Daniela 5:4 - Jinghpaw Hanson Version Bible

⁴ Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.

Jinghpaw Common Language Bible 2009

⁴ aja, gumhpraw, magri mang, hpri, hpun hte nlung ni hte galaw ai karai ni hpe shakawn kungdawn nga ma ai.

Daniela 5:4 ပူးပေါင်းရင်းမြစ်များ

1 HKAWHKAM 1:49

Ya Adoniya manam ni yawng hkrit kajawng let rawt nna, shara shatu de bra mat wa ma ai.

ESAIA 42:17

Tawk la ai sumla ni hpe hpa nna, “Nanhte gaw anhte a hpara ni rai nga myit dai,” nga nna jaw ai sumla ni hpe tsun ai ni gaw, kanut mat wa nna, teng teng kaya kahpa hkrum na mara ai.

ESAIA 42:8

Ngai gaw Yehowa rai nga nngai; dai nye a amying shingteng rai nga ai: nye a hpung shingkang masha wa hpe, nye a arawng sadang hpara sumla ni hpe, ngai jaw na n rai.

Daniela 1:8

Daniela chyawm gaw, hkawhkam wa karan jaw ai shat hte, shi lu ai tsabyi jahku hpe n lu n sha ai sha, awu asin hpe koi gam na nga, myit jahkut da wu ai: dai rai nna, awu asin n hkrum u ga, shi gaw unuk ni a agyi wa hpe hpyi wu ai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:3

Shaloi shanhte gaw Yerusalem mare na, Karai Kasang a nawku htingnu nta kata na kashun la ai ja gawm ni hpe shapraw nna, hkawhkam wa hte shi a du salang ni, numdung num ni hte lashi num ni, dai gawm ni hta lu lu ma ai.

Daniela 5:5

Dai ahkying hta nan, masha lata a layung dawng pru nna, pyengdin shadun tawtap e, hkawhkam htingnu shakum na engade hta ka da nga ai: hkawhkam wa gaw ka da nga ai lata hpe mu wu ai.

AMO LAIKA (AMOS) 6:7

Dai re ai majaw shanhte gaw, shawng rim mat wa hkrum ai ni hte rau, bawng dung sa wa nna, kaleng taw let, tinang hkum hpe chyan ai ni a pyaw daw kadaw ai lam, htum mat na ra ai.

HABAKU 2:19

Hpuntawng hpe, Yup hprang u, n chye shaga ai nlung hpe, Rawt u. nga nna tsun ai wa gaw, dingnye lu ai.

KASA 17:29

Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna n mai myit la ga ai.