hpaw ya mu ai.

SHAKAWN KUNGDAWN 145:13

Na a mungdan gaw htani htana agrin nga ai mungdan rai nga ai rai nna, Nang hkang ai ahkang gaw, prat mi hte prat mi dinggrin anga nga lu ai.

SHAKAWN KUNGDAWN 18:48

Ngai hpe gumlau ai ni hta na, shi ngai hpe hkye la nngai; Gaja wa, je hpre ai ni a ntsa e nang ngai hpe sharawt nngai: N shawp ai ni hta na mung, nang ngai hpe mawai la ni ai.

SHAKAWN KUNGDAWN 18:50

Shi gaw shi a hkawhkam wa hpe hkye hkrang la ai lam kaba shangun nna, Shi Namman chya ai Wa, ngu ai, Dawi hte shi a aru arat hpe, Htani htana chyeju a madun dan nga mu ai law.

SHAKAWN KUNGDAWN 32:7

Nang gaw nye a makoi magap shara rai nga ndai, Ru tsang ai lawt u ga, nang ngai hpe sin nga ndai: Padang nlaw mahkawn ga hte nang ngai hpe kawan da ni ai. [Selah.]

SHAKAWN KUNGDAWN 35:17

Madu e, gaten du hkra nang a yu nga na n ta? Shanhte a jahten ai hta na nye a myit masin hpe, hkanghkyi ni kaw na nye a asak shingtai hpe, shaw la ya e.

SHAKAWN KUNGDAWN 97:10

Yehowa hpe tsawra ai ni e, n hkru ai hpe n dawng kau mu; Shi hpe kamsham ai ni a myit masin hpe shi sin nga ai: Tara n lang ai ni a lata na, shi shanhte hpe mawai la mu ai.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 4:31

Dai ga hkawhkam wa naw tsun nga yang pyi, sumsing lamu de na nsen gaw, “Hkawhkam Nebuhkadneza e, na a lam tsun ai ga dik wa sai:

Daniela 4:34

Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

YAWHAN 4:48

Dai re ai majaw Yesu gaw, “Nanhte lamik kumla hte mauhpa amu n mu myit yang gaw, nanhte hpa mung n kam n sham myit dai,” ngu nna shi hpe tsun wu ai.

KASA 4:30

na a mayam ni, na a mungga hpe nden ja ai myit hte tsun dan nga lu hkra, karum ya mi law,” nga nna hpyi ma ai.

HEBRE 2:4

Karai Kasang mung shi myit ra ai hte maren, lamik kumla, mauhpa amu, atsam rawng ai amu amyu myu hte mung, Chyoi pra ai Wenyi a karan jaw ai chyeju kumhpa hte mung, shanhte hte rau sakse dan ya ai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.