Daniela 6:10 - Jinghpaw Hanson Version Bible

¹⁰ Dai laika hta amying dazik shakap nga ai hpe, Daniela chye jang, shi gaw shi a nta de shang wa sai; ya, shi a gawk hkuwawt chyinghka ni gaw, Yerusalem mare de ang nna hpaw nga ai: shing rai shi gaw shawoi galaw ai hte maren, lani mi hta masum lang lang, lahput hput di let akyu hpyi nna, shi a Karai Kasang hpe shakawn kungdawn nga ai.

Jinghpaw Common Language Bible 2009

¹⁰ Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Daniela 6:10 ပူးပေါင်းရင်းမြစ်များ

1 HKAWHKAM 8:30

Na a mayam wa, na a amyu Israela gaw dai shara de yawng let akyu hpyi nga ma yang, anhte a hpyi nem ai ga hpe madat mara ya mi; sumsing lamu e nga ai na a shanu shara hta madat mara ya mi: madat mara nga yang yubak raw dat kau u law.”

1 HKAWHKAM 8:38

marai langai ngai, shing n rai, na amyu Israela ting gaw, tinang hkum hta hkra ai ana ahkya hpe dum yang, ndai nta de yawng let lata ladawn nna, kaning nga akyu hpyi tawngban timung,

1 HKAWHKAM 8:44

“Na amyu masha ni gaw hpyen ni hpe sa gasat nga ma yang, nang shanhte hpe gara lam shangun rai timung, shanhte gaw, nang lata la ai mare hte, na amying nsang matu ngai galaw da ai nta de yawng let, Yehowa hpe akyu hpyi nga ma yang,

1 HKAWHKAM 8:54

Shing rai Shawlumon gaw Yehowa hpe akyu hpyi tawngban ga mahkra shangut nhtawm, Yehowa tawn hkungri man e lahput hput di ai kaw nna, lata ladawn let rawt tsap nga ai hte,

2 HKAWHKAM LABAU 6:13

ya Shawlumon gaw, galu de dawng manga, nda de dawng manga, tsaw de dawng masum re ai magri pinra galaw nna, wang ka-ang e tawn da wu ai; dai ntsa e shi lung tsap nna, Israela shawa hpawng man e lahput hput di let, shi a lata hpe lamu de ladawn nna,

2 HKAWHKAM LABAU 6:38

bawng dung nga ma ai ga hta myit masin mahkra hte kraw lawang mahkra hte nang hpang de kayin wa nna, shanhte a kaji lawa ni hpe nang jaw ya ai mungdan hta, nang lata la ai mare hta, na a mying nsang matu ngai galaw da ai nta de yawng let, akyu hpyi nga ma ai,

EZRA 9:5

Ya shana na dumhpung hkungga jaw na aten du jang, nye a myit yawn ai kaw na ngai rawt nna, palawng hte lawai ai nba shaje hte lahput hput di let, nye a Karai Kasang Yehowa man e nye a lata ladawn nna,

NEHEMIA 6:11

Ngai mahtang, “Ngai zawn re ai wa hprawng na rai kun? Ngai hte bung ai wa, asak lawt na matu, nawku Htingnu de shang na, kadai wa rai ta? Ngai n shang na nngai,” ngu nna htan wu ai.

SHAKAWN KUNGDAWN 34:1

Ngai Yehowa hpe prat tup sha-a nga na nngai, Shi a shakawn ga nye a n-gup hta tut e rawng nga u ga.

SHAKAWN KUNGDAWN 5:7

Ngai chyawm gaw, na a kaba ai chyeju majaw, na a nta hta shang lu nngai. Nang hpe hkrit hkungga ai hte, na a Htingnu de yawng let, nawku lu nngai.

SHAKAWN KUNGDAWN 55:17

Shana e, jahpawt e, jan pungding ga ai aten e, Ngai myit aru yu let madai nga nna, Shi nye a nsen hpe madat ya na ra ai.

SHAKAWN KUNGDAWN 86:3

Shani tup ngai nang hpe shaga nga nngai majaw, Madu e, ngai hpe matsan dum la e.

SHAKAWN KUNGDAWN 95:6

Sa marit, anhte a Hpan Wa Ningsang Yehowa a man e, Anhte dingnyawm let nawku nna lahput hput di nga ga!

Daniela 6:13

Dai rai nna shanhte gaw, “Hkawhkam wa e, bawng dung ai Yuda kashu kasha ni hta lawm ai, ndai Daniela gaw, nang hpe mung, nang amying dazik shakap ai tara hpe mung, hpa n nawn nna, lani mi hta masum lang lang, akyu hpyi nga ai,” ngu nna hkawhkam wa hpe tsun mu ai.

Daniela 9:4

Ngai gaw nye a Karai Kasang Yehowa hpe akyu hpyi nna tawngban let, “Madu e, nang hpe tsawra nna, na a hkang da ai ga hkan shatup ai ni hpe, ga shaka shagrin da nna, n-gaw nwai ai myit madun ai, galu kaba ai hte hkrit mai ai Karai Kasang e,

YONA 2:4

Le asin amun sung ai shara kata, nammukdara a hpungtang de, Nang ngai hpe gumpye bang kau ni ai; Hka hpungla ni ngai hpe kawan mi ai, Na a hka leng kaba nlang hte hte, na a gumdin gumhkaw ni, Nye a ntsa e lwi nga ma ai.

MARKU 3:3

Shaloi shi gaw dai lata katsing si ai wa hpe, “Ka-ang e rawt tsap u,” ngu nna tsun wu ai.

LUKA 14:26

“Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

LUKA 22:41

sape ni nga ai kaw nna lungdin kabai hkap daram hka sa wa nhtawm, lahput hput di let,

KASA 10:9

Shanhte mung hpang shani e sa wa nna, Yopa makau du magang jang, Petru gaw ahkying kru daram e akyu hpyi na nga, nta ntsa de lung wa ai.

KASA 2:15

Nanhte zawn nawn ai hku n rai; ndai ni tsabyi n nang ma ai: kaning rai nme law, ya e shani ahkying masum sha naw rai nga ai:

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

KASA 20:36

Shing nga tsun ngut jang, shi lahput hput di nna, shanhte mahkra hte rau akyu hpyi nga ai.

KASA 21:5

Sanit ya nhtoi lai jang, anhte bai pru wa ga ai; shanhte mung, madu jan kasha ni hte rau, mare shinggan du hkra hkan sa dat ma ai rai nna, hka kau e hput di let, akyu hpyi ga ai: shing rai shada da shakram ngut jang,

KASA 3:1

Ya Petru yan Yawhan gaw, ahkying jahku na akyu hpyi ai ladaw hta, nawku Htingnu de lung wa ma ai.

KASA 4:29

Ya yang Madu e, shanhte a daru ahkrim ai ga hpe dum ya mi; machyi makaw mai tsai hkra, na a lata ladawn nna, na a chyoi pra ai Shangun ma Yesu a amying hte lamik kumla, mauhpa amu byin nga ai hta,

KASA 5:20

“Nanhte pru wa mu, nawku Htingnu e wa tsap nna, ndai asak hkrung ai lam hte seng ai ga yawng mayawng, shawa masha ni hpe tsun dan mu,” ngu dat wu ai.

KASA 5:29

Shaloi Petru hte kasa ni htan mu ai gaw, “Masha ga madat na hta, Karai Kasang a ga mahtang grau madat na ga ai.

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

KASA 9:40

Petru chyawm gaw nlang hte hpe shapraw kau ai; shing rai dai mang de kayin let, “Tabihta e, rawt u,” ngu wu ai. Shaloi dai jan myi hpaw nna, Petru hpe mu jang, rawt dung nga ai.

EHPESU 3:14

Ndai lam a majaw, sumsing lamu hta mung, ginding aga ntsa e mung, kawa ngu shamying ai,

HPILIPI 1:14

dai hta kaga, ngai bawng dung ai a marang e, dai Madu hta e hpunau ni malaw maga gaw, myit maku rawt wa ai hte, Karai Kasang a mungga hpe n hkrit n kang ai sha tsun dan na, grau nna gwi ma ai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

HEBRE 13:15

Dai rai nna, Karai Kasang a mying ningsang kajai tsun hkai nga ai n-gup n-gau a asi ngu ai shakawn kungdawn hkungga hpe anhte Yesu a gawp e, Karai Kasang kaw tutnawng e nawng ya nga ga.

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.