Daniela 6:12 - Jinghpaw Hanson Version Bible

¹² Shaloi shanhte sit sa nna, “Hkawhkam wa e, nang hta kaga hpara hpe mung, masha hpe mung, nhtoi sumshi ya laman e akyu hpyi ai wa kadai mung, hkanghkyi nhkun hta jahkrat bang kau ai hkrum u ga, nga nna mungga laika hpe nang amying dazik shakap da nu ai, n rai ni?” nga nna hkawhkam tara laika a lam san mu ai. Hkawhkam wa mung, “N galai mat lu ai Medi hte Persi masha ni a tara hte maren, dai lam teng nga ai,” ngu nna htan wu ai.

Jinghpaw Common Language Bible 2009

¹² Daniela hpe mara shagun na matu, shanhte yawng hkawhkam wa hpang de rau sa mat wa ma ai. Shanhte gaw, “Madu hkawhkam e, nang hta kaga karai kaw na mung, masha kaw na mung, nhtoi sumshi ya laman hpa mung hpyi lajin ai wa hpe hkanghkyi ni hte hpring ai nhkun de kabai bang kau ai hkrum na wu ai ngu ai hkang da ai ga hpe dazik dawk da nga nit dai,” ngu nna tsun ma ai. Hkawhkam wa mung, “Rai sa, n galai mat lu ai Medi hte Persi ni a tara gaw laja lana re ai hkang da ai lam rai nga ai,” ngu nna tsun htang wu ai.

Daniela 6:12 ပူးပေါင်းရင်းမြစ်များ

ESHTA 1:19

Hkawhkam wa hkraw n yang, gaw, htawm hpang e Washti gaw hkawhkam a man de shang na ahkang n lu u ga, nga nna hkawhkam wa jaw dat ai mungga gaw, n gale n galai mat lu hkra, Persi yan Medi a tara laika hta ka da u ga; dai hta kaga hkawhkam wa gaw, shi a hkawhkam jan aya hpe, shi hta grau kaja ai num hpe jaw kau u ga.

Daniela 6:15

Rai timung, ndai masha ni gaw hkawhkam wa man e bai hpawng nna, “Hkawhkam wa e, lang mi shapraw ai hkawhkam mungga hte tara gaw, n galai mat lu ai, nga nna Medi hte Persi masha ni a tara hta rawng nga ai hpe, dum u,” ngu nna hkawhkam wa hpe shadum mu ai.

Daniela 6:8

Ya, hkawhkam wa e, n galai mat lu ai Medi hte Persi masha ni a htung hte maren, ndai tara hpe shagrin da nna, dai laika hpe amying dazik shakap u,” ngu nna, tsun mu ai.

KASA 16:19

Ya shi a madu ni gaw, ma-un shabrai lu sha na lam myit mada shara n nga sai, chye jang, shanhte Pawlu yan Sila hpe rim la nna, gat de nga ai agyi salang ni hpang de karawt wa mu ai;

KASA 16:24

htawng agyi wa mung, shing nga hkang dat ai ga majaw, shan hpe htawng na kata gawk hta jashawn nna, share hte sharen tawn mu ai.