Daniela 6:22 - Jinghpaw Hanson Version Bible

²² Nye a Karai Kasang gaw, shi a lamu kasa shangun nna, hkanghkyi ni a n-gup pat kau ya ai hte, ngai hkala nba n hkrum nngai: kaning rai nme law, shi a man e ngai san seng nga nngai; na a man e mung, hkawhkam wa e, ngai hpa n shut nngai,” ngu nna hkawhkam wa hpe htan wu ai.

Jinghpaw Common Language Bible 2009

²² Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

Daniela 6:22 ပူးပေါင်းရင်းမြစ်များ

NINGPAWT NINGHPANG 40:15

gaja wa ngai hpe Hebre mung na lagu wa mi ai; ya nang e mung, ngai hpa yubak n galaw ai hpe ndai htawng hta bang da mi ai. Ngu nna tsun dat wu ai.

2 SAMUELA 22:7

Ngai ru tsang ai hta Yehowa hpe ngai shaga nna, Nye a Karai Kasang hpe hpyi jahtau we ai. Shi a Htingnu hta nna, shi nye a nsen madat ya nna, Ngai hpyi jahtau ai ga shi a na hta shang lu ai.

1 HKAWHKAM 13:28

Shaloi shi sa wa nna, lam e kadawng taw nga ai moi mang hte, lawze yan hkanghkyi gaw de a makau e tsap nga mala ai hpe mu wu ai: dai hkanghkyi gaw moi mang hpe mung n sha, lawze hpe mung n amya, rai nga la ai.

2 HKAWHKAM LABAU 32:21

Shing rai Yehowa gaw lamu kasa shangun dat nna, Asuri hkawhkam a hpyen dap na nden ja ai share ni, hpyen gyi, hpyen du ni mahkra hpe shaza kau mu ai. Hkawhkam wa mung myi man sum let shi a mung de bai wa mat ai. Ya shi a Hpara a nawku shara de shang yang, shi nan shaprat ai shi a kasha ni gaw, nhtu hte shi hpe sat kau mu ai.

SHAKAWN KUNGDAWN 118:28

Nang gaw nye a Karai Wa rai nga ndai, Ngai nang hpe shakawn kungdawn na nngai; Nye a Karai Kasang e, Ngai nang hpe shagrau sha-a na nngai.

SHAKAWN KUNGDAWN 26:6

Ngai nye a lata hpe dingman ai hte shin nga nngai: Yehowa e, shakawn ai nsen hte lawm lu nna,

SHAKAWN KUNGDAWN 31:14

Ngai chyawm gaw, nang hta shamyet nga nngai, Yehowa e; “Nang gaw nye a Karai Kasang rai nga ndai,” ngai nga nga nngai.

SHAKAWN KUNGDAWN 34:7

Yehowa hpe hkrit kamyin ai ni a grup yin e, Shi a Lamu kasa dap jung nga nna, shanhte hpe mawai la mu ai.

SHAKAWN KUNGDAWN 38:21

Yehowa e, ngai hpe hkum kau da et. Nye a Karai Kasang e, ngai hte hkum tsan nga et.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

ESAIA 63:9

Shanhte nni nkri hkrum shagu hta, shi mung nni nkri dum nna, shi a man na lamu kasa gaw, shanhte hpe hkye hkrang la mu ai: shi tsawra ai hte matsan dum ai myit majaw, shi shanhte hpe mawai la nna moi na prat shagu hta pawn ba mu ai.

YEREMIA 37:18

Bai Yeremia gaw hkawhkam Zedekia hpe, Nang hpe mung, na a ali ama ni hte ndai amyu masha ni hpe mung, ngai kaning rai shut n ta? hpa mara majaw ngai hpe sharen da myit ta?

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

Daniela 6:23

Shaloi hkawhkam wa gaw, nachying kabu nna, Daniela hpe nhkun de na shaw la na lam, hkang dat wu ai. Shing rai Daniela gaw nhkun de na shaw la ai hkrum nna, shi gaw shi a Karai Kasang hta shamyet nga ai majaw, hkala nba hpa mung shi hta n mu nga ai.

Daniela 6:4

Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

Daniela 6:7

Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

MIHKA 7:7

Ngai chyawm gaw, Yehowa hpe a mada nga na nngai; ngai e hkye hkrang la ai Karai Kasang hpe, ngai ala nga na nngai: nye a Karai Kasang gaw, ngai hpe madat na ra ai.

BU HKAWM 20:16

dai rai nna, anhte Yehowa hpe jahtau shaga yang shi lamu kasa shangun dat nna Egutu mung na anhte hpe hkrang shaw la mi ai: ya, yu u, na lamu ga shingnawm Kadesha mare e anhte nga nga ga ai.

MAHTE 27:46

Ahkying jahku e daram Yesu gaw nsen kaba hte, Elo-i, Elo-i lema sabakhtani? nga nna jahtau wu ai: dai gaw, Nye a Karai Wa e, nye a Karai Wa e, hpa rai nang ngai hpe kau da nga n ta? nga ai, rai lu ai.

KASA 12:11

Ya Petru myit arai la lu jang, Madu gaw shi a lamu kasa shangun dat nna, Herod a lata hte Yuda masha ni myit mada ai lam yawng hta na ngai hpe shaw la sai gaw, ya ngai teng teng chye se ai, nga nna,

KASA 24:16

Dai rai nna, Karai Kasang a man e mung, masha a man e mung, ra n rawng ai sha tutnawng myit mang san pra nga lu hkra, a shaja nga nngai.

KASA 27:23

Kaning rai nme nga yang, ngai hpe up hkang nna, ngai daw jau ai Karai Kasang a lamu kasa langai mi, mana e nye a makau e sa tsap nna,

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai:

1 SAMUELA 17:37

Bai Dawi gaw, “Hkanghkyi hte tsap a lata na ngai hpe hkye la ai Yehowa gaw, dai Hpilisti wa a lata na mung hkye la na ra ai,” ngu wu ai. Shawlu mung, “Sa sa, Yehowa nang hte rau nga na ra ai,” ngu nna Dawi hpe tsun wu ai.

1 SAMUELA 26:18

Bai Dawi gaw, “Nye a madu, na a mayam hpe hpa rai hkan shachyut hkawm nga n ta? Ngai hpa shut de ta? Nye a lata hpa mara nga nga a ta?