Daniela 6:24 - Jinghpaw Hanson Version Bible

²⁴ Dai hpang Daniela hta mara shagun ai ni hpe, hkawhkam wa hkang dat ai ga hte, shanhte shaga nhtawm, kashu kasha madu jan ni hte hpawn, hkanghkyi nhkun de jahkrat bang kau nna, hkanghkyi ni shanhte hpe kawa amya kau ai hte, htumpa de garai n du yang, shanhte a nrut nra yawng hpe, agrawp daw kau ya mu ai.

Jinghpaw Common Language Bible 2009

²⁴ Dai hpang hkawhkam wa gaw Daniela hpe mara shagun ai ni yawng hpe rim la na matu hkang dat wu ai. Shanhte hte rau shanhte a madu jan ni hte ma ni hte hpawn hkanghkyi ni hte hpring ai nhkun kata de kabai bang kau ai hkrum ma ai. Dai ni nhkun htumpa de garai n du ai kaw nna pyi shanhte hpe hkanghkyi ni htim amya nna shanhte a nrut nra ni hpe agrawp daw kau ya ma ai.

Daniela 6:24 ပူးပေါင်းရင်းမြစ်များ

2 HKAWHKAM 14:6

rai timung, Kasha ni a majaw kawa, kawa a majaw kasha ni si ai hkrum lu na, n rai; kadai mung tinang a mara hte sha si ai hkrum lu na rai nga ai, nga nna Mawshe a tara laika hta ka da ai hku hkan nna, Yehowa hkang da ai hte maren, shi a kawa hpe sat kau ai ni a kashu kasha ni hpe sat kau mu ai, n rai.

ESHTA 7:10

Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

ESHTA 9:10

rai timung, shanhte lanep n la ma ai.

ESHTA 9:25

hkawhkam wa dai lam chye jang, Yuda masha ni hpe, shi n hkru ai hpaji daw ai lam, shi a baw ntsa e nhtang dat nna, shi hte shi a shadang sha ni gaw, wudang hta noi da ai hkrum na ma ai, nga nna laika hte hkang dat wu ai.

SHAKAWN KUNGDAWN 54:5

Ngai hpe gyam yu ai ni hpe shi bai tai na mu ai; Na a sadi sahka hte shanhte hpe jahkoi kau mu.

GA SHAGAWP 11:8

Dinghpring ai wa gaw, nni nkri kaw na lawt wa nna, Tara n lang ai wa, shi a malai hkrum sha na ra ai.

GA SHAGAWP 19:9

Masu ai sakse gaw mara n kap na, n rai; Masu ga tsun ai wa gaw hten byak hkrum na ra ai.

ESAIA 38:13

Jahpawt du hkra ngai shakut sharang nga nngai; Hkanghkyi zawn shi nye a nrut nra ni hpe agrawp kau nu ai: Shana garai n du yang pyi, nang ngai hpe jahtum kau na ra ai.

YEREMIA 34:17

Dai re ai majaw Yehowa ning nga ai: Nanhte gaw langai hte langai, tinang hpunau shada, htingbu shada, dat dat na lam shapraw dan hkra, nye a ga n madat ai majaw, yu mu, Yehowa ning nga ai: Ngai gaw nanhte a matu ri nhtu, ana zinli hte kawsi hpang gara ai tsin-yam dat dat na lam htet da nna, nanhte hpe ga ntsa mungdan ni mahkra hta kahkrang hkawm shangun na nngai.

Daniela 3:22

Hkawhkam wa hkang da ai ga ja la nga ai hte, wan htung gaw nachying kahtet la nga ai majaw, de a wan shinglet gaw, Shadrak, Meshak Abed-nego hte hpe dun bang ai ni hpe, hkru sat kau mu ai.

TARA JAHPRANG 24:16

Kasha ni a majaw kawa, kawa a majaw kasha si ai hkrum lu na n rai: kadai mung tinang a mara hte sha si ai hkrum lu na rai nga ai.