Daniela 6:16 - Jinghpaw Hanson Version Bible

¹⁶ Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

Jinghpaw Common Language Bible 2009

¹⁶ Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.

Daniela 6:16 ပူးပေါင်းရင်းမြစ်များ

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

YOBA 5:19

Shi nang hpe ru tsang amu kru hta na mawai la ai hta n-ga, sanit lang hkrum timung, nni nkri nang hpe hkra na, n rai.

GA SHAGAWP 29:25

Masha hpe hkrit ai myit gaw, mahkam rai nga ai; Yehowa hpe shamyet ai wa chyawm gaw, shagrau ai hkrum na ra ai;

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 43:2

Nang hka rap wa yang, ngai nang hte rau rai nga nngai; hka nu hka shi ni hpe rap wa yang, lim wa na n rai; wan hpe kabye yang, hkru na n rai, wan shinglet mung galip na n rai.

YEREMIA 26:14

Ngai chyawm gaw, nanhte a lata hta rai nga nngai; ngai hpe galaw mayu ai hte maren galaw mi.

YEREMIA 38:5

Dai rai nna hkawhkam Zedekia gaw, Yu mu, shi nanhte a lata hta rai nga ai; hkawhkam wa gaw nanhte ra ai hku hkum da lu ai n rai, ngu mu ai.

YEREMIA 38:6

Shaloi shanhte gaw Yeremia hpe woi la nna, sin langa ni a wang kata na, hkawhkam kasha Malhkia nhkun hta, sumri hte gyit nhtawm, shayu dat mu ai. Dai nhkun hta hka n rawng ai, hkumpup hkrai rai nga nna, Yeremia gaw hkumpup hta chyat galwi nga ai.

YEREMIA 39:17

Rai timung, ndai shani e ngai nang hpe mawai la na de ai; nang hkrit ai masha ni a lata hta ap kau ai hkrum na n rai.

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

Daniela 6:20

Dai de ni wa jang shi gaw hkrap ngu hkrap ngoi ai nsen hte Daniela hpe shaga nna, “A hkrung nga ai Karai Kasang a shangun ma Daniela e, nang n sim n sa nawku nga ai, na a Karai Kasang gaw, hkanghkyi ni a n-gup na nang hpe mawai la lu a ni?” ngu nna san wu ai.

Daniela 6:7

Nang hta kaga, hpara hpe mung, masha hpe mung, nhtoi sumshi ya laman e, akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna n galai mat lu ai hkawhkam mungga shapraw na matu, munggyi kaba ni, du ni, munggyi ni, bawmung ni hte hpyen du ni yawng, bawng hkrum saga ai.

KASA 24:27

Shing rai ni ning ladu hkrum jang, Hpilik a aya hta Porku Hpestu galai ai rai nna, Hpilik gaw Yuda masha ni a myi man shapa mayu ai majaw, Pawlu hpe sharen da let naw tawn da wu ai.

KASA 25:11

Ngai shut hpyit tawt lai ai wa rai nna, si ging ai mara lama ma galaw kau ai rai yang gaw, si hkam na lam ngai ndang ai n rai: rai timung, ndai ni shagun ai mara langai mi muk n teng yang gaw, shanhte a lata de ngai hpe kadai wa ap kau lu na n rai. Hkawhkam Kehta kaw du na nngai,” ngu nna htan wu ai.

KASA 25:9

Rai timung Hpestu gaw, Yuda masha ni kaw myi man pa mayu nna, Pawlu hpe, “Nang Yerusalem mare de lung wa nna, dai yang e nye a man e ndai amu lam dawdan hkam na, nang hkraw nga n ni?” ngu nna shi hpe san wu ai.

ROMA 13:3

Kaning rai nme law, du ni gaw kaja ai bungli a matu mara hkrithpa tai ma ai n rai; n kaja ai a matu mara hkrithpa rai ma ai. Ahkang aya lu ai wa hpe n hkrit mayu ai nga na myit ni? Mai kaja ai bungli galaw u, shing rai jang shi nang hpe shakawn kungdawn na rin dai:

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,