Daniela 6:23 - Jinghpaw Hanson Version Bible

²³ Shaloi hkawhkam wa gaw, nachying kabu nna, Daniela hpe nhkun de na shaw la na lam, hkang dat wu ai. Shing rai Daniela gaw nhkun de na shaw la ai hkrum nna, shi gaw shi a Karai Kasang hta shamyet nga ai majaw, hkala nba hpa mung shi hta n mu nga ai.

Jinghpaw Common Language Bible 2009

²³ Hkawhkam wa gaw nachying kabu ai hte Daniela hpe nhkun kaw na gang shaw la na matu hkang dat wu ai. Shanhte gang shaw la ngut ai shaloi, Karai Kasang hpe shi kamhpa ai a jaw e, shi hta kachyi mi pyi n machyi hkrum nga ai hpe mu mada nga ma ai.

Daniela 6:23 ပူးပေါင်းရင်းမြစ်များ

1 HKAWHKAM 5:7

Ya Hiram gaw Shawlumon a ga na wu ai shaloi e ja ja kabu nga nna, “Ndai amyu kaba hpe up na matu, Dawi hpe hpaji byeng-ya rawng ai kasha jaw ya ai Yehowa gaw dai ni a nga u ga law” nga ai.

1 HKAWHKAM LABAU 5:20

Shanhte gasat nga ma yang, Karai Kasang hpe hpyi jahtau let, shi hpe tawngban ai hte shi hta shamyet shanat nga ma ai majaw, shanhte karum ai lu la nna, Hagara masha ni hte shanhte hte rau rai nga ai yawng hte hpe rim la lu mu ai:

2 HKAWHKAM LABAU 20:20

Shing rai shanhte gaw hpang jahpawt jau jau rawt nna, Tekoa nam mali de sa wa ma ai: shanhte sa wa nga yang, Yehosahpat gaw tsap nna, Yuda masha ni hte Yerusalem masha ni e, “Madat mara mu; nanhte a Karai Kasang Yehowa hpe kamsham nga mu; shing rai yang nanhte grin wa lu na myit dai; shi a myihtoi ni hpe mung kamsham nga mu, shaloi nanhte ninglaw lu na myit dai,” ngu nna tsun mu ai.

SHAKAWN KUNGDAWN 18:21

Kaning rai nme law, Yehowa a lam ngai hkan nang nna, Nye a Karai Kasang hpe shut kau nngai n rai.

SHAKAWN KUNGDAWN 37:40

Yehowa gaw shanhte hpe karum nga nna mawai la mu ai: shi hta shingbyi nga ma ai majaw, shi shanhte hpe tara n lang ai ni kaw na, mawai la nna, hkye hkrang la mu ai.

PRU MAT 18:9

Yehtru mung, Yehowa Israela hpe madun dan ai chyeju lam mahkra hte Egutu masha ni a lata na shanhte hpe hkrang la ai majaw, kabu gara nga ai.

GA SHAGAWP 18:10

Yehowa a amying ningsang gaw ngang ai langchyi rai nga ai; Dinghpring ai wa gaw, dai de hprawng shang nna, shim nga ai.

ESAIA 26:3

Myit maju jung ai wa gaw, nang hta shamyet shanat nga ai majaw, nang ban sa nga shangun wu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:25

Hkawhkam wa mahtang, “Yu mu, marai mali n gyit n hkang ai hte, hkala nba n hkrum ai, wan kata e hkawm nga ma ai hpe, ngai mu nngai; mali ngu na wa gaw, hpara kasha nsan nga ai,” nga nna tsun let,

Daniela 6:14

Hkawhkam wa gaw dai ga na jang, myit grai n pyaw nna, Daniela hpe kaning di mawai la lu na, myit sumru yu ai hte, jan shang ai du hkra shi hpe shalawt dat lu na ginshan tam shakut nga ai.

Daniela 6:18

Dai hpang hkawhkam wa gaw shi a htingnu de wa mat nna, shana tup shat n sha nga ai: sumpyi dum ai baw mung, shi hpang de n jashawn wu ai: yup mung n lu sha nga ai.

MARKU 9:23

Yesu gaw, “Nang rai lu n-yang gaw!- Kamsham ai myit rawng ai wa gaw hpa mung rai lu na ra ai,” ngu nna shi hpe tsun wu ai.

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai: