Daniela 5:7 - Jinghpaw Hanson Version Bible

⁷ Bai hkawhkam wa gaw, “mandan bau ai ni, Hkalde sara ni, gumhpan hpan ai ni hpe shaga mu,” ngu nna shabam dat wu ai: shing rai hkawhkam wa gaw, “Ndai ka da ai lam hte, de a ga lachyum ngai hpe htai dan lu ai wa kadai mung, hkyeng sawm ai hpun palawng bu hpun nna, ja hkachyi gali let ndai mungdan hta masum ngu na du tai na ra ai,” ngu nna Babelon hpaji rawng ai ni hpe tsun wu ai.

Jinghpaw Common Language Bible 2009

⁷ Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

Daniela 5:7 ပူးပေါင်းရင်းမြစ်များ

NINGPAWT NINGHPANG 41:8

Jahpawt rai jang Hpara-u gaw myit ru nna, Egutu mung na gumhpan ni mahkra hte hpaji byeng-ya rawng ai ni yawng hpe shaga la nhtawm, shanhte hpe shi a yup mang hkai dan wu ai: rai timung, Hpara-u hpe yup mang htai ya lu ai masha langai mi muk n nga ma ai.

ESHTA 3:1

Dai hpang e hkawhkam Ahasuru gaw, Agag amyu na, Hamedahta kasha Haman hpe shagrau nna, shi hte rau nga ai du salang ni mahkra hta grau tsaw ai aya hta dang da wu ai.

PRU MAT 7:11

Shaloi Hpara-u gaw shi a hpaji sara ni hte mandan bau ai ni hpe shaga la nna, Egutu mung na lakle sara ni mung tinang a lakle hte dai hte maren galaw ma ai:

GA SHAGAWP 1:9

Dai lam hte gaw na a baw hta tsawm htap ai shanghkawng, Na a du hta gali ai hkachyi tai na ra ai.

Shawlumon A Mahkawn Ga 1:10

Na a shabyi ni lakan hte mawn nna, Na a du gaw lungseng gali nga ai.

ESAIA 47:13

Bawng yu ai lam nau law ai majaw, nang hki ba nga ndai: lamu hpe chye yu ai ni, shagan ni hpe azi yu ai ni, shata ladaw hte hkaw tsun ai ni gaw, rawt tsap nna, na ntsa e du na ra ai lam ni kaw na, nang hpe, ya, hkye hkrang la mu ga.

YEREMIA 50:35

Yehowa ning nga ai, Nhtu tsin-yam gaw Hkalde masha ni, Babelon masha ni, de a du salang ni hte hpaji rawng ai ni a ntsa e du u ga;

EZEKELA 16:11

Gali lakai hte ngai nang hpe mawn sumli nna, lata hta lahkawn hkawn, du hta saidawng gali ya nngai.

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 1:4

hkawhkam amyu hta na mung, arawng lu ai ni hta na mung, lata la nhtawm, Hkalde masha ni a laika hte tsun ai ga, shanhte hpe sharin achyin ya na lam, shi hpe hkang da wu ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 2:27

Daniela gaw, “Hkawhkam wa san ai makoi magap nga ai lam hpe, hpaji rawng ai ni, mandan bau ai ni, lakle sara ni, gumhpan hpan ai ni, hkawhkam wa hpe madun dan lu ai n rai:

Daniela 2:48

Dai hta kaga hkawhkam wa gaw Daniela hpe shagrau shatsaw let, kumhpa kaba amyu myu shi hpe jaw nna, Bebelon mungdaw ting ntsa e up shangun ai hte, Babelon mung na hpaji rawng ai ni mahkra a agyi shatai wu ai.

Daniela 2:6

Yup mang hte ga lachyum htai dan myit yang gaw, nanhte gaw nye a lata na kumhpa, sutgan hte arawng sadang kaba lu la na marin dai: dai re majaw yup mang hte ga lachyum ngai hpe htai dan mi,” ngu nna Hkalde sara ni hpe htan wu ai.

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

Daniela 5:11

chyoi pra ai hpara ni a wenyi rawng ai wa langai mi, na a mungdan hta shanu nga ai: hpara ni a hpaji hte bung ai, myit leng ai, chye chyang ai hte hpaji byeng-ya gaw, na nwa a prat e, dai wa hta rawng nga ai; na nwa hkawhkam Nebuhkadneza mung, gaja wa dai wa hpe lakle sara ni, mandan bau ai ni, Hkalde sara ni hte gumhpan hpan ai ni a ntsa e, up shangun wu ai:

Daniela 5:15

Ya ndai ka da ai ga hpe hti nna, de a ga lachyum ngai hpe htai dan na matu, hpaji rawng ai ni hte Mandan bau ai ni hpe, nye a man e jashawn timung, shanhte gaw de a lachyum htai dan lu ma ai, n rai.

Daniela 5:16

Nang mahtang htai dan lu nna, gumwai ga malan lu ai hpe, na a lam ngai na ni ai: ya, ndai ka da ai ga hpe nang hti lu nna, de a lachyum ngai hpe shapraw dan lu yang, hkyeng sawm ai hpun palawng nang bu hpun nna, ja hkachyi gali let, ndai mungdan hta masum ngu na du tai na rin dai,” ngu nna Daniela hpe tsun wu ai.

Daniela 5:29

Shaloi Belashaza hkang da ai hte maren, shanhte gaw Daniela hpe hkyeng sawm ai hpun palawng jahpun nna, ja hkachyi gali nhtawm, mungdan hta masum ngu na du shi tai sai, nga nna shi a lam mungga shabra dat mu ai.

BU HKAWM 22:17

ngai nang hpe grai di shagrau na de ai: nang hpyi mahpyi ngai jaw na de ai; dai rai nna, sa rit, dai amyu hpe nye a matu sa matsa ya rit, nga ai,” ngu mu ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

BU HKAWM 24:11

ya na a buga de hprawng wa u: nang hpe ngai grai shagrau na ngu nna myit nngai: rai timung, Yehowa gaw na a arawng jat na lam ban kau ya nit dai,” ngu nna Balam hpe tsun wu ai.

1 SAMUELA 17:25

Israela masha langai mi mung, “Lera lung wa ai wa hpe, nanhte mu myit ni? Gaja wa, Israela amyu hpe roi na lung wa ai, rai nga ai: dai wa hpe sat kau lu ai wa e gaw, hkawhkam wa sutgan kaba hte shagrau nna, shi a shayi sha ya sha na da, dai wa a nta dap ni hpe mung, Israela mungdan hta lahkawn shalawt na da,” nga nna tsun nga ai.